Studio-ს კონტენტის მენეჯერის კამპანიები კონტენტის პოპულარიზაციის საშუალებას გაძლევთ უშუალოდ მომხმარებელთა მიერ ატვირთული ვიდეოების მეშვეობით, რომლებიც შეესაბამება თქვენს კონტენტს. კერძოდ, როდესაც აქტივი წარმოადგენს კამპანიის ნაწილს, სარეკლამო ბარათი ემატება მომხმარებლის მიერ ატვირთულ იმ ვიდეოებს, რომლებიც შეესაბამება თქვენი აქტივის საინფორმაციო ფაილს. ეს ბარათი პირდაპირ თქვენს კონტენტზე ამისამართებს მაყურებელს.
კონკრეტული ვიდეოს პოპულარიზაციის მიზნით კამპანიით სარგებლობა აქტივების სხვადასხვა ნაკრებებისთვის შეგიძლიათ. მაგალითისათვის, როდესაც მომხმარებლის მიერ ატვირთული ვიდეო შეიცავს მონაკვეთებს თქვენი ფილმიდან, შეგიძლიათ ფილმის ყურების გვერდის ბმულის მითითება.
დამთხვევები განისაზღვრება კონტენტის ID-ით ან სარჩელის ხელით შექმნით. კონტენტის ID-სთან დაკავშირებული პრეტენზიების შემთხვევაში ბარათები ჩნდება ვიდეოს შესაბამისი მონაკვეთის დაწყების მომენტში. ხელით შექმნილი სარჩელების შემთხვევაში, ბარათები გამოჩნდება ვიდეოს დასრულებისას. გაითვალისწინეთ, ბარათები არ გამოჩნდება, თუ შესაბამისი ვიდეოს ნახვა YouTube-ზე შეუძლებელია. ასევე, ბარათები არ გამოჩნდება, თუ დამთხვევა ვიდეოს მცირე მონაკვეთშია ნაპოვნი.
კამპანიის შექმნა
კამპანიის შესაქმნელად, პირველ რიგში, უნდა განსაზღვროთ, როგორ გსურთ თქვენი აქტივების განსაზღვრა — აქტივის თუ აქტივის ლეიბლის მიხედვით:
- აქტივზე დაფუძნებული კამპანიები გულისხმობს აქტივების სათითაოდ შერჩევას.
- ლეიბლზე დაფუძნებული კამპანიები გულისხმობს ისეთი აქტივებით სარგებლობას, რომლებზეც მიმაგრებულია აქტივის კონკრეტული ლეიბლი.
მინიშნება: სადაც შესაძლებელია, გირჩევთ, შექმნათ ლეიბლზე დაფუძნებული კამპანიები შემდეგი უპირატესობების გამო:
- აქტივების შეუზღუდავი რაოდენობა: ლეიბლზე დაფუძნებული კამპანიების ფარგლებში შესაძლებელია აქტივთა ულიმიტო რაოდენობით სარგებლობა, ხოლო აქტივზე დაფუძნებული კამპანიების შემთხვევაში, მაქსიმუმ, 25 აქტივის გამოყენებას შეძლებთ.
- მეტად სპეციალიზებული: ლეიბლზე დაფუძნებული კამპანიების მეშვეობით გაცილებით მარტივად შეიმუშავებთ კონკრეტულ თემაზე მორგებულ კამპანიებს.
- ავტომატური განახლებები: თუ აქტივის ლეიბლი წარმოადგენს კამპანიის ნაწილს, ნებისმიერი ახალი აქტივი, რომელზეც მიმაგრებულია ნახსენები ლეიბლი, ავტომატურად შევა კამპანიაში.
Studio-ს კონტენტის მენეჯერში კამპანიის შესაქმნელად:
- შედით Studio-ს კონტენტის მენეჯერში.
- მარცხენა მენიუდან აირჩიეთ „კამპანიები“
.
- დაწკაპუნებით აირჩიეთ „ახალი კამპანია“
შემდეგ აირჩიეთ აქტივების განსაზღვრის მეთოდი თქვენი კამპანიისთვის:
- „აქტივზე დაფუძნებული კამპანია“
- „ლეიბლზე დაფუძნებული კამპანია“
- ველში „კამპანიის სახელწოდება“ შეიყვანეთ თქვენი კამპანიის სახელწოდება.
- ველში „სასურველი ვიდეო“ შეიყვანეთ იმ ვიდეოს მთლიანი URL, რომლის რეკლამირებაც გსურთ.
- დაწკაპუნებით აირჩიეთ „დაწყების თარიღი“
და აირჩიეთ კამპანიის დაწყების სასურველი თარიღი.
- დაწკაპუნებით აირჩიეთ „დასრულების თარიღი“
- აირჩიეთ აქტივები ან აქტივთა ლეიბლები რომელთა კამპანიაში დამატებაც გსურთ:
- აქტივზე დაფუძნებული კამპანიების შემთხვევაში:
- დაწკაპუნებით აირჩიეთ „აქტივების დამატება“.
- მონიშნეთ აქტივები, რომელთა კამპანიაში დამატებაც გსურთ (შეგიძლიათ, აირჩიოთ, 25-მდე აქტივი).
- დაწკაპუნებით აირჩიეთ „# აქტივის არჩევა 25-დან“. (# წარმოადგენს თქვენ მიერ არჩეულ აქტივთა რაოდენობას).
- ლეიბლზე დაფუძნებული კამპანიების შემთხვევაში:
- დაწკაპუნებით აირჩიეთ ველი „აქტივის ლეიბლები“.
- არსებული აქტივის ლეიბლის მოსაძებნად ან ახალი ლეიბლის შესაქმნელად შეიყვანეთ აქტივის ლეიბლის სახელწოდება.
- აქტივის ლეიბლის თქვენს კამპანიაში დასამატებლად დააწკაპუნეთ ლეიბლის სახელწოდებას.
- აქტივზე დაფუძნებული კამპანიების შემთხვევაში:
- დაწკაპუნებით აირჩიეთ „შენახვა“.
.
შემდეგ აირჩიეთ აქტივების განსაზღვრის მეთოდი თქვენი კამპანიისთვის:
შენიშვნები:
- მითითების აუდიო ნაწილზე დაფუძნებული კამპანიის შექმნა მხოლოდ მუსიკალური ლეიბლის პარტნიორებს შეუძლიათ.
- სხვადასხვა ჯგუფის აქტივებისათვის ერთზე მეტი კამპანიის შექმნა შეგიძლიათ.
- კონტენტის მენეჯერის ერთი ანგარიშიდან 5000-მდე კამპანიის შექმნა შეგიძლიათ.