ვიდეოები დაბლოკილია, როგორც პირადი

YouTube-ზე გვჯერა, არასათანადო მოპყრობის წინააღმდეგ ბრძოლა უნდა წარიმართოს ისე, რომ მან რეალურად დადებითი გავლენა მოახდინოს, ასევე, საიტმა სარგებელი მოუტანოს შემქმნელებს და მნახველებს მთელ მსოფლიოში. ერთ-ერთი გზა, რომლის საშუალებითაც ვცდილობთ და ვახორციელებთ ამას, დაუკავშირებელი ან შეცდომაში შემყვანი თეგების გამოყენების აკრძალვაა.

თუ აღმოჩნდა, რომ თქვენი ვიდეო არღვევს ჩვენს წესებს, შესაძლოა, ის დაიბლოკოს, როგორც პირადი. როცა ვიდეო დაბლოკილია, როგორც პირადი, ის ხილული აღარ არის საჯაროდ. თუ მნახველს ექნება ვიდეოს ბმული, მასთან ის გამოჩნდება, როგორც მიუწვდომელი.

როგორ შევიტყობ ამის შესახებ?

თქვენ მიიღებთ ელფოსტას, რომელშიც განმარტებული იქნება, რომ ერთ-ერთი თქვენი ვიდეო დაიბლოკა, როგორც პირადი. ზოგიერთ შემთხვევაში აპელაციის შესაძლებლობა გექნებათ. ასეთ შემთხვევაში, აპელაციის პროცესის ფარგლებში ელფოსტით გამოგეგზავნებათ დამატებითი შეტყობინება მომდევნო ნაბიჯებთან დაკავშირებით.

რა ემართება ჩემს ვიდეოს, როცა ის დაბლოკილია, როგორც პირადი?

როცა ვიდეო დაბლოკილია, როგორც პირადი, ის არ გამოჩნდება თქვენს არხზე ან ძიების შედეგებში, მას ვერც სხვა მომხმარებლები ნახავენ. ვერც ერთი თქვენი გამომწერი ვერ ნახავს ვიდეოს, რომელიც დაბლოკილია, როგორც პირადი. მომხმარებლის მიერ არჩეული პირადი ვიდეოებისგან განსხვავებით, თქვენ ვერ შეცვლით ვიდეოს მდგომარეობას, სანამ მას განმეორებით მიმოხილვაზე არ გაგზავნით.

ამ შემთხვევაში თქვენი ანგარიში გაფრთხილებას არ მიიღებს. შეგიძლიათ ნებისმიერი პრობლემის მოგვარება და აპელაციის გაგზავნა, რომ ვიდეო ხელახლა მიმოიხილოს უშუალოდ თქვენი ვიდეოების მმართველმა. ქვემოთ გაეცანით ნაბიჯებს, თუ როგორ წარადგინოთ საჩივარი.

როგორ მოვაგვარო ეს პრობლემა?

1. გაეცანით YouTube-ის საზოგადოების წესდებას.
2. გადაამოწმეთ, რომ თქვენი კონტენტი შეესაბამება ჩვენს წესდებას.
3. გაასაჩივრეთ YT Studio-ში, თუ მოაგვარეთ პრობლემები ან თუ ფიქრობთ, რომ შეცდომა დავუშვით.

თქვენ ვერ შეძლებთ ვიდეოების გასაჩივრებას, რომლებიც დაიბლოკა, როგორც პირადი, დაუდასტურებელი API სერვისის მეშვეობით ატვირთვის გამო. თქვენ მოგიწევთ ვიდეოს ხელახლა ატვირთვა დადასტურებული API სერვისის ან YouTube აპის/საიტის მეშვეობით. დაუდასტურებელმა API სერვისმა, შესაძლოა, ასევე მოითხოვოს API აუდიტი.

თქვენი ვიდეო ისევ რომ არ დაიბლოკოს, როგორც პირადი, ნუ გამოაქვეყნებთ კონტენტს: 

• რომელსაც დაუკავშირებელი ან შეცდომაში შემყვანი თეგები აქვს თქვენი ვიდეოს „აღწერილობის“ ან „თეგის“ სექციებიდან. შეიტყვეთ მეტი ჩვენს სტატიაში მეტამონაცემების საუკეთესო პრაქტიკების შესახებ.
• რომელიც მესამე მხარის დაუდასტურებელი API სერვისის მიერ აიტვირთა.

გაითვალისწინეთ, რომ ეს არ არის სრული სია. 

თუ ჩემი აპელაცია წარმატებული იქნება, ავტომატურად საჯარო გახდება თუ არა ჩემი ვიდეო?

არა. თუ აპელაციის შედეგად თქვენი ვიდეოს მიმოხილვა წარმატებით დასრულდება, მის გასაჯაროებას შეძლებთ. თუმცა, ის ავტომატურად საჯარო ვერ გახდება. ვიდეოები რჩება პირადად, სანამ არ შეცვლით ვიდეოს კონფიდენციალურობის პარამეტრებს. ამით გვსურს, თქვენ თვითონ მართოთ თქვენი ვიდეოს გასაჯაროების საკითხი.

რა გავლენას მოახდენს ეს მონეტიზაციაზე?

ვიდეოებზე, რომლებიც დაიბლოკა, როგორც პირადი, მონეტიზაცია არ გავრცელდება. აპელაციის გაგზავნისა და იმის შემდეგ, რაც დადგინდება, რომ ვიდეო აღარ არღვევს ჩვენს წესებს, ვიდეოს შეეძლება მონეტიზაციის გაგრძელება.