Iwapo video yako haifai kwa watangazaji wengi, aikoni ya ishara ya dola ya manjano itawekwa karibu na video hiyo: 
Video hubainishwa kuwa "Haifai kwa watangazaji wengi" ikiwa:
- Mifumo yetu ya kiotomatiki itabaini kuwa maudhui yako hayafai chapa zote.
- Wataalamu wetu wamethibitisha kuwa video yako haifuati mwongozo wetu wa maudhui yanayofaa watangazaji.
Jinsi hali ya uchumaji wa mapato inavyotekelezwa
Katika mchakato wa kupakia, tunatumia mchakato wetu wa kukagua ufaafu wa kuwekwa matangazo ili kubaini iwapo video inatii mwongozo wetu wa maudhui yanayofaa watangazaji. Pia tunakagua mitiririko mubashara iliyoratibiwa. Kabla ya kutiririsha mubashara, mifumo yetu hukagua jina, maelezo, kijipicha na lebo.
Ikiwa huna uhakika kwa nini video yako ina aikoni ya manjano, soma mwongozo wetu wa maudhui yanayofaa watangazaji. Hakikisha unakagua jina, maelezo, kijipicha na lebo za video. Video zisizo na jina au metadata huenda zisiwe na muktadha wa kutosha kusaidia mifumo yetu kuelewa ikiwa maudhui yanafaa kwa watangazaji wote.
Wakati unaofaa kuomba ukaguzi
Kagua video kwa kulinganisha na vigezo vilivyoorodheshwa kwenye mwongozo wetu wa maudhui yanayofaa watangazaji. Ikiwa video yako inatimiza vigezo vyote vya “Maudhui haya yanaweza kuchuma mapato ya matangazo,” unapaswa kuomba ukaguzi. Pata maelezo zaidi kuhusu utaratibu wa ukaguzi wa kubaini ikiwa umetimiza masharti ya uchumaji wa mapato.
Kukata rufaa dhidi ya kizuizi cha ufaafu wa kuwekwa matangazo
Ukishapakia video yako na ipitie mchakato wetu wa kukagua ufaafu wa kuwekwa matangazo kisha upokee aikoni ya manjano, bado unaweza kukata rufaa dhidi ya uamuzi huo. Ombi lako la kukata rufaa hutumwa kwa mtaalamu na uamuzi wake husaidia kuboresha mifumo yetu kadiri muda unavyosonga.
Kumbuka: Kufuta na kupakia video upya si suluhisho.
Ili ukate rufaa:
- Ingia katika akaunti ya Studio ya YouTube.
- Kwenye menyu ya kushoto, bofya Maudhui
.
- Nenda kwenye video ambayo ungependa kukatia rufaa.
- Karibu na video, katika safu wima ya Vizuizi , wekelea kiashiria juu ya Ufaafu kwa matangazo.
- Bofya OMBA UKAGUZI. Fuata maagizo yaliyo kwenye skrini.
.Kumbuka: Unaweza tu kupata chaguo la kukata rufaa ikiwa video yako imetimiza masharti. Baada ya kukata rufaa, maelezo kuhusu video yako yatasasishwa ili kuonyesha hali ya rufaa yako.
Omba ukaguzi wa ziada wa vikwazo vya ufaafu kwa matangazo
Huenda video yako ikastahiki kupata hatua moja zaidi ya uhakiki unaofanywa na binadamu. Ili kupata maelezo iwapo video yako inastahiki, tumia mwongozo huu wa kujisaidia mwenyewe.
Angalia ustahiki wa ukaguzi wa ziada
Ikiwa upo katika Umoja wa Ulaya na hukubaliani na jinsi video yako imekadiriwa, unaweza kupata njia za ziada za utatuzi. (Kitambulisho cha kuelekeza: MHQU)
Utaratibu wa mchakato wa kukata rufaa
Unapotuma ombi la uhakiki unaofanywa na binadamu, mtaalamu huangalia video husika. Anatumia muda wake kutazama na kukagua maudhui, jina na metadata ya video akilinganisha na mwongozo wetu wa maudhui yanayofaa watangazaji. Pata maelezo zaidi kuhusu utaratibu wa ukaguzi wa kubaini ikiwa umetimiza masharti ya uchumaji wa mapato.
Uamuzi wa mwisho unapofanywa kuhusu video yako, utaarifiwa kupitia barua pepe.
Kumbuka: Usisahau kwamba hali ya aikoni ya video inaweza kubadilika baada ya wewe kuwasilisha video yako ili ihakikiwe. Mifumo yetu huendelea kufanya uchanganuzi wake hadi ukaguzi ukamilike.
Muda ambao unatumika kufanya ukaguzi
Tunafahamu kuwa ukaguzi huu ni muhimu kwako na unaathiri mapato yako. Uhakiki unaofanywa na binadamu unaweza kuchukua hadi siku 7. Baada ya ukaguzi kukamilika, utapokea barua pepe iliyo na uamuzi kuhusu uchumaji wa mapato. Baada ya ukaguzi mmoja wa ziada, uamuzi wa mkaguzi ni wa mwisho na hali ya uchumaji wa mapato kutokana na video haitabadilika.