Ráð fyrir vídeó sem eru lengi að hlaðast upp eða festast við flutning
Flutningstímar geta verið ólíkir eftir stærð skrárinnar. Flutningstíminn getur líka farið eftir bandvídd netsins og netumferð. Flutningur getur tekið allt frá nokkrum mínútum til margra klukkustunda. Ef flutningurinn virðist vera fastur eða tekur langan tíma gæti það verið af eftirfarandi ástæðum:
- Skráargerð og -stærð: Skráargerð vídeósins og snið vídeós hafa áhrif á stærðina. Kóðaðu vídeóin í einu af þessum sniðum sem mælt er með til að gera flutninginn hraðari.
- Hæg nettenging: Leitaðu að „prófa nethraða“ á Google til að athuga nettenginguna hjá þér. Hæg eða óstöðug nettenging er ein helsta ástæðan fyrir hægum flutningi.
- Mikil umferð: Þú gætir verið að hlaða upp efni þegar umferð er mikil. Á annatímum myndast toppar í flutningi efnis hjá netþjónustu þinni og þá gæti tekið lengur að hlaða upp vídeóinu á YouTube. Nánar um árangur vídeós á YouTube.
- Gæði: Það tekur lengri tíma að hlaða upp vídeóum í betri gæðum. Til dæmis tekur lengri tíma að hlaða upp 4K vídeói en 1080p vídeói.
Ef þú finnur fyrir einhverjum af þessum vandamálum mælum við með að þú klárir að hlaða upp vídeóinu á YouTube.
Halda áfram með fyrri flutning
Ef þú þurftir að hætta flutningnum af einhverri ástæðu hefurðu allt að sólarhring til að halda áfram þar sem þú hættir. Farðu á youtube.com/upload og veldu sömu skrá í tölvunni þinni til að halda áfram.