Stofna herferð

Þessir eiginleikar eru einungis tiltækir þeim samstarfsaðilum sem nota efnisstjórnun YouTube Studio. Hafðu samband við samstarfsráðgjafa þinn hjá YouTube til að fá aðgang.

Í Efnisstjórnun Studio er hægt að nota herferðir til kynna efni beint úr vídeóum sem notendur hlaða upp og passa við efnið hjá þér. Ef um eign er að ræða sem er hluti af herferð er spjald til kynningar bætt við vídeó sem notendur hlaða upp og passa við tilvísunarskrá eignarinnar þinnar. Spjaldið tengir áhorfendur beint við efnið frá þér.

Þú getur notað herferðir til að kynna tiltekið vídeó fyrir eignasett, til dæmis tengt á áhorfssíðu kvikmyndarinnar þinnar þegar vídeó sem notandi hleður upp hefur að geyma senu úr kvikmyndinni þinni.

Samsvaranir eru fundnar með Content ID eða handvirkum tilköllum. Ef um er að ræða Content ID-tilköll birtast spjöld þegar hlutarnir með samsvaranir hefjast. Í handvirkum tilköllum birtast spjöld þegar vídeóinu lýkur. Hafðu í huga að spjöld birtast ekki ef vídeóið með samsvaranir er ekki spilunarhæft á YouTube. Spjöld birtast heldur ekki ef vídeóið er með stutta samsvörun.

Setja upp herferð.

Til að setja upp herferð þarftu fyrst að ákveða hvernig þú vilt að eignirnar í herferðinni séu auðkenndar, annaðhvort eftir eign eða eignamerki:

• Eignamiðaðar herferðir byggjast á eignum sem eru sérvaldar.
• Merkjamiðaðar herferðir byggjast á eignum með tilteknu eignamerki sem er notað á þær.

Ábending: Við mælum með því að merkjamiðaðar herferðir séu notaðar þegar kostur er vegna eftirfarandi ávinnings:

• Ótakmarkaðar eignir: Merkjamiðaðar herferðir geta gilt um ótakmarkaðan fjölda eigna en eignamiðaðar herferðir geta gilt um 25 eignir að hámarki.
• Meiri sérhæfing: Með merkjamiðuðum herferðum geturðu búið til herferðir á auðveldari hátt byggt á tilteknum þemum.
• Sjálfvirkar uppfærslur: Þegar eignamerki er hluti af herferð verður hver ný eign þar sem það merki er notað sjálfkrafa innifalin í herferðinni.

Til að búa til herferð í efnisstjórnun Studio:

1. Skráðu þig inn í Efnisstjórnun Studio.
2. Í vinstri valmyndinni velurðu Herferðir .
3. Smelltu á NÝ HERFERÐ  veldu aðferðina til að auðkenna eignirnar í herferðinni þinni:
   • Eignamiðuð herferð
   • Merkjamiðuð herferð
4. Í reitnum Heiti herferðar skaltu slá inn heiti herferðarinnar.
5. Í reitnum Valið vídeó skaltu slá inn fulla vefslóð vídeósins sem þú vilt kynna.
6. Smelltu á Upphafsdagur  og veldu daginn sem þú vilt að herferðin byrji.
7. Smelltu á Lokadagur  og veldu daginn sem þú vilt að herferðinni ljúki.
8. Veldu eignirnar eða eignamerkin sem þú vilt bæta við herferðina:
   • Fyrir Eignamiðaðar herferðir:
     • Smelltu á BÆTA VIÐ EIGNUM.
     • Smelltu á gátreitinn við hliðina á eignunum sem þú vilt bæta við herferðina (allt að 25 eignir).
     • Smelltu á VELJA # AF 25 EIGNUM. (# er fjöldi eigna sem þú valdir).
   • Fyrir Merkjamiðaðar herferðir:
     • Smelltu á reitinn Eignamerki.
     • Sláðu inn heiti á eignamerki til að leita að fyrirliggjandi eignamerki eða búa til nýtt merki.
     • Smelltu á heiti eignamerkisins til að bæta því við herferðina.
9. Smelltu á VISTA.

Athugasemdir:

• Einungis samstarfsaðilar hjá tónlistarútgáfum geta búið til herferð byggt á hljóðhluta tilvísunar.
• Þú getur búið til fleiri en eina herferð fyrir mismunandi hópa eigna.
• Þú getur búið til allt að 5000 herferðir fyrir hvern reikning efnisstjóra.