Malezo ya msingi kuhusu maonyo ya hakimiliki

Maudhui haya yanahusu maonyo ya hakimiliki. Iwapo unatafuta maelezo kuhusu maonyo kwa kukiuka Mwongozo wa Jumuiya, ambayo ni tofauti na maonyo ya hakimiliki, nenda kwenye maelezo ya msingi kuhusu maonyo kwa kukiuka Mwongozo wa Jumuiya.

Ukipewa onyo la hakimiliki, inamaanisha kuwa mwenye hakimiliki aliwasilisha ombi la kisheria la kuondoa video kwa kukiuka hakimiliki kwa kutumia maudhui yake yanayolindwa kwa hakimiliki. Tunapopokea ombi la hakimiliki, tunalikagua. Ikiwa ombi la kuondoa ni sahihi, inabidi tuondoe video yako kwenye YouTube ili kutii sheria ya hakimiliki.

Pata maelezo zaidi kuhusu mchakato wa ombi la kuondoa video kwa kukiuka hakimiliki.

Video inaweza tu kuwa na onyo moja la hakimiliki kwa wakati mmoja. Kumbuka kuwa video zinaweza kuondolewa kwenye tovuti kwa sababu nyingine mbali na hakimiliki. Pia, madai ya Content ID hayasababishi onyo.

Vipengele hivi vinapatikana tu kwa washirika ambao hutumia Kidhibiti Maudhui cha Studio ya YouTube.

Kinachofanyika unapopata onyo la hakimiliki

Sisi sote hukosea. Mara ya kwanza unapopata onyo la hakimiliki, utahitaji kupitia Mafunzo ya Hakimiliki. Mafunzo ya Hakimiliki huwasaidia watayarishi kuelewa kanuni za hakimiliki na jinsi zinavyotekelezwa kwenye YouTube. Mafunzo ya Hakimiliki hujumuisha maswali manne mafupi ya kuchagua jibu moja. Tazama video hii ili upate maelezo zaidi kuhusu Sera za hakimiliki.

Kidokezo: Tazama video hii ili upate maelezo zaidi kuhusu Sera zetu za hakimiliki.

Iwapo mtiririko wako mubashara utaondolewa kwa ajili ya hakimiliki, uwezo wako wa kufikia utiririshaji mubashara utaondolewa kwa siku 7.

Ukipata maonyo 3 ya hakimiliki:

• Akaunti yako, pamoja na chaneli zozote zinazohusiana zinaweza kufungwa.
• Video zote zilizopakiwa kwenye akaunti yako zitaondolewa.
• Huwezi kufungua chaneli mpya.

Kipindi cha Afueni

Iwapo chaneli yako ni sehemu ya Mpango wa Washirika wa YouTube, umetimiza masharti ya kipindi cha afueni cha siku 7. Baada ya maonyo 3 ya hakimiliki, utakuwa na siku 7 za ziada ili uchukue hatua kabla ya chaneli yako kufungwa. Katika kipindi hiki, muda wa maonyo yako ya hakimiliki hautaisha na huwezi kupakia video mpya. Chaneli yako itaendelea kupatikana na unaweza kuifikia ili kutafuta suluhisho la maonyo uliyopokea.

Ukiwasilisha arifa za kukanusha ambazo zinapunguza idadi ya maonyo uliyopokea kuwa chini ya maonyo 3, chaneli yako haitafungwa wakati arifa za kukanusha hazijatatuliwa. Ikiwa arifa hizi za kukanusha zitasambazwa kwa mlalamikaji wa hakimiliki, uwezo wako wa kupakia video utarejeshwa. Ikiwa arifa ya kukanusha imesuluhishwa kwa manufaa yako au ombi la kuondoa limefutwa, chaneli yako haitaathiriwa.

Jinsi ya kupata maelezo kuhusu onyo ulilopokea

1. Ingia katika akaunti ya Studio ya YouTube.
2. Kwenye menyu ya kushoto, bofya Maudhui .
3. Bofya upau wa kichujio  Hakimiliki.
4. Katika safu wima ya Vizuizi, wekelea kiashiria juu ya Hakimiliki.
5. Bofya ANGALIA MAELEZO.

Kusuluhisha onyo la hakimiliki

Kuna njia tatu za kusuluhisha onyo la hakimiliki:

1. Kusubiri muda wake uishe: Muda wa maonyo ya hakimiliki huisha baada ya siku 90. Iwapo ni onyo lako la kwanza, utahitaji kukamilisha Mafunzo ya Hakimiliki.
2. Kuomba dai lifutwe: Unaweza kuwasiliana na mtu aliyedai video yako na umwombe afute dai lake la ukiukaji wa hakimiliki.
3. Kutuma arifa ya kukanusha: Iwapo unafikiri kuwa video yako iliondolewa kimakosa au inatimiza masharti ya matumizi ya haki, unaweza kutuma arifa ya kukanusha.

Linda akaunti yako dhidi ya majaribio ya wizi wa data binafsi. Tunatuma arifa za onyo la hakimiliki za YouTube kupitia [e-mail] pekee. Pata maelezo zaidi kuhusu jinsi ya kuimarisha usalama wa akaunti yako na kuwa salama mtandaoni.

Tazama ili upate maelezo zaidi

Angalia video ifuatayo kutoka kwenye Chaneli ya Watayarishi wa Maudhui ya YouTube ili upate mambo ya msingi kuhusu maonyo ya hakimiliki.

Copyright in YouTube Studio: Addressing Copyright Claims with New Tools, Filters and More