Kanalaren panelean, azkenaldian lortu dituzun harpidedunen zerrenda ikus dezakezu. Halaber, denboran zehar lortu duzun harpidedun kopurua YouTube Studio-n ikus dezakezu.
Azkenaldiko harpidedunak ikusi
- Hasi saioa YouTube Studio-n.
- Panelean, bilatu Azkenaldiko harpidedunak txartela.
- Txartela zabaltzeko, sakatu Ikusi guztiak.
Aholkua: goialdean, denbora tarte bat aukera dezakezu, eta zerrenda harpidedun kopuruaren arabera ordenatu.
Zein harpidedun erakusten dira?
Baldintza hauek betetzen badituzte erakusten dira harpidedunak zure azkenaldiko harpidedunen zerrendan:
- Beren harpidetzak publiko bihurtzea aukeratzen badute.
- Zure kanalera azken 28 egunetan harpidetu badira.
Zein harpidedun ez dira erakusten?
Baldintza hauek betetzen badituzte, agian ez dira erakutsiko harpidedunak zure azkenaldiko harpidedunen zerrendan:
- Beren harpidetzak pribatu mantentzea aukeratzen badute.
- Kontua aldi baterako itxita badaukate edo spamtzat hartzen bada.
Harpidedunei buruz maiz egiten diren galderak
Batzuetan, harpidedunek nola funtzionatzen duten galdetzen digute YouTube-ren komunitatean.
YouTube-k automatikoki kentzen al dizkie harpidetzak kanalen ikusleei?Ez, baina zenbait kanalen ikusleei "harpidetza automatikoki kendu" diegula esaten duten elkarrizketa batzuk ikusi ditugu. Halako oharrak jasotzen ditugunean, garrantzi handia ematen diegu. Harpidetzen taldeak ikerketa sakonak egiten ditu bidalitako datuak oinarri hartuta, zer gertatzen ari den ikusteko.
Ikusi ditugun kasu guztietan, YouTube-k ikusleen harpidetzak kentzen ez dituela egiaztatu dugu. Ondorio hauek atera ditugu:
- Gehienetan, ikusleak kanaletara harpidetuta daude oraindik ere.
- Ikusle batzuek nahi gabe kentzen zituzten kanaletako harpidetzak. Ordutik hona, harpidetza kentzean berrespen-leiho gainerakor bat gehitu dugu (eginbide hori oraindik ez dago erabilgarri iPhone eta iPad gailuetan).
- Pertsona askok kanal bateko harpidetza kendu zitzaiela pentsatzen zuten bideoak beren Orri nagusia fitxan agertzen ez zirelako. Kasu horiek ikertzean, oraindik ere kanaletako harpidetza zutela ikusi genuen, eta harpidetza kendu ez zitzaiela. Orri nagusia fitxa gure ustez zuretzat interesgarrienak izango diren bideoak erakusteko diseinatuta dago. Ez dugu bermatzen zure harpidetzen bideo guztiak ikusiko dituzunik Orri nagusia fitxan, baina zerrenda osoa harpidetzen jarioan ikusi ahalko duzu.
- Sortzaile batzuek ikusle jakin batzuen harpidetzak kendu zirela uste zuten, harpidedun horiek kanalaren harpidedunen zerrendan agertzen ez zirelako. Zerrenda horretan harpidetzak publiko egitea aukeratu duten harpidedunak soilik agertzen dira. Harpidetzak pribatuak dira modu lehenetsian.
- Sortzaile gisa argitaratzen dituzun bideo guztiak erakusten dira zure harpidedunen harpidetzen jarioan, modu lehenetsian. Hala ere, ezarpen aurreratu baten bidez, bideo bat argitaratzen duzunean harpidetzen jarioan agertzea ekidin dezakezu. Bideoak egunero argitaratzen dituzten sortzaile batzuek ezarpen hori erabiltzen dute estrategikoki bideo batzuk soilik erakusteko harpidetzen jarioan.
- Bideo bat kargatzen duzunean, ahalik eta bizkorren argitaratzen dugu harpidetzen jarioan. Normalean, minutu gutxi batzuk soilik behar dira, edo gutxiago. Ezarpen horrek ahalik eta bizkorren funtzionatzea harpidetzen taldearen lehentasun handi bat da. Azken sei hilabeteetan, argitaratzeko denbora bi heren laburtu dugu.
Zergatik esaten didate nire harpidedunek nire bideoak beren harpidetzen jarioan agertzen ez direla?
Zure banaketa-aukerak aldatu ezean, bideo guztiak argitaratzen ditugu harpidetzen jarioan. Jarioan bideoak ikusten ez dituzten ikusleen kexak jasotzen ditugunean, normalean bi arrazoi hauetako batengatik da:
- Norbait hainbat kanaletara harpidetuta badago, erraza da zerbait galtzea. Ikusle askok dozenaka harpidetza dituzte, edo ehunka! Batzuetan, bideo jakin bat bilatzea zaila izaten da beste harpidetzen bideo askoren artean. Erabiltzaile bat harpidetuta daukaten kanalek maiz argitaratzen badute, baliteke haren harpidetzen jarioan bideo zaharragoak ez agertzea.
- Garrantzitsua: bideo guztiak harpidetzen jarioan agertzen diren arren, guztiak ez dira agertzen Orri nagusia fitxan. Orri nagusia fitxan gure ustez erabiltzaile bati une honetan gehien interesatzen zaizkion bideoak agertzen dira. Ez da bermatzen harpidetzen bideoak han agertuko direnik.
Beste zerbait gertatzen dela uste baduzu, bidal iezazkiguzu oharrak, eta aztertuko dugu.
Zure YouTube-ko kanalaren kontuak eta ekintzak legezkoak diren egiaztatzen dugu aldian-aldian. Gure webgunearen neurketek spamik, gehiegikeriarik eta itxitako konturik ez dutela ziurtatzeko egiten dugu hori, YouTube denentzako toki justu bat izan dadin. Lortu harpidedun kopuruari buruzko informazioa.
Itxitako kontuak nire harpidedun kopuruan sartzen dira?
Erabiltzaile batek Google-ko kontua guztiz ixten duenean, YouTube-tik desagertzen da; beraz, ez da sartzen zure harpidedun kopuruan.
Zure kanalaren YouTube Analytics atalean, harpidedunetako zenbatek itxi dituzten kontuak ikus dezakezu. Bertan, "itxitako kontu" gisa zenbatzen dira.
Itxitako kontuak ez dira sartzen zure harpidedunetan. Lortu harpidedun kopuruei buruzko informazio gehiago.
Kontu bat spamtzat hartzen dugunean, ez dugu sartzen zure harpidedun kopuruan. Halako kontuek ez daukate kenduta zure kanaleko harpidetza. Kontu horiek harpidetuta daudela ikusten dute, eta zure bideoak agertzen zaizkie harpidetzen jarioan.
Spam-ikusleei ez dizkiegu kentzen kanaletako harpidetzak. Lortu harpidedun kopuruei buruzko informazio gehiago.
Orokorrean, normala da harpidedun kopuruan aldaketak ikustea. Zure harpidedun kopurua aldatu edo gutxiagotu dela badirudi, baliteke arrazoi hauetakoren batengatik izatea:
- Ikusleak zure kanalera harpidetzen eta hartako harpidetza kentzen ari dira, ohi bezala.
- Kanaletik spam-harpidedunak kendu ditugu. Eragina jasan baduzu, YouTube Studio-n alerta bat jasoko duzu.
- Kanaletik itxitako kontuak kendu ditugu.
- Kontu horiek agian erabiltzaileek itxi dituzte, edo agian YouTube-k itxi ditu gidalerro-urratze batengatik.
Harpidedun kopuruaren aldaketek ezohikoak badirudite, agian arazo ezagun batengatik da. Zure harpidedun kopurua ohi baino gehiago aldatzen ari bada, arazo bat sala dezakezu.