Met die Bondeloplaaier kan jy vinnig metadata, klankopnames en videolêers na YouTube toe oplaai in grootmaat. Dit bied ’n grafiese gebruikerkoppelvlak waarmee jy die lêers wat jy wil oplaai kan sleep en los. Om nuwe bates te skep of bestaande bates op te dateer, moet jy ’n metadatalêer oplaai (’n sigblad of ’n DDEX-lêer) saam met die medialêers vir al die bates.
Om lêers op te laai met gebruik van Bondeloplaaier:
-
Klik Inhoudlewering in die linkerkieslys.
As jy nog nie voorheen enige van die Inhoudlewering-kenmerke gebruik het nie, sal YouTube outomaties ’n oplaaierrekening skep vir die eerste keer wat jy een van die Inhoudlewering-bladsye besoek. Jy kan die e-posadres of verstekkanaal verander vir die oplaaier deur te gaan na Oplaaierrekeninge wat jy sal kry onder Instellings in die linkerkieslys.
-
Klik Bekragtig en laai op.
-
Kies die lêers om op te laai.
Jy kan lêers by die lêerlys voeg op twee maniere:
-
Sleep die lêers vanaf jou rekenaar en laat los hulle in die lêerlys.
-
Klik die KIES LÊERS-knoppie en kies die lêers wat jy wil oplaai.
Die lys lêers moet een geldige metadatalêer insluit, of ’n sigblad of ’n DDEX-lêer. Sodra bygevoeg sal die metadatalêer outomaties begin met die bekragtigingproses (’n draaiende ikoon sal verskyn.) Indien nodig moet jy alle oudio- en video-lêers by die pakket voeg.
-
-
Maak enige foute in jou metadatalêer reg.
As die metadata ’n fout bevat wat sal verhoed dat dit suksesvol oplaai, sal ’n rooi ikoon verskyn. Klik die knoppie om die foute in hierdie lêer te wys.
-
Wysig die metadata in die oorspronklike lêer. Wanneer klaar moet jy weer die lêer by die Oplaaier-bladsy voeg. As die lêernaam nie verander nie, sal YouTube die nuwer weergawe van die lêer gebruik en die bekragtigingproses weer begin.
As daar ontbrekende lêers is, moet jy die lêers by die Oplaaier-bladsy voeg. Bekragtiging sal outomaties herbegin. As die metadatalêer geen foute het nie, kan jy klik op die Verwerk pakket-knoppie.
-
-
Klik Verwerk pakket.
Na gelang van die aantal en grootte van lêers wat opgelaai word en die kompleksiteit van veranderinge, kan dit ’n aantal minute tot ’n aantal uur neem om ’n grootmaatoplaai klaar te verwerk. Jy kan die vordering van jou pakket naspoor en enige foutboodskappe nagaan in die My pakkette-oortjie van die Inhoudlewering-bladsy.