Kapag nag-upload ka ng video, ipoproseso muna ito sa mababang kalidad. Nakakatulong ito sa iyong makumpleto nang mas mabilis ang proseso ng pag-upload. Kapag nakumpleto na ang proseso ng pag-upload, magiging available munang i-stream ang video mo sa mababang kalidad, sa maraming uri ng device.
Posibleng mas matagal maproseso ang mga video na mas mataas ang kalidad, gaya ng 4K o 1080p. Habang nangyayari ang pagprosesong ito, posibleng magmukhang walang mas mataas na kalidad ang video mo sa loob ng ilang oras. Kapag natapos na ang pagpoproseso ng mataas na resolution, magiging available ang mas matataas na kalidad sa video mo. Para sa pinakamainam na tagal ng pagproseso, I-verify ang iyong account.
Tungkol sa tagal ng pagproseso
Ang tagal ng pagpoproseso ay nakadepende sa maraming bagay, tulad ng:
- Format ng video
- Haba ng video
- Frame rate
- Kalidad
- Trapiko
Ang mga video na mas mataas ang kalidad, gaya ng mga video na 4K o 1080p, ay mas matagal i-upload at iproseso. Gayundin para sa mga video na mas mataas ang frame rate, gaya ng 60fps.
Halimbawa, ang mga 4K video ay 4 na beses na mas malaki sa mga 1080p video. Puwedeng maging 4 na beses na mas matagal bago maging available ang 4K na kalidad pagkatapos ma-upload. Ang isang 4K video na may frame rate na 30 fps na 60 minuto ang haba ay puwedeng abutin nang hanggang 4 na oras bago matapos ang pagproseso ng mataas na resolution. Mas matatagalan ang isang 4K video na may frame rate na 60fps.
Tingnan ang kalidad ng video
Para makita kung natapos na ang iyong video sa pagpoproseso sa mas matataas na kalidad, suriin ang page sa panonood ng video.
- Buksan ang page sa panonood ng iyong video.
- Sa video player, piliin ang Mga Setting
.
- I-click ang Kalidad
.
.Kung hindi available ang mga opsyong may mas mataas na kalidad, pinoproseso pa ang video sa background. Alamin kung paano baguhin ang kalidad ng iyong video.