Mababa ang kalidad ng video pagkatapos ng pag-upload

Kapag nag-upload ka ng video, ipoproseso muna ito sa mababang kalidad. Nakakatulong ito sa iyong makumpleto nang mas mabilis ang proseso ng pag-upload. Kapag nakumpleto na ang proseso ng pag-upload, magiging available ang iyong video para ma-stream sa mababang kalidad, sa maraming uri ng mga device.

Posibleng mas matagal ang pagpoproseso ng mas matataas na kalidad, gaya ng 4K o 1080p. Habang nangyayari ang pagpoprosesong ito, posibleng magmukhang walang mas mataas na kalidad ang iyong video sa loob ng ilang oras. Kapag natapos na ang pagpoproseso ng mataas na resolution, magiging available ang mas matataas na kalidad sa iyong video.

Pinakamahuhusay na kagawian para sa mga video na may mataas na kalidad

Puwede mong i-upload muna ang iyong video bilang hindi nakalista anumang oras at gawin itong pampubliko kapag nakumpleto na ang pagpoproseso ng mataas na resolution. Sa pamamagitan ng pag-upload muna bilang hindi nakalista at pag-publish sa ibang pagkakataon, sa matataas na kalidad lang makikita ng mga manonood ang iyong video.

Kung gusto mong mas mabilis na lumabas ang mga HD na kalidad pagkatapos ng pag-upload, subukang i-upload ang iyong video nang may mas mababang kalidad o frame rate. Halimbawa, kapag lumipat sa 1080p na kalidad mula sa 4K, magiging mas maikli ang panahon ng pagpoproseso bago maging available sa mga manonood ang mga HD na opsyon.

Tungkol sa tagal ng pagpoproseso

Ang tagal ng pagpoproseso ay nakadepende sa maraming bagay, tulad ng:

  • Format ng video
  • Haba ng video
  • Frame rate
  • Kalidad

Ang mga video na may mas mataas na kalidad, tulad ng mga video na nasa 4K o 1080p, ay mas matagal i-upload at iproseso. Gayundin para sa mga video na may mas matataas na frame rate, gaya ng 60-fps.

Halimbawa, ang mga 4K video ay 4 na beses na mas malaki sa mga 1080p video. Puwedeng maging 4 na beses na mas matagal bago maging available ang 4K na kalidad pagkatapos ng pag-upload. Ang isang 4K video na may frame rate na 30 fps na may habang 60 minuto ay puwedeng abutin nang hanggang 4 na oras bago matapos ang pagpoproseso ng mataas na resolution. Mas matatagalan ang isang 4K video na may frame rate na 60fps.

Tingnan ang kalidad ng video

Para makita kung natapos na ang iyong video sa pagproseso sa mas matataas na kalidad, suriin ang page sa panonood ng video.

  1. Buksan ang page sa panonood ng iyong video.
  2. Sa video player, piliin ang Mga Setting .
  3. I-click ang Kalidad.

Kung wala pa rin ang mga opsyon sa mas mataas na kalidad, kinukumpleto pa rin ang pagpoproseso sa background. Alamin kung paano baguhin ang kalidad ng iyong video.

Nakatulong ba ito?
Paano namin mapapaganda ito?
Search
I-clear ang paghahanap
Isara ang paghahanap
Mga app ng Google
Pangunahing menu
Maghanap sa Help Center
true
59
false