Hutstekens is sleutelwoorde wat deur die simbool # voorafgegaan word. Hutstekens maak dit vir jou moontlik om jou inhoud maklik te koppel aan ander video’s of snitlyste wat dieselfde hutsteken op YouTube en YouTube Music deel. Hutstekens maak dit ook vir kykers en luisteraars moontlik om verwante inhoud deur soektogte te kry.
Voeg hutstekens by jou YouTube-video’s of YouTube Music-snitlys
Jy kan hutstekens by ’n titel en beskrywing voeg wanneer jy ’n video oplaai of ’n Kortvideo op YouTube opneem, of wanneer jy in YouTube Music ’n snitlys skep.
Hoe om ’n hutsteken by jou video op YouTube te voeg:
- Voer die simbool # in die titel of beskrywing in
begin die onderwerp of sleutelwoord invoer wat jy met jou video wil assosieer. Ons stelsel sal dan gewilde hutstekens op grond van jou invoer voorstel.
- Kies ’n aanbeveelde hutsteken om jou video onder ander met dieselfde hutsteken te bevorder, of skep jou eie om die hutsteken te kry wat vir jou inhoud geskik is.
begin die onderwerp of sleutelwoord invoer wat jy met jou video wil assosieer. Ons stelsel sal dan gewilde hutstekens op grond van jou invoer voorstel.Van al die hutstekens wat jy by die video se beskrywing voeg, sal tot drie hutstekens wat as dié met die meeste interaksie beskou word by jou videotitel verskyn. Jou hutstekens sal steeds in die videobeskrywing verskyn, en jou video's kan steeds in soekresultate verskyn. Hutstekens in die titel en beskrywing sal na ’n resultatebladsy skakel wat ander video’s bevat wat dieselfde hutsteken deel.
Hoe om ’n hutsteken by jou snitlys op YouTube Music te voeg:
- Kies Biblioteek
- Soek die snitlys wat jy geskep het en wat jy wil wysig.
- Kies Meer
- Voer die simbool # in die snitlys se titel of beskrywing in.
Hutstekens werk soos klikbare skakels nadat hulle in ’n snitlys se titel of beskrywing gestoor is. Hutstekens in die titel en beskrywing sal na ’n resultatebladsy toe skakel wat ander video’s en snitlyste bevat wat dieselfde hutsteken deel.
Aanbeveelde hutstekens:
Wanneer jy teks by ’n Kortvideo voeg en begin om ’n hutsteken by te voeg, sal jy voorstelle sien wat jou kan help om relevante hutstekens op hierdie inhoud toe te pas. Hierdie hutstekens word aanbeveel op grond van enige teks wat voorheen ingevoer is, asook voorstelle uit vorige inhoudoplaaie.
Hutstekenvoorstelle wat vroeër gebruik is, sal ’n klokkie-ikoon langs hulle hê om te wys dat jy hulle al gebruik het.
Beleide oor die gebruik van hutstekens
Hutstekens moet, baie soos video’s wat na YouTube opgelaai word, aan ons gemeenskapsriglyne voldoen. Hutstekens wat ons beleide oortree, sal nie onder jou inhoud verskyn nie, en kan verwyder word. Maak seker dat jy aan die volgende beleide voldoen wanneer jy hutstekens gebruik:
- Geen spasies nie: Hutstekens bevat geen spasies nie. As jy twee woorde in ’n hutsteken wil hê, kan jy hulle saamvoeg (
#TweeWoorde, #tweewoorde). - Te veel hutstekens: Moenie te veel hutstekens by ’n enkele video of snitlys voeg nie. Hoe meer hutstekens jy byvoeg, hoe minder relevant word hulle vir kykers of luisteraars wat soek. As ’n video of snitlys meer as 60 hutstekens het, sal ons elke hutsteken by daardie inhoud ignoreer. Te veel hutstekens kan daartoe lei dat jou video uit jou oplaaie of uit soekresultate verwyder word.
- Misleidende inhoud: Moenie hutstekens byvoeg wat nie direk met die video of snitlys verband hou nie. Misleidende of onverwante hutstekens kan daartoe lei dat jou video of snitlys verwyder word. Kom meer te wete oor ons beleide oor misleidende metadata.
- Teistering: Moenie ’n hutsteken byvoeg met die doel om ’n individu of groep te teister, te verneder, te intimideer, bloot te stel of te dreig nie. Die oortreding van hierdie beleid sal die verwydering van jou video of snitlys tot gevolg hê. Kom meer te wete oor ons beleide oor teistering en kuberafknouery.
- Haatspraak: Moenie enige hutstekens byvoeg wat geweld of haat teen individue of groepe bevorder nie. Moenie hutstekens byvoeg wat rassistiese, seksistiese of ander beledigings bevat nie. Die oortreding van hierdie beleid sal die verwydering van jou video of snitlys tot gevolg hê. Kom meer te wete oor ons haatspraakbeleid.
- Seksuele inhoud: Die byvoeging van seksuele of eksplisiete hutstekens kan die verwydering van jou video of snitlys tot gevolg hê. As ’n video bedoel is om seksueel uitlokkend te wees, sal dit minder geneig wees om vir YouTube aanvaarbaar te wees. Kom meer te wete oor ons beleid oor seksuele inhoud.
- Vulgêre taal: Die gebruik van vloektaal of aanstootlike terme in jou hutstekens kan lei tot ’n ouderdomsbeperking of die verwydering van jou video of snitlys.
- Niehutstekens: Hoewel die byvoeging van hutstekens toegelaat word, word die byvoeging van gewone beskrywende merkers of herhalende sinne in die beskrywing (steeds) verbied. As jy hierdie beleid oortree, kan jou video of snitlys verwyder of gepenaliseer word. Kom meer te wete oor ons beleide oor misleidende metadata.