-
Réttindastjórnunarkerfi YouTube auðkennir eigendur og stjórnendur hugverkanna þinna og skilgreinir reglur sem notaðar eru til að framfylgja réttindum þínum
-
Content ID skannar YouTube vídeó sjálfvirkt eftir efni sem samsvarar hugverkum þínum og notar skilgreindar réttindareglur á vídeóið með samsvörun.
-
YouTube vídeó eru (valfrjáls) opinber birtingarmynd hugverka þinna sem eru í boði fyrir notendur á youtube.com.
Þegar þú hleður upp hugverki á YouTube þarftu að búa til framsetningu á því fyrir hvern þessara þátta fyrir sig. Með öðrum orðum er stakt hugverk með allt að þrjár framsetningar í YouTube kerfinu:
-
Eign er framsetning á hugverki þínu í réttindastjórnunarkerfinu. Þú tilgreinir eignarhald og réttindaupplýsingar sem hluta eignarinnar.
-
Tilvísun er framsetning á hugverki þínu fyrir samsvörun við Content ID. Þú sendir stafræna efnisskrá sem Content ID ber saman við upphlaðið vídeóefni.
-
Vídeó er framsetning á hugverki þínu á youtube.com. Lýsigögn vídeósins lýsa efninu og tilgreina hvernig það birtist á youtube.com. Vídeóið notar sömu efnisskrá sem tilvísun.
Eignin er hjarta kerfisins, hluturinn sem aðrir hlutir eru tengdir. Þú þarft að búa til eign fyrir hvert hugverk; tilvísanir og vídeó eru valfrjáls.
Eign getur verið með fleiri en eina tilvísun tengda við hana. Til dæmis getur kvikmyndaeign haft aðskildar tilvísanir með 16:9 og 4:3 myndhlutföllum.
Þú tengir vídeó við eignir með því að gera tilkall til vídeósins fyrir hönd eignarinnar. Þú gerir tilkall til vídeóa sem þú hleður upp og getur líka gert tilkall til vídeóa frá öðrum ef þau innihalda efni sem samsvarar eigninni þinni.
Þú getur líka búið til stuðningsupplýsingar eins og:
-
Eignarhald veitir upplýsingar um eiganda eða eigendur eignar eða hóp eigna, til dæmis hlutfall eignarinnar sem viðkomandi á og landsvæðin sem eignarhaldið nær til. Þú getur notað eignarhald til að lýsa því yfir hver á réttindin á eignunum þínum.
-
Réttindareglur skilgreina skilyrði og reglur fyrir tekjuöflun af vídeóum sem gert hefur verið tilkall til. Til dæmis gætirðu skilgreint reglur sem sýnir auglýsingar fyrir áhorfendur í Bandaríkjunum en vaktar bara áhorfendur annars staðar í heiminum. Þú tengir reglur við eignir.