ඉඟිය: ඔබගේ ප්‍රකාශන හිමිකම උල්ලංඝණ කරන බවට ඔබ විශ්වාස කරන වීඩියෝවක් ඉවත් කරන ලෙස ඉල්ලීමට ඇති පහසුම ක්‍රමය අප වෙබ් පෝරමය භාවිත කිරීම වෙයි.
නාලිකා බැනර් රූප වැනි වීඩියෝ නොවන අන්තර්ගත ඉවත් කරන ලෙස ඉල්ලීමට, ඔබේ ඉල්ලීමෙහි මෙම තොරතුරු ඇතුළත් විය යුතු ම ය.
වීඩියෝවක් සඳහා ප්‍රකාශන හිමිකම් කඩකිරීමේ දැනුම්දීමක් ඉල්ලීමට, ඔබ පහත ලැයිස්තු ගත කර ඇති තොරතුරු ඇතුළත් කළ යුතු ම ය. මෙම තොරතුරු නොමැතිව, අපට ඔබේ ඉල්ලීම ඉදිරියට ගෙන යාමට නොහැක.
ඔබට පහත තොරතුරු ඉ-තැපෑලකින් (ඇමුණුමක නොවේ) copyright@youtube.com වෙත හෝ ෆැක්ස් හෝ තැපෑල හරහා ඉදිරිපත් කළ හැක.
1. ඔබේ සම්බන්ධතා තොරතුරු
YouTube සහ ඔබ ඉවත් කිරීමට ඉල්ලන අන්තර්ගතයේ උඩුගත කරන්නා ඔබේ ඉල්ලීම ගැන ඔබ සම්බන්‍ධ කර ගනිති. ඔබේ ඉල්ලීම තුළ පහත ඒවායෙන් එකක් හෝ වැඩියෙන් ඇතුළු කරන්න:
- ඔබේ ඉ-තැපැල් ලිපිනය
- ඔබේ භෞතික ලිපිනය
- ඔබේ දුරකථන අංකය
2. ඔබේ ප්‍රකාශන හිමිකම සහිත නිර්මාණයේ විස්තරය
ඔබ ඔබේ ඉල්ලීම තුළ, ඔබ ආරක්‍ෂා කිරීමට උත්සාහ කරන ඔබේ ප්‍රකාශන හිමිකම සහිත අන්තර්ගතය පැහැදිලිව සහ සම්පූර්ණයෙන් විස්තර කිරීම තහවුරු කර ගන්න.
ඔබ ඔබේ ප්‍රකාශන හිමිකම් සහිත නිර්මාණවලින් එකකට වඩා උල්ලංඝන වී ඇති බව විශ්වාස කරන්නේ නම් නීතිය ඔබේ ඉල්ලීම තුළ එවැනි නිර්මාණවල නියෝජන ලැයිස්තුවක් ඇතුළු කිරීමට ඉඩ දෙයි.
3. ගැටලුව වූ වීඩියෝවේ නිශ්චිත URL
ඔබේ ඉල්ලීමට ඔබේ ප්‍රකාශන හිමිකම කඩ කරන බවට ඔබ විශ්වාස කරන වීඩියෝවට හෝ වීඩියෝවලට නිශ්චිත සබැඳි ඇතුළත් විය යුතුය.
නාලිකාවේ නම හෝ නාලිකා URL වැනි සාමාන්‍ය තොරතුරු ප්‍රමාණවත් නොවෙයි.
4. පහත ප්‍රකාශ දෙකට එකඟ වී ඒවා ඇතුළු කරන්න:
“පැමිණිලි කරන ලද ආකාරයේ ද්‍රව්‍ය භාවිතය ප්‍රකාශන හිමිකරු, එහි නියෝජිත, හෝ නීති මගින් බලතල පවරා නොමැති ආකාරයට නොමැති බවට මම හොඳින් විශ්වාස කරමි.”
"මෙම දැනුම්දීම තුළ ඇති තොරතුරු නිවැරදි වන අතර අසත්‍ය ප්‍රකාශ සඳහා වන දඬුවම යටතේ, මම උල්ලංඝනය වන බවට චෝදනා කරනු ලබන හිමිකමක හිමිකරු හෝ සුවිශේෂී හිමිකරුවෙකු වෙනුවෙන් කටයුතු කිරීමට අනුමත කරන ලද නියෝජිතයෙකු වෙමි.”
5. ඔබේ අත්සන
සම්පූර්ණ ඉවත් කිරීමේ ඉල්ලීම්වලට ප්‍රකාශන හිමිකරුගේ හෝ ඒ අය විසින් කටයුතු කිරීමට අනුමත කරන ලද නියෝජිතයෙකුගේ භෞතික හෝ ඉලෙක්ට්‍රොනික අත්සන අවශ්‍යයි.
මෙම අවශ්‍යතා සපුරා ලීමට ප්‍රකාශන හිමිකරු හෝ බලය ලත් නියෝජිතයා ඉල්ලීමට පහළින් තම අත්සන ලෙස තම සම්පූර්ණ නීත්‍යානුකූල නම ඇතුළත් කළ හැක. සම්පූර්ණ නීත්‍යානුකූල නමකට සමාගම් නමක් නොව පළමු නමක් සහ අවසාන නමක් ඇතුළු විය යුතුය.