Erreprodukzio-zerrendak partekatu

Gailu mugikor edo ordenagailu bat badarabilzu, zure erreprodukzio-zerrendak edo beste youtuberrek sortutakoak parteka ditzakezu. Erreprodukzio-zerrendak partekatzeko, besteei eman diezaiekezun esteka bat sortzen da. Sare sozialetan parteka dezakezu esteka hori, hala nola Facebook-en eta X-n (Twitter ohia).

Erreprodukzio-zerrendan bideo pribaturik badago, lagunak bideo horiek ikustera gonbidatu beharko dituzu lehenik.

YouTube-ko erreprodukzio-zerrendak partekatzeko argibideak

Harpidetu YouTube-ren laguntza-kanalera YouTube-ri etekinik handiena ateratzeko.

Erreprodukzio-zerrenda bat partekatzeko, kopiatu URLa arakatzailetik erreprodukzio-zerrendaren orrian zaudela.

Begiratu ea URLan "playlist" (erreprodukzio-zerrenda) hitza agertzen den. Horrela, erreprodukzio-zerrenda partekatzen ari zarela ziurtatuko duzu, eta ez erreprodukzio-zerrenda bateko bideo bat soilik. Adibidez: https://www.youtube.com/playlist?list=<erreprodukzio-zerrendaren identifikatzailea>.

Erreprodukzio-zerrendak bilatu

Zure erreprodukzio-zerrendak bilatu

1. Hasi saioa YouTube-n.
2. Ezkerreko menuan, hautatu Erreprodukzio-zerrendak.
3. "Erreprodukzio-zerrendak" atalean, sakatu erreprodukzio-zerrenda haren orrira joateko.
4. Kopiatu URLa arakatzailean.

Besteen erreprodukzio-zerrendak bilatu

1. Joan kanalaren orrira hautatu Erreprodukzio-zerrendak.
2. Partekatu nahi duzun erreprodukzio-zerrendaren azpian, sakatu Ikusi erreprodukzio-zerrenda osoa.
3. Kopiatu URLa arakatzailean.

Bideoetatik erreprodukzio-zerrendak bilatu

Erreprodukzio-zerrenda bateko bideo bat ikusten ari bazara:

1. Eskuineko aldean, sakatu erreprodukzio-zerrendaren izena daukan koadroa erreprodukzio-zerrendaren orrira joateko.
2. Kopiatu URLa arakatzailean.

Oharra: kapsulatutako erreprodukzio-zerrenda batean bideorik agertzen ez bada, agian haiek kargatu dituen pertsonak bideo batzuk kapsulatzeko aukera desaktibatu du. Halaber, bideo pribatuak ez dira erreproduzituko erreprodukzio-zerrendan, haiek kargatu dituen pertsonak zurekin partekatu ez baditu.

Sortzaileentzat: ziurtatu erreprodukzio-zerrendan kapsulatzea onartzen duten bideo publikoak soilik daudela.

Argibide hauei jarraitzeko gai ez bazara, ziurrenik YouTube-ren bertsio zaharra erabiltzen ari zara. Arakatzaile berriago bat erabiltzen ari bazara, eguneratu YouTube-ren oraingo bertsiora.