YouTube-ko kanalari dagokion Google-ko kontua babestu ondoren, arakatu YouTube-n sareko segurtasuna mantentzeko jardunbide egokiak.
Zure YouTube-ko kanala hackeatu dutela uste duzu? Lortu kanal berreskuratzeko eta babesteko argibideak.
Eskaera susmagarriak baztertu
Phishingaren kasuan, berriz, hackerra pertsona fidagarri bat gisa aurkezten da, zure informazio pertsonala eskuratzeko.
Ez erantzun besteak beste honako hauek eskaintzen dituzten mezu elektroniko, testu-mezu, istanteko mezu, web-orri edo telefono-dei susmagarriei:
- doako kriptotxanponak
- urruneko sarbidea behar duen marketin-laguntza
- fitxategi enkriptatuak irekitzeko pasahitzak
Ez sakatu edo ireki fidagarriak ez diren iturburuetako estekak edo fitxategiak dituzten mezu elektroniko, mezu, webgune, leiho gainerakor edo YouTube-n bertan agertzen diren esteka edo fitxategiak, horrelakoak eskaintzen badituzte:
- irudi txikien doako txantiloiak
- editatzeko premium programak
- software ezezaguna
Mezu elektroniko, testu-mezu edo web-orrien bidez, hackerrek erakunde, familiako kide edo lankide gisa aurkezten dute euren burua.
YouTube-k ez dizu inoiz eskatuko pasahitzik, helbide elektronikorik edo kontuko beste inolako informaziorik. Phishingaren aurrean babesteko, ez idatzi pasahitza myaccount.google.com ez den beste orri batean. Ez fidatu inor YouTube-ren izenean zurekin harremanetan jartzen bada. YouTube-ren mezu elektronikoak @youtube.com edo @google.com domeinua duten helbide elektronikoetatik soilik bidaltzen dira.
Spama edo phishinga salatu
YouTube-n aurkitutako bideoren bat spama edo phishinga dela uste baduzu, sala ezazu YouTube-ren taldeak berrikus ditzan. Spamari eta phishingari buruzko informazio gehiago lortzeko, joan National Cyber Security Alliance-ren (AEBko sareko segurtasunaren elkartea) webgunera.
Aholkua: lortu phishingari buruzko informazio gehiago phishingari buruzko galdeketan.
Kontua babestuta mantendu
Babestu Google-ko kontua egiaztapen-zerrenda erabilerraz honekin eta jarraitu jardunbide egoki osagarri hauek:
Ez partekatu inoiz saioa hasteko datuak
- Ez partekatu inoiz pasahitzak. Kolaboratzaileei kanalerako sarbidea emateko, erabili kanala edo marka-kontua erabiltzeko baimenak pasahitza partekatu ordez.
- YouTube-k ez dizu inoiz pasahitzik eskatuko posta elektroniko, mezu edo telefono-dei bidez.
- YouTube-k ez dizu inoiz bidaliko informazio pertsonala (hala nola identifikazio-zenbakiak, finantza-datuak edo pasahitzak) eskatzeko inprimakirik.
Kanalerako sarbidea egiaztatu eta eguneratu
Sortzailea bazara, jendeari YouTube-ko kanala kudeatzeko sarbidea eman diezaiokezu Google-ko konturako sarbiderik eman gabe. Kanala erabiltzeko baimenak erabilita, funtzioak eta ardurak argi ezarri ahal izango dituzu. Gonbidatu jendea honako funtzio hauetako batekin zure kanala atzitzera:
- Kudeatzailea: pertsonak gehitu eta kendu, eta kanalaren xehetasunak edita ditzake.
- Editorea: kanalaren xehetasun guztiak edita ditzake.
- Editore mugatua: editorearen baimen berberak ditu, baina ezin du ikusi diru-sarrerei buruzko informazioa.
- Ikuslea: kanalaren xehetasun guztiak ikus ditzake, baina ezin ditu editatu.
- Ikusle mugatua: kanalaren xehetasun guztiak ikus ditzake (baina ez editatu), diru-sarrerei buruzko informazioa ezik.
Erabiltzaile ezezagunak kendu
Zure kontua kudeatzen duten pertsonak ezagutzen ez badituzu, agian hackeatu egin dizute kontua. Kontu motaren arabera, erabiltzaileak lehenbailehen aldatzea edo kentzea gomendatzen dizugu.
- Aldatu edo kendu YouTube-ko kanalerako sarbidea
- Aldatu edo kendu marka-konturako sarbidea
Norbait zure taldetik irteten bada, ken iezaiozu sarbidea lehenbailehen.
Oharra: marka-kontu bat baduzu, zure Google-ko kontua eta YouTube-ko kanala kudeatzera gonbida dezakezu jendea. Egiaztatu marka-konturik duzun eta lortu marka-kontuaren baimenak kudeatzeko argibideak.
Behar ez dituzun webguneak eta aplikazioak kendu
Google-ko kontua eta YouTube-ko kanala babesteko, saihestu aplikazio ezezagunak edo iturburu ezezagunetako aplikazioak instalatzea. Kudeatu eta kendu behar ez dituzun aplikazioak konektatutako kontuetatik.
Sortzaileen segurtasun-zentroa webgunera joan
Joan Sortzaileen segurtasun-zentroa webgunera kanalak segurtasunez hazten jarrai dezan. Sortu sarean segurtasunez jarduteko plan bat.