Ezin dut deskargatu bideorik

Interneteko arakatzailearen edo gailu mugikorraren bidez bideoak deskargatzeko arazoak badituzu, egin arazoak konpontzeko urrats hauek.

YouTube Premium-eko kidetza amaitzen bazaizu, deskargatu dituzun bideoetarako sarbidea galduko duzu.

Arazoak konpontzeko urratsak

YouTube Premium-en saioa berriro hasten saiatu

Arazoa: ez daukazu hasita saioa YouTube Premium-en.

Konponbidea: ziurtatu saioa hasi duzula YouTube Premium-eko kidetzarekin lotutako kontuan.

• Amaitu saioa eta has ezazu berriro YouTube Premium-ekin lotutako kontuarekin.
• Ziurtatu YouTube Premium-en logotipoa ikusten duzula YouTube-n (eta ez YouTube-ren logotipoa).

Kidetzaren egoera egiaztatu

Arazoa: agian iraungi egin zaizu YouTube Premium-eko kidetza.

Ziurtatu YouTube Premium-eko kidetza ez zaizula iraungi.

YouTube aplikazioan, sakatu profileko argazkia Ezarpenak Erosketak eta kidetzak.

• Duela gutxi YouTube Premium-erako sarbidea galdu bazenuen eta berriro harpidetu bazara, ordu batzuk igaroko dira gordetako bideoak agertu arte berriro harpidetu ondoren.
• Bideo bat berehala ikusi nahi baduzu, sakatu Menua  eta hautatu Saiatu berriro deskargatzen.
• YouTube Premium-eko kidetza amaitzen bazaizu, deskargatu dituzun bideoetarako sarbidea galduko duzu. Deskargetarako sarbidea berreskuratzeko, erregistratu Premium-eko kidetza batean.

Interneteko konexioaren indarra egiaztatu

Arazoa: baliteke Interneteko konexio ahulak deskargak oztopatzea.

Konponbidea: bideoak deskargatzeko, Interneterako konexio sendoa behar da. Ziurtatu gailua 3 Mb/s edo bizkorragoa den wifi-sare batera edo 3G, 4G edo LTE abiadurak onartzen dituen sare mugikor batera konektatuta dagoela. Uneko Interneten abiadura zein den ziur ez badakizu, sareko abiadura-proba bat egin dezakezu.

Datu-konexioaren erabilera egiaztatu

Arazoa: gailu mugikor bat erabiltzen ari bazara, agian datu-konexioaren mugara iritsi zara.

Konponbidea: datu-konexioa erabiltzen ari bazara, egiaztatu datu-erabilera. Mugara iritsi bazara, wifi-sare batera konektatu beharko zara, edo datu gehiago erosi bideoak deskargatu ahal izateko. Berrikusi gailu mugikorraren ezarpenak atzeko planoan datuak erabiltzeko aukera YouTube-rako gaituta daukazula ziurtatzeko.

Deskargatzeko gailuen muga egiaztatu

Arazoa: agian YouTube Premium-ekin edukia deskarga dezaketen gailuen gehieneko kopurura iritsi zara.

Konponbidea: egiaztatu zenbat gailu erabili dituzun deskargak egiteko. Mugara iritsi bazara, kendu deskargak erabiltzen ez duzun gailu batetik. Lortu YouTube Premium-eko gailu-mugei buruzko informazio gehiago.

Oharra: bideoak deskargatzeko arazoak izaten jarraitzen baduzu, jarri laguntza-zerbitzuarekin harremanetan.