Fjarlægðu efni sem gert hefur verið tilkall til úr vídeóum

Ef Content ID-tilkall hefur verið gert til efnis í vídeóinu þínu gætu verið takmarkanir á því hvar vídeóið er sýnilegt eða hvort hægt sé að afla tekna af því. Til að fjarlægja tilkallið og tengdar takmarkanir geturðu fjarlægt efnið sem gert er tilkall til án þess að þurfa að hlaða upp nýju vídeói.

Ef einhverjir af þessum valkostum heppnast er fallið sjálfkrafa frá tilkallinu:

• Klippa burt kafla: Þú getur klippt burt kaflann sem tilkall var gert til í vídeóinu.
• Skipta út lagi: Ef tilkall er gert til hljóðsins í vídeóinu þínu geturðu mögulega skipt út hljóðinu sem tilkall var gert til fyrir annað hljóð í hljóðsafni YouTube.
• Þagga lag: Ef tilkall er gert til hljóðsins í vídeóinu þínu geturðu mögulega slökkt á hljóðinu sem tilkall var gert til. Þú getur valið að slökkva bara á hljóði í laginu eða öllu hljóði í vídeóinu.

Klippa, skipta út eða þagga efni sem gert er tilkall til í YouTube Studio

Til að fjarlægja efni sem gert er tilkall til í vídeói:

1. Skráðu þig inn í YouTube Studio.
2. Veldu Efni í vinstri valmyndinni .
3. Smelltu á síustikuna  Höfundarréttur.
4. Finndu vídeóið sem þú vilt skoða.
5. Í dálknum Takmarkanir skaltu halda yfir Höfundarréttur
6. Smelltu á SJÁ NÁNAR.
7. Finndu viðkomandi tilkall í hlutanum Efni sem fannst í þessu vídeói, finndu tilkallið sem um ræðir og smelltu á VELJA AÐGERÐIRKlippa burt hluta, Skipta út lagi eða þagga lag.

 Klippa burt hluta

Þessi valkostur gerir þér kleift að breyta hlutanum í vídeóinu sem fékk Content ID-tilkallið.

1. (Valfrjálst) Breyttu upphafs- og lokatíma hlutans sem þú ert að fjarlægja.
   • Hafðu í huga að ef eitthvert efni sem gert er tilkall til verður eftir í vídeóinu verður tilkallið ekki fjarlægt.
2. Smelltu á HALDA ÁFRAM  KLIPPA.

Þegar búið er að klippa burt allt efni sem gert er tilkall til verður Content ID-tilkallið fjarlægt úr vídeóinu.

 Skipta út lagi (eingöngu tilköll til hljóðs)

Þessi valkostur gerir þér kleift að skipta hljóðinu sem gert er tilkall til út fyrir annað hljóð úr hljóðsafni YouTube.

1.  Notaðu leitarsíurnar til að finna nýja hljóðrás. Smelltu á Spila til að forskoða hljóðrásir.
2. Þegar þú finnur lag sem þér líkar skaltu smella á BÆTA VIÐ. Lagið mun birtast í klippiforritinu í bláum kassa.
   • Smelltu og dragðu kassann til að breyta því hvar lagið á að byrja. Hafðu í huga að ef eitthvert hljóð sem gert er tilkall til verður eftir í vídeóinu verður tilkallið ekki fjarlægt.
   • Dragðu brúnir kassans til að breyta hversu mikið af laginu er spilað.
   • Notaðu aðdráttareiginleikana fyrir nákvæmari breytingar.
3. (Valfrjálst) Bæta fleiri lögum við.
4. Smelltu á VISTA  SKIPTA ÚT.

Þegar öllu hljóðinu sem gert er tilkall til hefur verið skipt út verður Content ID-tilkallið fjarlægt úr vídeóinu.

 Þagga lag (eingöngu tilköll til hljóðs)

Þessi valkostur gerir þér kleift að þagga hljóðið sem gert hefur verið tilkall til í vídeóinu. Þú getur valið að slökkva bara á hljóði í laginu eða öllu hljóði í vídeóinu.

1. Veldu hvernig þú vilt þagga:
   • Slökkva á öllu hljóði þegar lag er spilað
     • Þá er slökkt á öllu hljóði í þeim hluta vídeósins þar sem hljóðið sem gert er tilkall til er að finna.
     • Þessi valkostur er yfirleitt hraðvirkari og líklegri til að tilkallið verði fjarlægt sjálfkrafa.
   • Þagga hljóð eingöngu (beta)
     • Slekkur bara á laginu sem gert er tilkall til. Annað hljóð, til dæmis samræður eða hljóðbrellur, er ekki þaggað.
     • Þessi breyting tekur yfirleitt lengri tíma og gengur ef til vill ekki ef erfitt er að fjarlægja lagið.
2. (Valfrjálst) Breyttu upphafs- og lokatíma þaggaða hljóðsins.
   • Hafðu í huga að ef eitthvert hljóð sem gert er tilkall til verður eftir í vídeóinu verður tilkallið ekki fjarlægt.
3. Forskoðaðu breytinguna í vídeóspilaranum.
4. Smelltu á HALDA ÁFRAM  ÞAGGA. Vinnsla á breytingunni mun hefjast.

Ef hægt er að fjarlægja allt hljóð sem gert er tilkall til verður Content ID-tilkallið fjarlægt af vídeóinu.

Hafðu í huga:

• Þegar breytingum er lokið getur vinnslutími verið mismunandi.
• Þú getur ekki gert aðrar breytingar meðan á vinnslu vídeósins stendur en þú getur lokað glugganum. Vídeóið verður áfram í núverandi stöðu (fyrir breytingar) þar til vinnslu er lokið.
• Ef vídeóið þitt er yfir 6 klukkustunda langt er ekki víst að þú getir vistað breytingar.
• Ef rásin þín er ekki í þjónustu YouTube fyrir samstarfsaðila (YPP) er ekki víst að þú getir vistað breytingar ef vídeóið þitt er með yfir 100.000 áhorf.

Ábending: Þegar vinnslu er lokið skaltu endurhlaða síðuna til að staðfesta að breytingarnar hafi verið gerðar og að tilkallið hafi verið fjarlægt.

Þagga efni sem gert hefur verið tilkall til í YouTube Studio-forritinu

Til að þagga efni sem gert hefur verið tilkall til í vídeói:

1. Skráðu þig inn í YouTube Studio-forritið.
2. Ýttu á Efni.
3. Veldu vídeó með höfundarréttartakmörkunum og ýttu á takmörkunina.
4. Lengst niðri skaltu ýta á SKOÐA VANDAMÁL.
5. Ýttu á viðkomandi tilkall.
6. Ýttu á Þagga hluta.

Afturkalla breytingar

Til að afturkalla breytingarnar sem þú gerðir á vídeóinu og fá upprunalega vídeóið aftur:

1. Skráðu þig inn í YouTube Studio.
2. Veldu Efni í vinstri valmyndinni .
3. Smelltu á smámynd vídeósins sem þú vilt breyta.
4. Smelltu á Klippiforrit  í vinstri valmyndinni.
5. Veldu Valkostir  Fara aftur í upprunalegt  til að fjarlægja breytingar sem þú gerðir á vídeóinu.