Erreprodukzio-zerrenden eta bideo taldeen estatistikak lortu

Erraz lor ditzakezu erreprodukzio-zerrenden eta bideo taldeen estatistikak, datu guztiei batera erreparatzeko.

Erreprodukzio-zerrendak

Edukia antolatzeko erabil ditzakezu erreprodukzio-zerrendak. Bideoak taldekatzeko eta estatistika guztiak toki bakarrean ikusteko aukera ematen dizute. Erreprodukzio-zerrenda bakoitzaren Informazio orokorra, Edukia, Ikus-entzuleak eta Diru-sarrerak fitxak atzi ditzakezu, erreprodukzio-zerrenda horretako bideo guztien estatistikak bateratuta ikusteko. Lortu erreprodukzio-zerrendak sortzeko argibideak.

Erreprodukzio-zerrenden estatistikak atzitu

Erreprodukzio-zerrenda baten estatistikak ikusteko:

1. Hasi saioa YouTube Studio-n.
   • Bestela, ireki YouTube Studio aplikazioa .
2. Ezkerreko menuan, hautatu Edukia .
3. Hautatu Erreprodukzio-zerrendak fitxa.
4. Ikusi nahi duzun erreprodukzio-zerrendaren edo azalpenaren ondoan, hautatu Estatistikak .

Erreprodukzio-zerrenda baten baino gehiagoren estatistikak alderatzeko:

1. Hasi saioa YouTube Studio-n.
   • Bestela, ireki YouTube Studio aplikazioa .
2. Ezkerreko menuan, hautatu Estatistikak .
3. Hautatu Edukia fitxa Erreprodukzio-zerrendak.
   • Oharra: modu lehenetsian, azken 28 egunetako bost erreprodukzio-zerrenda nagusiak ikusiko dituzu.
4. Erreprodukzio-zerrenda bat baino gehiago konpara ditzakezu, edo ikusi nahi duzun erreprodukzio-zerrenda bat sakatu.

Nola funtzionatzen dute erreprodukzio-zerrenden estatistikek?

Erreprodukzio-zerrenden estatistiketan bideo taldearen txostenak erabiltzen dira, erreprodukzio-zerrendako bideo guztien estatistika bateratuak erakusteko. Erreprodukzio-zerrenda bakoitzaren Informazio orokorra, Edukia, Ikus-entzuleak eta Diru-sarrerak fitxak atzi ditzakezu, erreprodukzio-zerrenda horretako bideo guztien estatistikak bateratuta ikusteko. Horrez gain, erreprodukzio-zerrenda bakoitzean ikusleen portaera ulertzen laguntzen dizuten neurketak daude. Lortu erreprodukzio-zerrenden neurketei buruzko informazio gehiago.

Erreprodukzio-zerrenden estatistiketatik kanpo utzitako bideoak

Erreprodukzio-zerrenden estatistiketako neurketa batzuek ez dituzte aintzat hartzen beste kanal batzuen bideoak. Neurketa horiek bideo baten ikusleen jarduera guztiak bateratzen dituzte, erreprodukzio-zerrendan nahiz YouTube-ko beste eremuren batean ikusten bada ere. Adibidez, "Ikustaldi guztiak", "Ikus-entzuleak" eta "Diru-sarrerak" estatistiketan ez dira sartzen beste kanaletako bideoak.

Beste neurketa batzuetan aintzat hartzen dira beste kanaletako bideoak; besteak beste, erreprodukzio-zerrendaren ikustaldietan, erreprodukzio-zerrenda ikusten emandako denboran eta erreprodukzio-zerrendaren ikustaldien batez besteko iraupenean. Ikusleek erreprodukzio-zerrendaren testuinguruan egin dituzten jarduerak soilik islatzen dituzte neurketa horiek.

Gogoratu zuzenean YouTube Studio-n kudea ditzakezula erreprodukzio-zerrendetako bideoak. Lortu erreprodukzio-zerrendak kudeatzeko argibideak.

Taldeak

Taldeak zure bideoekin (gehienez 500) osatutako bilduma pertsonalizagarriak dira. Taldeak erabilita, antzeko edukiak elkarrekin jar ditzakezu, eta dagozkien datuak toki bakarrean ikusi.

Taldeak sortu

1. Hasi saioa YouTube Studio-n.
2. Ezkerreko menuan, hautatu Estatistikak.
3. Sakatu MODU AURRERATUA edo IKUSI GEHIAGO estatistiken txosten hedatua ikusteko.
4. Goialdean ezkerretara, sakatu kanalaren izena bilaketa-barran.
5. Hautatu Taldeak fitxa eta, jarraian, hautatu Sortu talde bat.
6. Idatzi taldearen izena, hautatu bideoak eta sakatu Gorde.

Taldeak kudeatu

1. Hasi saioa YouTube Studio-n.
2. Ezkerreko menuan, hautatu Estatistikak.
3. Sakatu MODU AURRERATUA edo IKUSI GEHIAGO estatistiken txosten hedatua ikusteko.
4. Goialdean ezkerretara, sakatu kanalaren izena bilaketa-barran.
5. Hautatu Taldeak fitxa eta aukeratu talde bat.
6. Taldeen datuak editatu , ezabatu eta deskargatu  ahal dituzu.