URL ng Channel (ID-based)
Halimbawa: youtube.com/channel/UCUZHFZ9jIKrLroW8LcyJEQQ
Ang halimbawang ito ang karaniwang URL na ginagamit ng mga channel sa YouTube. Ginagamit nito ang iyong natatanging channel ID na binubuo ng mga numero at titik sa dulo ng URL.
Hanapin ang URL ng iyong handle
Para makita ang URL ng handle ng iyong channel:
- Mag-sign in sa YouTube Studio.
- Sa kaliwang Menu, piliin ang Pag-customize Pangunahing impormasyon.
- Sa ilalim ng Handle, puwede mong tingnan ang URL ng iyong handle.
URL ng Handle
Halimbawa: youtube.com/@youtubecreators
Awtomatikong nagagawa ang isang URL ng handle kapag pinipili o binabago mo ang iyong handle bilang may-ari ng channel. Ang dulo ng URL ay nagsisimula sa “@” symbol at kasama rito ang napili mong handle. Patuloy na gagana ang anumang custom na URL na ginagamit mo na.
Matuto pa tungkol sa pagtingin o pagbabago ng iyong handle.
Custom na URL
Halimbawa: youtube.com/c/YouTubeCreators
Hindi na mase-set up o mababago ang mga bagong custom na URL. Patuloy na gagana ang anumang custom na URL na ginagamit mo na. Ire-redirect na ngayon ng lahat ng legacy na URL ang mga user sa bago mong URL na nakabatay sa iyong handle.
URL ng legacy na username
Halimbawa: youtube.com/user/YouTube
Puwedeng magkaroon ng username ang iyong channel depende sa kung kailan ito ginawa. Hindi na kinakailangan ang mga username para sa mga channel ngayon, pero puwede mo pa ring gamitin ang URL na ito para magdirekta ang mga manonood sa iyong channel. Kasama rin dito kung nagbago na ang pangalan ng iyong channel mula nang piliin mo ang iyong username. Hindi puwedeng baguhin ang mga kasalukuyang username.