Magdagdag ng mga card ng impormasyon sa mga video

Puwede kang gumamit ng mga card ng impormasyon para gawing mas interactive ang iyong mga video. Makakapagtampok ang mga card ng impormasyon ng video, playlist, channel, o link. Hindi available ang mga card sa mga video na nakatakda bilang para sa bata.

Magdagdag ng mga card sa isang video

Para magdagdag ng mga card sa isang video, sundin ang mga hakbang sa ibaba.

1. Mag-sign in sa YouTube Studio.
2. Mula sa kaliwang menu, piliin ang Content.
3. I-click ang video na gusto mong i-edit.
4. Mula sa kaliwang menu, piliin ang Editor.
5. Piliin ang Mga card ng impormasyon  at piliin ang card na gusto mong idagdag. Tandaan: Puwede kang magdagdag ng hanggang 5 card sa isang video.
   • Video: Nagbibigay-daan sa iyo ang card ng impormasyon na ito na mag-link sa pampublikong video sa YouTube para makipag-ugnayan dito ang mga manonood mo. 
   • Playlist: Nagbibigay-daan sa iyo ang card ng impormasyon na ito na mag-link sa pampublikong playlist sa YouTube para panoorin ito ng mga manonood mo.
   • Channel: Nagbibigay-daan sa iyo ang card ng impormasyon na ito na mag-link sa channel sa YouTube para makipag-ugnayan dito ang mga manonood mo. Halimbawa, puwede kang gumamit ng card ng impormasyon para pasalamatan ang isang channel na tumulong sa iyong video, o para magrekomenda ng ibang channel sa mga manonood.
   • Link: Kung kabilang ka sa Partner Program ng YouTube, magbibigay-daan sa iyo ang card ng impormasyon na ito na mag-link sa isang external na website para ibahagi sa audience mo. Puwede ka ring magdagdag ng mga end screen sa iyong mga video. Tandaan: Tiyaking sumusunod sa aming mga patakaran ang iyong mga naka-link na external na website, kabilang ang aming Mga Alituntunin ng Komunidad at Mga Tuntunin ng Serbisyo. Puwedeng magresulta ang mga paglabag sa pag-aalis ng card o link, mga strike, o pagwawakas ng iyong Google Account.
6. Baguhin ang oras ng pagsisimula para sa card sa ibaba ng video.
7. Magdagdag ng opsyonal na text ng mensahe at teaser tungkol sa video. Tandaan: Kinakailangan ang text ng mensahe at teaser para sa mga card ng channel.
8. I-click ang I-save.

Paano magagawa ng mga manonood na makipag-ugnayan sa mga card

Idinisenyo ang mga card para umakma sa mga video at mapaganda ang karanasan ng manonood sa pamamagitan ng nauugnay na impormasyon. Kasabay ng pagbabago ng system, pinaplano naming pahusayin ito para maipakita ang mga pinakanauugnay na teaser at card batay sa performance, gawi ng manonood, at device na ginagamit niya.

Paano makakapunta ang mga manonood sa mga card

• Kapag pinapanood ng isang manonood ang iyong video, makakakita siya ng isang teaser sa oras na itatalaga mo.
• Kapag hindi lumalabas ang teaser, makakapag-hover ang mga manonood sa player at maki-click ang icon ng card . Sa mobile, makikita ng mga manonood ang icon ng card kapag lumalabas ang mga kontrol ng player.
• Kapag nag-click sila sa teaser o sa icon, maba-browse nila ang mga card sa video.

Paano mababago ng mga card ang iyong content

• Hindi lalabas ang iyong mga card kung na-claim ang iyong video ng Content ID at nag-set up ng campaign ang may-ari ng content. Matuto pa tungkol sa Content ID.
• Ang mga video na nagpapakita ng mga card ay hindi magpapakita ng overlay ng Call-to-Action.

Paano ipinapakita ang mga card sa mga video

Ipinapakita ang mga card sa ibaba ng paglalarawan ng video. Kung maraming card ang makikita sa video, puwedeng mag-scroll ang mga manonood sa mga ito habang nagpe-play ang video.

Sino ang makakakita sa mga card?

Available ang feature na ito sa mga manonood na gumagamit ng mga mobile device na nagpapatakbo ng bersyon ng YouTube app na 10.07 at mas bago. Hindi available ang feature na ito sa Adobe Flash.

Hindi makakakita ng mga card sa video na nakatakda bilang para sa bata ang mga manonood.