Awali, akaunti za Google zilizokuwa na maonyo kwa kukiuka Mwongozo wa Jumuiya, maonyo ya hakimiliki au uzuiaji wa Content ID zingepoteza uwezo wa kufikia vipengele na mipango kadhaa ya akaunti.
Tumefanya mabadiliko katika utaratibu huu, kwa hivyo soma hapa chini ili upate mabadiliko kuhusu jinsi maonyo kwa kukiuka Mwongozo wa Jumuiya, maonyo ya hakimiliki na uzuiaji wa Content ID, yanavyoweza kuathiri akaunti yako ya Google.
Mwongozo wa maonyo
Ukipokea onyo la hakimiliki au onyo kwa kukiuka Mwongozo wa Jumuiya, bado utaweza kufikia vipengele na mipango mingi ya YouTube. Hata hivyo, maonyo ya akaunti yanaweza kuathiri uwezo wako wa kuchuma mapato kwenye chaneli yako. Iwapo huna uwezo wa kufikia vipengele fulani, huenda ukahitaji kuthibitisha akaunti yako.
Kumbuka mwongozo huu:
- Ukipata onyo kwenye mtiririko mubashara unaoendelea au mtiririko mubashara uliowekwa kwenye kumbukumbu, huenda uwezo wako wa kufikia mtiririko mubashara ukazimwa. Pata maelezo kuhusu vizuizi vya mitiririko mubashara.
- Ukipata maonyo 3, chaneli yako ya YouTube inaweza kufungwa.
- Hatua ya kufuta video haitaondoa maonyo kwenye chaneli yako. Pata maelezo kuhusu jinsi ya kusuluhisha maonyo ya hakimiliki au kukata rufaa dhidi ya maonyo kwa kukiuka Mwongozo wa Jumuiya.
- Video inaweza kupokea madai ya Content ID au maombi mengi ya kuondoa video, lakini inaweza tu kupokea onyo moja la hakimiliki kwa wakati mmoja.
Iwapo unatatizika, pata maelezo kuhusu jinsi ya kupata usaidizi ukiwa Mtayarishi wa YouTube.