Verwyder opgeëisde inhoud uit video’s

As daar ’n Content ID-eis op jou video is, kan daar beperkings wees vir waar die video gekyk kan word, en of dit gemonetiseer kan word. Om die eis en die gepaardgaande beperkings te verwyder, kan jy die opgeëisde inhoud uitsny sonder dat jy ’n nuwe video hoef op te laai.

Enige van die volgende opsies sal ’n Content ID-eis outomaties verwyder as dit suksesvol gedoen word:

• Knip segment uit: Jy kan net die opgeëisde segment van jou video uitsny.
• Vervang liedjie: As die oudio in jou video opgeëis word, kan jy dalk die opgeëisde oudio met ander oudio uit die YouTube Oudiobiblioteek vervang.
• Demp liedjie: As die oudio in jou video opgeëis word, kan jy dalk die opgeëisde oudio demp. Jy kan kies om net die liedjie of al die oudio in die video te demp.

Knip, vervang of demp opgeëisde inhoud in YouTube Studio

Hoe om opgeëisde inhoud uit ’n video te verwyder:

1. Meld aan by YouTube Studio.
2. Kies Inhoud  op die linkerkieslys.
3. Klik die filtreerbalk  Kopiereg.
4. Soek die video waarin jy belangstel.
5. Hou jou skermpyltjie oor Kopiereg in die Beperkings-kolom.
6. Klik SIEN BESONDERHEDE.
7. Soek die betrokke eis in die Inhoud wat in hierdie video geïdentifiseer is-afdeling en klik KIES HANDELINGE  Knip segment uit, Vervang liedjie, of Demp liedjie.

 Knip segment uit

Met hierdie opsie kan jy die segment van jou video wat die Content ID-eis gekry het, uitknip.

1. (Opsioneel) Wysig die begintyd en eindtyd van die afdeling wat jy verwyder.
   • Hou in gedagte dat die eis nie verwyder sal word as van die opgeëisde inhoud in jou video oorbly nie.
2. Klik GAAN VOORT  KNIP.

Die Content ID-eis sal van jou video verwyder word nadat al die opgeëisde inhoud uitgeknip is.

 Vervang liedjie (slegs oudio-eise)

Met hierdie opsie kan jy opgeëisde oudio met ander oudio uit die YouTube Oudiobiblioteek omruil.

1.  Gebruik die soekfilters om ’n nuwe oudiosnit te kry. Klik Speel om snitte te voorbeskou.
2. Klik VOEG BY wanneer jy ’n liedjie kry waarvan jy hou. Die liedjie sal in ’n blou kassie in die redigeerder verskyn.
   • Klik en sleep die kassie om te verander wanneer die liedjie moet begin. Hou in gedagte dat die eis nie verwyder sal word as van die opgeëisde oudio in jou video oorbly nie.
   • Sleep die kante van die kassie om te verander hoeveel van die liedjie gespeel word.
   • Gebruik die zoemopsies vir meer presiese wysigings.
3. (Opsioneel) Voeg meer snitte by.
4. Klik STOOR  VERVANG.

Die Content ID-eis sal uit jou video verwyder word nadat al die opgeëisde oudio heeltemal vervang is.

 Demp liedjie (slegs oudio-eise)

Met hierdie opsie kan jy die opgeëisde oudio in jou video demp. Jy kan kies om net die liedjie of al die oudio in die video te demp.

1. Kies hoe jy wil demp:
   • Demp alle klank terwyl liedjie speel
     • Demp alle oudio in die gedeelte van die video met opgeëisde oudio.
     • Hierdie opsie is gewoonlik vinniger, en die kans is groter dat die eis outomaties verwyder sal word.
   • Demp net liedjie (beta)
     • Demp net die opgeëisde liedjie. Ander oudio, soos dialoog of klankeffekte, sal nie gedemp word nie.
     • Hierdie wysiging neem gewoonlik langer en sal dalk nie werk as dit moeilik is om die liedjie te verwyder nie.
2. (Opsioneel) Wysig die begintyd en eindtyd van die oudio wat gedemp word.
   • Hou in gedagte dat die eis nie verwyder sal word as van die opgeëisde oudio in jou video oorbly nie.
3. Voorbeskou die redigering in die videospeler.
4. Klik GAAN VOORT  DEMP. Daar sal begin word om die redigering te verwerk.

Die Content ID-eis sal uit jou video verwyder word as alle opgeëisde oudio gedemp kan word.

Hou in gedagte:

• Verwerkingtye kan verskil nadat jy ’n redigering aangebring het.
• Jy kan nie ander redigerings aanbring terwyl die video verwerk word nie, maar jy kan die venster toemaak. Die video sal in die huidige toestand (voor redigerings) bly totdat die verwerking voltooi is.
• Jy sal dalk nie veranderinge kan stoor as jou video langer as 6 uur is nie.
• As jou kanaal nie in die YouTube Vennootprogram (YVP) is nie, sal jy dalk nie veranderinge kan stoor as jou video meer as 100 000 kyke het nie.

Wenk: Wanneer die verwerking voltooi is, moet jy die bladsy herlaai om te bevestig dat die redigerings aangebring is en dat die eis weg is.

Demp opgeëisde inhoud in die YouTube Studio-app

Hoe om opgeëisde inhoud in ’n video te demp:

1. Meld aan by die YouTube Studio-app.
2. Tik op Inhoud .
3. Kies ’n video met ’n kopieregbeperking en tik op die beperking.
4. Tik op GAAN KWESSIES NA in die onderste paneel.
5. Tik op die betrokke eis.
6. Tik op Demp segment.

Ontdoen redigerings

Hoe om die redigerings wat jy aan jou video aangebring het, te ontdoen en die oorspronklike video terug te stel:

1. Meld aan by YouTube Studio.
2. Kies Inhoud  op die linkerkieslys.
3. Klik die miniprent van die video wat jy wil redigeer.
4. Klik Redigeerder  op die linkerkieslys.
5. Kies Opsies  Stel oorspronklike terug  om enige redigerings te verwyder wat jy aan jou video aangebring het.