YouTube-ზე შესასვლელად დაგჭირდებათ Google ანგარიში. Google ანგარიში მოქმედებს Google-ის ყველა პროდუქტისთვის (როგორიცაა Gmail, Blogger, Maps, YouTube და სხვა).
დაიწყეთ | YouTube-ში შესვლის მიზეზები და ხერხები და YouTube არხის შექმნა
გამოიწერეთ YouTube მნახველების არხი უახლესი ამბების, განახლებებისა და მინიშნებების მისაღებად.
თუ ადრე შესულხართ ამ პროდუქტებიდან რომელიმეში, თქვენ უკვე გაქვთ Google ანგარიში. ანგარიშში შესასვლელად შეიყვანეთ ელფოსტის მისამართი, რომელიც შესაბამისი პროდუქტებისთვის გამოიყენეთ. მაგალითად, თუ Gmail-ს იყენებთ, ეს იქნება Gmail-ის მომხმარებლის სახელი. თუ Google ანგარიში არ გაქვთ, შეგიძლიათ მისი შექმნა YouTube-ზე.
Google ანგარიშებისა და YouTube-ის შესახებ გახსოვდეთ რამდენიმე მნიშვნელოვანი დეტალი:
- YouTube-ში შედიხართ თქვენი Google ანგარიშით. YouTube-ში რომ შეხვიდეთ, შეიყვანეთ Google ანგარიშის ელფოსტის მისამართი და პაროლი. YouTube-ზე რეგისტრაციის შემდეგ, თუ Google ანგარიშის მონაცემებით სხვა Google სერვისში გაივლით ავტორიზაციას, YouTube ანგარიშში ავტომატურად შეხვალთ.
- Google ანგარიშის წაშლის შემთხვევაში წაიშლება თქვენი YouTube მონაცემებიც, ვიდეოების, კომენტარებისა და გამოწერების ჩათვლით. Google ანგარიშის წაშლამდე მოგეთხოვებათ იმის დადასტურება, რომ გაცნობიერებულად სამუდამოდ შლით თქვენს მონაცემებს Google-ის ყველა სერვისიდან, YouTube-ის ჩათვლით.
როდესაც YouTube-ში შეხვალთ თქვენი Google ანგარიშით, შეგეძლებათ, გამოიყენოთ YouTube-ის მრავალი ფუნქცია:
- ვიდეოების მოწონება
- რჩეულების შენახვა
- არხების გამოწერა
- მოგვიანებით ყურება
- ნახვის ისტორია
- ვიდეოების შესახებ მოხსენება
ამას გარდა, YouTube-ს შეუძლია, შემოგთავაზოთ ვიდეოების პერსონალიზებული რეკომენდაციები თქვენ მიერ ნანახი ვიდეოებისა და გამოწერების მიხედვით.