Basiese beginsels oor kopieregwaarskuwings

Hierdie inhoud gaan oor kopieregwaarskuwings. Gaan na ons Basiese beginsels oor gemeenskapsriglynewaarskuwings as jy inligting oor gemeenskapsriglynewaarskuwings soek – wat van kopieregwaarskuwings verskil.

As jy ’n kopieregwaarskuwing kry, beteken dit dat ’n kopieregeienaar ’n regsgeldige kopieregverwyderingversoek ingedien het vir gebruik van hul kopieregbeskermde inhoud. Wanneer daar ’n kopieregverwyderingversoek by ons ingedien word, hersien ons dit. Indien die verwyderingversoek geldig is, moet ons jou video van YouTube af verwyder om aan kopieregwetgewing te voldoen.

Kry meer inligting oor die kopieregverwyderingversoekproses.

’n Video kan net een kopieregwaarskuwing op ’n slag hê. Hou in gedagte dat video’s om ander redes as kopiereg van die werf verwyder kan word. Content ID-eise lei ook nie tot ’n waarskuwing nie.

Hierdie kenmerke is slegs beskikbaar vir vennote wat YouTube Studio Inhoudbestuurder gebruik.

Wat gebeur wanneer jy ’n kopieregwaarskuwing kry

Ons maak almal foute. Die eerste keer wat jy ’n kopieregwaarskuwing kry, sal jy deur Kopieregskool moet gaan. Kopieregskool help skeppers om kopieregbeginsels te verstaan, asook hoe dit op YouTube afgedwing word. Kopieregskool bestaan uit vier kort meervoudigekeusevrae. Kyk hierdie video vir meer inligting oor ons kopieregbeleide.

Wenk: Kyk hierdie video vir meer inligting oor ons kopieregbeleide.

Jou toegang tot regstreekse stroming sal 7 dae lank beperk word as jou aktiewe regstreekse stroom vir kopiereg verwyder word.

As jy 3 kopieregwaarskuwings kry:

• Is jou rekening, tesame met enige geasossieerde kanale, onderworpe aan beëindiging.
• Sal al die video’s wat na jou rekening opgelaai is verwyder word.
• Kan jy nie nuwe kanale skep nie.

Vergunningtydperk

As jou kanaal deel is van die YouTube Vennootprogram, kwalifiseer jy vir ’n vergunningtydperk van 7 dae. Ná 3 kopieregwaarskuwings sal jy 7 bykomende dae hê om op te tree voordat jou kanaal gedeaktiveer word. Jou kopieregwaarskuwings sal nie gedurende hierdie tydperk verval nie en jy sal nie nuwe video’s kan oplaai nie. Jou kanaal sal regstreeks bly en jy kan daarby ingaan om ’n oplossing vir jou waarskuwings te soek.

As jy verweerkennisgewings indien wat jou waarskuwingtelling na minder as 3 neem, sal jou kanaal nie gedeaktiveer word terwyl die verweerkennisgewings onopgelos is nie. As hierdie verweerkennisgewings na die kopieregeiser aangestuur word, sal jy weer kan oplaai. As die verweerkennisgewing in jou guns opgelos of die verwydering teruggetrek word, sal jou kanaal nie beïnvloed word nie.

Hoe om inligting oor jou waarskuwing te kry

1. Meld aan by YouTube Studio.
2. Klik Inhoud  op die linkerkieslys.
3. Klik die filtreerbalk  Kopiereg.
4. Hou jou muiswyser oor Kopiereg in die Beperkings-kolom.
5. Klik SIEN BESONDERHEDE.

Los ’n kopieregwaarskuwing op

Daar is drie maniere om ’n kopieregwaarskuwing op te los:

1. Wag dat dit verval: Kopieregwaarskuwings verval ná 90 dae. As dit jou eerste waarskuwing is, sal jy Kopieregskool moet voltooi.
2. Kry ’n terugtrekking: Jy kan in aanraking kom met die persoon wat jou video opgeëis het en hulle vra om hul eis van kopieregskending terug te trek.
3. Dien ’n verweerkennisgewing in: As jy dink dat jou video verkeerdelik verwyder is of dat dit as billike gebruik kwalifiseer, kan jy ’n verweerkennisgewing indien.

Beskerm jou rekening teen uitvissingpogings. Ons stuur YouTube-kopieregwaarskuwingkennisgewings slegs van [e-mail] af. Vind uit hoe om jou rekening veilig te hou en veilig te bly aanlyn.

Kyk om meer inligting te kry

Kyk na die volgende video op die YouTube Creators-kanaal om uit te vind wat die basiese beginsels van kopieregwaarskuwings is.

Copyright in YouTube Studio: Addressing Copyright Claims with New Tools, Filters and More