നിങ്ങളുടെ ഇന്റര്നെറ്റ് സേവന ദാതാവ് (ISP) സാധാരണയായി ഏത് തരത്തിലുള്ള പ്രകടനമാണ് നടത്തുന്നതെന്ന് വീഡിയോ ഗുണനിലവാര റിപ്പോർട്ട് വ്യക്തമാക്കുന്നു. നിങ്ങളുടെ പ്രദേശത്ത്, വിവിധ ദാതാക്കളുടെ പ്രകടനം എങ്ങനെയുണ്ടെന്നും വീഡിയോയുടെ പ്രകടനത്തെ മറ്റെന്തെല്ലാം ഘടകങ്ങളാണ് ബാധിക്കുന്നതെന്നും ഈ റിപ്പോർട്ട് വ്യക്തമാക്കുന്നു.
ഇന്റര്നെറ്റ് സേവന ദാതാവിനുള്ള റേറ്റിംഗുകൾ
ഈ റിപ്പോർട്ട് നിങ്ങളുടെ ദാതാവിന് 3 റേറ്റിംഗുകളിൽ ഒന്ന് നൽകും: HD പരിശോധിച്ചുറപ്പിച്ചത്, സ്റ്റാൻഡേർഡ് ഡെഫിനിഷൻ അല്ലെങ്കിൽ ലോവർ ഡെഫിനിഷൻ. ഒരു നിർദ്ദിഷ്ട സ്ഥലത്ത് ISP-യുടെ (ഇന്റര്നെറ്റ് സേവന ദാതാവ്) സേവനം ഉപയോഗിച്ച് YouTube കാണുമ്പോൾ 90% സമയത്തെങ്കിലും പ്രതീക്ഷിക്കാവുന്ന വീഡിയോ സ്ട്രീമിംഗ് ഗുണനിലവാരം നിങ്ങൾക്ക് കാണാനാകും. ഓരോ റേറ്റിംഗും അർത്ഥമാക്കുന്നത് ഇതാണ്:
- HD പരിശോധിച്ചുറപ്പിച്ചത്: ഹൈ-ഡെഫിനിഷൻ YouTube വീഡിയോകൾ (720p-യും അതിന് മുകളിലും) കാണുമ്പോൾ മിക്കപ്പോഴും നിങ്ങൾക്ക് സുഗമമായ പ്ലേബാക്ക് പ്രതീക്ഷിക്കാം.
- സ്റ്റാൻഡേർഡ് ഡെഫിനിഷൻ: സ്റ്റാൻഡേർഡ് ഡെഫിനിഷൻ YouTube വീഡിയോകൾ (360p) കാണുമ്പോൾ നിങ്ങൾക്ക് സുഗമമായ പ്ലേബാക്ക് പ്രതീക്ഷിക്കാം, എന്നാൽ ഹൈ-ഡെഫിനിഷൻ YouTube വീഡിയോകൾ (720p-യും അതിന് മുകളിലും) കാണുമ്പോൾ ഇടയ്ക്ക് തടസ്സങ്ങൾ അനുഭവപ്പെട്ടേക്കാം.
- ലോവർ ഡെഫിനിഷൻ: 360p-യിലും അതിന് മുകളിലും YouTube വീഡിയോകൾ പ്ലേ ചെയ്യുമ്പോൾ, പ്ലേബാക്കിനിടയിൽ നിങ്ങൾക്ക് അവ്യക്തമായ ചിത്ര ഗുണനിലവാരവും ഇടയ്ക്കിടെയുള്ള തടസ്സങ്ങളും അനുഭവപ്പെട്ടേക്കാം.
നിർദ്ദിഷ്ട പ്രദേശത്തെ ഒരു ISP-യുടെ നെറ്റ്വർക്കിലെ എല്ലാ ഉപയോക്താക്കളെയും ഫോക്കസ് ചെയ്തിട്ടുള്ള റേറ്റിംഗുകളാണിത്. ഇവ കണക്ഷനിൽ മാത്രമായി ഫോക്കസ് ചെയ്യുന്നവയല്ല.
ദാതാക്കളെ താരതമ്യം ചെയ്യുക
നിങ്ങളുടെ പ്രദേശത്തെ ദാതാക്കളെ താരതമ്യം ചെയ്യേണ്ട രീതി ഇതാ:
- കമ്പ്യൂട്ടറിൽ: നിങ്ങളുടെ പ്രദേശത്തെ ദാതാക്കളെ താരതമ്യം ചെയ്യുക ക്ലിക്ക് ചെയ്യുക.
- മൊബൈൽ സൈറ്റിൽ: ഗ്രാഫിന് താഴെ, [#] ISP-കളെ [ലൊക്കേഷൻ] താരതമ്യം ചെയ്യുക എന്നതിന് താഴെയുള്ള അമ്പടയാളം തിരഞ്ഞെടുക്കുക.
ഓരോന്നിന്റെയും റേറ്റിംഗ് സഹിതം നിങ്ങൾക്ക് ദാതാക്കളുടെ ലിസ്റ്റ് ലഭിക്കും. വീഡിയോ സ്ട്രീമിംഗ് ഗുണനിലവാരത്തെ കുറിച്ച് കൂടുതലറിയാൻ ഓരോന്നും തിരഞ്ഞെടുക്കുക.
ലൊക്കേഷൻ മാറ്റുക
നിങ്ങളുടെ റിപ്പോർട്ടിന്റെ ലൊക്കേഷൻ മാറ്റാൻ ഈ ഘട്ടങ്ങൾ പാലിക്കുക:
കമ്പ്യൂട്ടറിൽ- ഗ്രാഫിന് മുകളിലുള്ള, ലൊക്കേഷൻ മാറ്റുക ക്ലിക്ക് ചെയ്യുക.
- നിങ്ങളുടെ നഗരമോ സംസ്ഥാനമോ നൽകുക.
- ലിസ്റ്റിൽ നിന്ന് ഏറ്റവും നല്ല ഫലം തിരഞ്ഞെടുക്കുക.
- ശരി ക്ലിക്ക് ചെയ്യുക.
- ഗ്രാഫിന് മുകളിലുള്ള, ലൊക്കേഷൻ മാറ്റുക തിരഞ്ഞെടുക്കുക.
- തിരയൽ ബോക്സിൽ നിങ്ങളുടെ നഗരമോ സംസ്ഥാനമോ നൽകുക.
- ലിസ്റ്റിൽ നിന്ന് ഏറ്റവും നല്ല ഫലം തിരഞ്ഞെടുക്കുക.
പൊതുവായ പ്രശ്നങ്ങൾ
- ഫലങ്ങൾ ലഭ്യമല്ല: തിരഞ്ഞെടുത്ത രാജ്യങ്ങളിൽ/പ്രദേശങ്ങളിൽ മാത്രമാണ് വീഡിയോ ഗുണനിലവാര റിപ്പോർട്ട് ലഭ്യമാകുക, അതുകൊണ്ട് “നിങ്ങളുടെ ലൊക്കേഷനിൽ നിന്നുള്ള ഫലങ്ങൾ ഇപ്പോഴും ലഭ്യമല്ല” എന്ന പിശക് സന്ദേശം നിങ്ങൾക്ക് ലഭിച്ചേക്കാം. റിപ്പോർട്ട് ലഭ്യമായ രാജ്യത്ത്/പ്രദേശത്ത് ഈ പിശക് സന്ദേശം ലഭിക്കുകയാണെങ്കിൽ, ഞങ്ങളെ അറിയിക്കാൻ പേജിന്റെ താഴെയുള്ള ഫീഡ്ബാക്ക് അയയ്ക്കുക എന്ന ഓപ്ഷൻ ഉപയോഗിക്കുക.
- വീഡിയോകൾ പ്ലേ ചെയ്യുന്നതിലെ പ്രശ്നങ്ങൾ: നിങ്ങളുടെ ISP-യുടെ റേറ്റിംഗുമായി ബന്ധപ്പെട്ട ഗുണനിലവാരത്തിൽ വീഡിയോ കാണാൻ കഴിയുന്നില്ലെങ്കിൽ, ഈ പ്രശ്നപരിഹാര ഘട്ടങ്ങൾ പരീക്ഷിക്കുക.
- ഇന്റർനെറ്റ് സേവന ദാതാവിന്റെ പ്രശ്നങ്ങൾ: നിങ്ങളുടെ ഇന്റർനെറ്റ് സേവന ദാതാവുമായി ബന്ധപ്പെട്ട് പ്രശ്നങ്ങളുണ്ടെങ്കിൽ അല്ലെങ്കിൽ ഫീഡ്ബാക്ക് നൽകാൻ ആഗ്രഹിക്കുന്നുവെങ്കിൽ, അവരുമായി നേരിട്ട് ബന്ധപ്പെടുക.