ایسے چند مواقع ہیں جب ہم آپ سے ذاتی معلومات طلب کر سکتے ہیں۔ ایسا ایک موقع تب ہوتا ہے جب AdSense ادائیگیوں کی ٹیم آپ کی شناخت کی توثیق کرنے کیلئے آپ سے مخصوص معلومات جمع کرانے کا مطالبہ کرتی ہے۔ ایسا ہونے پر، آپ کے AdSense اکاؤنٹ پر اس وقت تک کیلئے ایک عارضی ادائیگی ہولڈ لاگو کر دیا جائے گا جب تک کہ آپ اس معلومات کی تصدیق نہیں کر دیتے۔
مجھے کیسے معلوم ہوگا کہ آیا میں متاثر ہوا ہوں؟
اگر آپ اس ادائیگی ہولڈ سے متاثر ہوئے ہیں تو:
- ہم آپ کو اس ای میل پتہ پر ایک ای میل بھیجیں گے جسے آپ نے اپنے AdSense اکاؤنٹ کے "ادائیگی > ترتیبات" سیکشن میں متعین کیا ہے۔ یہ ای میل ادائیگیوں کی ٹیم کی طرف سے آئے گی اور Google کی ایک متبادل ای میل سے بھیجی جائے گی۔ اس ای میل میں ہم آپ سے کچھ ذاتی معلومات فراہم کرنے کیلئے کہیں گے۔
- آپ کو اپنے AdSense اکاؤنٹ میں سرخ الرٹ اطلاع نظر آئے گی جو یہ بتاتی ہے کہ آپ کے اکاؤنٹ پر ادائیگی ہولڈ لاگو کر دیا گیا ہے۔
- اپنے "ٹرانزیکشنز" صفحے پر، آپ دیکھیں گے کہ آپ کیلئے ادائیگی جاری کی جا چکی ہے، لیکن ساتھ ہی آپ کے اکاؤنٹ پر ادائیگی ہولڈ بھی لگا ہوا ہے۔
اکثر پوچھے گئے سوالات
اگر آپ کو Google کی متبادل ای میل کے ذریعے Google کی ادائیگیوں کی ٹیم کی جانب سے وہ ای میل موصول نہیں ہوتی ہے، جو کہ آپ سے آپ کی ذاتی معلومات کی تصدیق کرنے کیلئے کہتی ہے تو براہ کرم مندرجہ ذیل چیزیں کریں:
- ای میل کا براہ راست جواب دیں۔
- تمام ضروری معلومات یا کچھ معاملات میں، اپنی دستاویزات کی ایک کاپی فراہم کریں۔
براہ کرم 5 کاروباری دنوں کے اندر ضروری معلومات کے ساتھ ای میل کا جواب دیں۔ نوٹ کریں کہ جب تک آپ یہ معلومات فراہم نہیں کر دیتے، تب تک آپ کوئی بھی ادائیگی موصول نہیں کر سکیں گے۔
نوٹ کریں کہ سبھی ناشرین اس ادائیگی ہولڈ سے متاثر نہیں ہوتے ہیں۔ یہ کارروائی ایسے ممالک میں زیادہ عام ہے جن میں دھوکہ دہی کی شرح زیادہ ہے۔
- آپ کی تاریخ پیدائش
- آپ کی پیدائش کا ملک
- آپ کے اکاؤنٹ میں درج وصول کنندہ کا پورا نام
- آپ کا پتہ
- آپ کی قومیت
- آپ کا پاسپورٹ نمبر
- آپ کا قومی شناختی نمبر
ہم آپ سے مندرجہ ذیل میں سے کچھ یا سبھی کی کاپی فراہم کرنے کیلئے کہہ سکتے ہیں:
- آپ کا پاسپورٹ یا حکومت کی طرف سے جاری کردہ دیگر ID
- پتہ کا ثبوت (مثلاً، یوٹیلیٹی بل، بینک اسٹیٹمنٹ)
- ہماری ای میل ہمیشہ Google کی آفیشل متبادل ای میل سے آئے گی۔ مثلاً، account-compliance@google.com۔ یہ paymentsgoogle@gmail.com جیسے ای میل پتہ سے نہیں آئے گی۔
- ہم کبھی بھی آپ سے بیںک اکاؤںٹ کی تفصیلات طلب نہیں کریں گے، لہذا ایسی کسی بھی پُر فریب ای میل سے محتاط رہیں جو ایسا کر سکتی ہے۔