’n YouTube-koeponkode is ’n krediet wat op die huur of koop van ’n fliek of TV-program toegepas kan word. Koeponkodes kan slegs vir die aangeduide doel gebruik word. As jy byvoorbeeld ’n koeponkode ontvang het om ’n fliek te huur, kan jy nie die krediet op die koop van ’n TV-program toepas nie.
Jy kan ’n koeponkode op ’n rekenaar of op sekere mobiele toestelle gebruik.
Om ’n koeponkode op rekenaar te gebruik:
- Gaan na die Flieks en Programme-bladsy of soek op YouTube na ’n fliek of TV-program wat jy wil koop of huur.
- Klik die knoppie wat die koop- of huurprys wys.
- Kies Voer ’n promosiekode in onder die fliek of TV-programplakkaat, en tik die kode in wat jy ontvang het.
- Kies die koop- of huuropsie van jou keuse.
- Jou fliek se huur- of koopprys sal die opgedateerde prys wees na gelang van die hoeveelheid afslag. Jy moet egter ’n geldige betaalmetode kies om jou kostelose fliek of TV-program te gebruik. Kies die betaalmetode wat jy verkies en tik op Koop.
Probeer die volgende wenke of kontak ons vir hulp as jy sukkel om jou YouTube-koeponkode te gebruik.
Algemene foutsporingwenke vir koeponkodes:
- Verifieer dat jy die koeponkode in die regte veld ingesleutel het. YouTube koeponkodes sal nie in die “Gebruik Google Play-geskenkbewys of Promosiekode”-veld werk nie.
- Maak seker dat jy die kode reg ingevoer het. Skenk aandag aan hoof- of kleinletters in die kode.
- Maak seker dat jy die koeponkode gebruik vir waarvoor dit bedoel is. As jy byvoorbeeld ’n koeponkode ontvang het om ’n fliek of TV-program kosteloos te huur, kan jy nie die kode gebruik om ’n ander soort inhoud te koop nie.
- Maak seker dat jou koeponkode nog geldig is:
- Gaan die vervaldatum na: sommige koeponkodes moet voor ’n sekere datum gebruik word. As jy ’n kode het wat 'slegs vir ’n beperkte tyd' sê, sal die vervaldatum op die koeponkode aangedui word of in die e-pos wat jy ontvang het.
- Kyk of die koeponkode reeds gebruik is. Wanneer ’n kode een keer gebruik is, kan jy nie dieselfde kode gebruik om ’n ander fliek of TV-program kosteloos te kry nie.
- Maak seker dat jy ’n geldige betaalmetode gekies het voordat jy Koop klik om die aankoop of huur teen afslag van jou fliek of TV-program te voltooi.