ຄຸນສົມບັດເຫຼົ່ານີ້ພ້ອມໃຫ້ບໍລິການສຳລັບຮຸ້ນສ່ວນທີ່ໃຊ້ ຕົວຈັດການເນື້ອຫາ ຂອງ YouTube ເພື່ອຈັດການເນື້ອຫາທີ່ມີລິຂະສິດຂອງເຂົາເຈົ້າເທົ່ານັ້ນ.
ກະລຸນາກວດສອບໄຟລ໌ DDEX ຫຼື ສະເປຣດຊີດຂອງທ່ານກ່ອນການອັບໂຫຼດ. ບັນຫາກ່ຽວກັບໄຟລ໌ CSV ຫຼື DDEX ຈະຖືກປັກທຸງໃນລະຫວ່າງຂັ້ນຕອນນີ້ ແລະ ອາດຈະປ້ອງກັນຈາກຄວາມຜິດພາດໃນການອັບໂຫຼດ. ຂັ້ນຕອນນີ້ສາມາດເປັນປະໂຫຍດໂດຍສະເພາະສໍາລັບການຢັ້ງຢືນຜົນໄດ້ຮັບຂອງການປະມວນຜົນແບບອັດຕະໂນມັດໃດໜຶ່ງ ຫຼື ລະຫັດກໍານົດເອງທີ່ສ້າງເປັນໄຟລ໌ CSV ຫຼື DDEX.
ເພື່ອກວດສອບໄຟລ໌ເມຕາເດຕາ:
- ກະລຸນາຄລິກປຸ່ມ ກວດສອບ ແລະ ອັບໂຫຼດ ທີ່ປາກົດຢູ່ພາຍໃຕ້ ການສະແດງເນື້ອຫາ ໃນເມນູເບື້ອງຊ້າຍຂອງ YouTube Studio.
- ເພື່ອກວດສອບ, ກະລຸນາຄລິກ ເລືອກຟາຍ ແລະ ເລືອກໄຟລ໌ທີ່ຈະກວດສອບ. ທ່ານຍັງສາມາດຄລິກ ແລະ ລາກໄຟລ໌ຈາກຄອມພິວເຕີຂອງທ່ານເຂົ້າໄປຫາໜ້າຈໍໂປຣແກຣມທ່ອງເວັບຂອງທ່ານ.
ລາຍການຂອງໄຟລ໌ຕ້ອງຮວມມີໜຶ່ງໄຟລ໌ເມຕາເດຕາທີ່ຖືກຕ້ອງ, ອາດຈະເປັນສະເປຣດຊີດ ຫຼື ໄຟລ໌ DDEX. ຫຼັງຈາກເພີ່ມແລ້ວ, ໄຟລ໌ເມຕາເດຕາຈະເລີ່ມການປະມວນຜົນກວດສອບແບບອັດຕະໂນມັດ (ຈະປາກົດເຫັນໄອຄອນທີ່ປິ່ນອ້ອມ.)
- ກະລຸນາກວດສອບຄວາມຜິດພາດ (ຖ້າມີ) ດ້ວຍການຄລິກປຸ່ມທີ່ຢູ່ຖັດຈາກໄອຄອນສີແດງ.
ແກ້ໄຂເມຕາເດຕາ ໃນໄຟລ໌ຕົ້ນສະບັບ. ເມື່ອສໍາເລັດແລ້ວ, ກະລຸນາເພີ່ມໄຟລ໌ໃສ່່ໜ້າເວັບຜູ້ອັບໂຫຼດຄືນໃໝ່. ຖ້າຊື່ຂອງໄຟລ໌ບໍ່ປ່ຽນແປງ, YouTube ຈະໃຊ້ໄຟລ໌ເວີຊັນທີ່ໃໝ່ກວ່າ ແລະ ຣີສະຕາດການປະມວນຜົນການກວດສອບ.- ຖ້າໄຟລ໌ຂອງທ່ານກໍາລັງອັບເດດແຕ່ຂໍ້ມູນເທົ່ານັ້ນ — ໝາຍຄວາມວ່າ ຖ້າມັນບໍ່ໄດ້ຮວມໄຟລ໌ສຽງ ຫຼື ວິດີໂອໃດໆ — ທ່ານສາມາດຄລິກ ແພັກເກດປະມວນຜົນ ເພື່ອສົ່ງແພັກເກດສໍາລັບການປະມວນຜົນ.
- ຖ້າແພັກເກດຂອງທ່ານຕ້ອງການໄຟລ໌ສຽງ ຫຼື ວິດີໂອ ແລະ ທ່ານພ້ອມແລ້ວທີ່ຈະອັບໂຫຼດ, ໃຫ້ເພີ່ມໄຟລ໌ເພີ່ມເຕີມເຫຼົ່ານີ້ໃສ່ໃນແພັກເກດ ແລະ ລໍຖ້າການກວດສອບໃຫ້ສໍາເລັດ. ກະລຸນາຄລິິກ ແພັກເກດປະມວນຜົນ ເພື່ອສົ່ງແພັກເກດສໍາລັບການປະມວນຜົນ.
- ຖ້າທ່ານພຽງແຕ່ກວດສອບໄຟລ໌ເມຕາເດຕາ ແລະ ຍັງບໍ່ພ້ອມທີ່ຈະອັບໂຫຼດເທື່ອ, ທ່ານສາມາດຍົກເລີກແພັກເກດໄດ້ດ້ວຍການຄລິກປຸ່ມ ລຶບສະບັບຮ່າງ .