YouTube Data API xidməti v2-dən YouTube Data API xidməti v3-ə təkmilləşdirildi. Bu API üçüncü tərəf tətbiqlərini işə salmağa və onları YouTube ilə inteqrasiya etməyə kömək edən daha yeni texnologiyadır. Üçüncü tərəf tətbiq tərtibatçıları 2014-cü ildə bu dəyişiklik haqqında məlumatlandırılıblar və onlara yeni texnologiyamızı mənimsəmək üçün kifayət qədər vaxt verilib. O tarixdən etibarən tərtibatçılara dəstəklədiyimiz yeni texnologiyaya miqrasiya etməkdə kömək etdik.
Əksər üçüncü tərəf tətbiqləri artıq YouTube Data API xidməti v3-dən istifadə edir, ona görə də YouTube-a yükləmək üçün bu təkmilləşdirilmiş üçüncü tərəf tətbiqlərindən istifadənizdə heç nə dəyişməyəcək.
Daha yeni YouTube Data API xidməti v3 texnologiyasına güncəllənməmiş üçüncü tərəf tətbiqləri videoları YouTube-a yükləyərkən problem yarada bilər. Bu tətbiqlər vasitəsilə YouTube-a video yükləyə bilməzsiniz.
Qeyd: Üçüncü tərəf tətbiqlərinə icazələr verərkən yenidən identifikasiya tələb oluna bilər.
Yükləmə ilə bağlı problemləri həll edin
Üçüncü tərəf tətbiqinə daxil olmağa çalışdığınız zaman “istifadəçi adı/parol kombinasiyası uğursuz oldu” mesajını alsanız, videonuzu yükləmək üçün bu addımları yerinə yetirin:
- Videonu üçüncü tərəf tətbiqindən ixrac edin.
- YouTube veb-saytı və ya YouTube mobil tətbiqindən istifadə edərək videonu yükləyin.