Ipinapakita ng mga sukatan ng engagement sa YouTube (mga panonood, like, dislike, at subscriptions) kung ilang beses may nag-interact sa iyong video sa YouTube. Puwedeng maging mahalagang batayan ng pangkalahatang kasikatan ng iyong video o channel ang mga sukatang ito.
Gusto naming matiyak na may mataas na kalidad ang iyong mga sukatan at mula sa mga totoong tao ang mga ito at hindi sa mga computer program. Medyo matagal bago matukoy ng aming mga system kung aling mga panonood, like, dislike, at subscription ang lehitimo.
Tandaan: Posibleng matagalan bago lumabas ang iyong mga sukatan sa aming system sa mga unang oras na na-publish ang video mo.
Pagbabago sa mga sukatan
Pagkatapos mabilang ang mga lehitimong event ng engagement, mas madalas na dapat mag-update ang bilang ng iyong sukatan. Nag-iiba-iba ang timing ng mga pagbabagong ito depende sa kasikatan at mga panonood ng isang video o channel. Tandaang tuloy-tuloy ang pagkumpirma at pag-adjust namin sa mga event ng engagement.
Sa ilang video at channel, posibleng mukhang nag-freeze ang bilang ng iyong sukatan o hindi ipinapakita ang mga sukatang inaasahan mo. Kinukumpirma ang mga sukatan sa algorithmic na paraan para makapagpanatili ng mga patas at positibong karanasan para sa mga creator ng content, advertiser, at manonood. Para ma-verify na tumpak ang mga sukatan, posibleng pansamantalang pabagalin, i-freeze, o baguhin ng YouTube ang bilang ng iyong sukatan, at i-discard ang mga pag-playback na mababa ang kalidad.
Tandaan: Ang paggamit ng maraming device para sa panonood ng iisang video, at pag-stream ng iisang video sa maraming window at tab ay mga halimbawa ng mga pag-playback na mababa ang kalidad.
Mga panonood ng may bayad na advertising
Kung ginagamit bilang ad sa YouTube ang iyong video, posible naming bilangin ang mga panonood ng ad mo bilang mga panonood ng iyong video. Ang mga panonood na ito ng may bayad na advertising ay binibilang na mga panonood dahil ipinapahiwatig ng mga ito na may manonood na nag-interact sa video.
- Mga nalalaktawang in-stream ad: Ang mga panonood ng may bayad na advertising ay bibilanging mga panonood kapag:
- May nanood ng kumpletong ad na 11–30 segundo ang haba
- May nanood ng hindi bababa sa 30 segundo ng ad na higit sa 30 segundo ang haba
- May nag-interact sa ad
- Mga In-feed video ad: Ang mga panonood ng may bayad na advertising ay bibilanging mga panonood kapag may nag-click sa ad at nagsimulang mag-play ang video
Suriin ang mga panonood gamit ang YouTube Analytics
Kung tinitingnan mo ang isang video na na-upload mo, masusubaybayan mo nang mas maigi ang iyong mga panonood gamit ang YouTube Analytics. Tandaang mga pagtatantya lang ng potensyal na aktibidad ng panonood ang ipinapakita ng Realtime na aktibidad. Posibleng hindi ito tumugma sa numerong makikita mo sa page sa panonood.