თუ უკვე დამტკიცებული ხართ YouTube პარტნიორთა პროგრამაში მონაწილეობისთვის, შეგიძლიათ შეცვალოთ YouTube-ისთვის AdSense ანგარიში, რომელიც დაკავშირებულია თქვენს YouTube არხთან. შეინარჩუნეთ აქტიური YouTube-ისთვის AdSense ანგარიში და მიაბით ის თქვენს არხს, რომ კვლავ მონაწილეობდეთ YouTube პარტნიორთა პროგრამაში.
გაითვალისწინეთ, რომ მიბმული YouTube-ისთვის AdSense ანგარიშის შეცვლა შეგიძლიათ მხოლოდ 32 დღეში ერთხელ.
- შედით YouTube Studio-ში.
- აირჩიეთ გამომუშავების სექცია მარცხენა მენიუდან.
- YouTube პარტნიორთა პროგრამის ვარიანტების სექციაში შეგიძლიათ ნახოთ თქვენს YouTube არხთან ამჟამად მიბმული YouTube-ისთვის AdSense ანგარიშის დეტალები.
- აირჩიეთ შეცვლა, რათა გადამისამართდეთ AdSense-ზე YouTube-ისთვის. უნდა შეიყვანოთ თქვენი პაროლი და ხელახალი ავტორიზაცია გაიაროთ თქვენ მიერ არჩეული მეთოდით. გაიგეთ, როგორ უნდა გაიაროთ თქვენი YouTube ანგარიშით ავტორიზაცია ხელახლა.
- გადამისამართდებით AdSense-ზე YouTube-ისთვის არსებული ანგარიშის დასაკავშირებლად ან ახლის შესაქმნელად.
- არსებული ანგარიში: თუ უკვე გაქვთ AdSense ან YouTube-ისთვის AdSense ანგარიში, უნდა შეხვიდეთ Google ანგარიშით, რომელსაც იყენებთ თქვენს არსებულ ანგარიშზე წვდომისთვის. გაითვალისწინეთ, რომ ის შესაძლოა განსხვავდებოდეს სისტემაში შესვლის ავტორიზაციის მონაცემებისგან, რომელსაც YouTube-ში შესასვლელად იყენებთ.
- ახალი ანგარიში: თუ ქმნით ახალ YouTube-ისთვის AdSense ანგარიშს, გახსოვდეთ, დასაშვებია მხოლოდ ერთი ანგარიში თითო მომხმარებელზე.
- თქვენ მიერ არჩეული ანგარიში ეკრანის სათავეში იქნება, ხოლო თქვენი YouTube არხის URL — „თქვენი ვებსაიტის“ სექციაში. თუ ეს ინფორმაცია სწორია, აირჩიეთ დაკავშირებაზე თანხმობა. თქვენ ისევ გადამისამართდებით YouTube-ზე (თუ არ გადამისამართდით, აირჩიეთ „გადამისამართება“).
- თქვენ დაასრულეთ AdSense-ის დაყენება YouTube-ისთვის! თქვენი მონეტიზაციის უპირატესი პარამეტრების დასაყენებლად მიჰყევით მომდევნო ნაბიჯებს ეკრანზე.
YouTube-ისთვის AdSense ანგარიშის თქვენს YouTube არხთან მიბმის შემდეგ ჩვენს სისტემას დაკავშირების ასახვისთვის შესაძლოა 24 საათამდე დრო დასჭირდეს.