Mga tip para sa mga video na matagal mag-upload o na-stuck habang ina-upload.
Posibleng mag-iba-iba ang mga tagal ng pag-upload depende sa laki ng iyong file. Posible ring mag-iba-iba ang tagal ng pag-upload dahil sa bandwidth sa internet at trapiko ng upload. Puwedeng tumagal ang pag-upload mula sa ilang minuto hanggang sa ilang oras. Kung mukhang na-stuck o matagal ang iyong pag-upload, posibleng dahil ito sa:
- Uri at laki ng file: Nababago ng uri ng file at format ng video ang laki ng iyong video. Para mapabilis ang iyong mga pag-upload, i-encode ang mga video mo sa isa sa mga inirerekomendang format na ito.
- Mabagal na koneksyon sa internet: Hanapin ang “pagsubok sa bilis ng Internet” sa Google para tingnan ang iyong koneksyon sa internet. Ang mabagal o hindi stable na koneksyon sa internet ay isa sa mga pangunahing dahilan ng mababagal na pag-upload.
- Mabigat na trapiko sa mga pag-upload: Posibleng nag-a-upload ka sa oras na marami ring nag-a-upload. Sa ilang abalang oras, may narerehistro ang iyong internet service provider na mga pagtaas sa trapiko ng pag-upload at posibleng matagalan ang pag-upload ng video mo sa YouTube. Alamin pa ang tungkol sa performance ng video sa YouTube.
- Kalidad: Mas matagal ma-upload ang mga video na may mas mataas na kalidad. Halimbawa, mas matagal na mag-upload ng 4K na video kaysa sa 1080p na video.
Kung nararanasan mo ang alinman sa mga isyung ito, inirerekomenda naming hintayin mong matapos ang pag-upload ng iyong video sa YouTube.
Magpatuloy ng nakaraang pag-upload
Kung kinailangan mong ihinto ang iyong pag-upload para sa anumang dahilan, may hanggang 24 na oras ka para ipagpatuloy ang pag-upload kung saan ka huminto. Bumalik sa youtube.com/upload at piliin ang parehong file mula sa iyong computer para magpatuloy.