Subtitrlər və altyazılar əlavə edin

Subtitrlər və altyazılar videolarınızı eşitmə qabiliyyəti məhdud izləyicilər və başqa dildə danışan izləyicilər də daxil olmaqla, daha geniş bir auditoriya ilə bölüşməyə imkan verir. Mövcud altyazıları redaktə etmək və silmək barədə ətraflı məlumat əldə edin.

Subtitrlər və altyazılar yaradın

1. YouTube Studiyaya daxil olun.
2. Sol menyudan Subtitrlər seçin.
3. Redaktə etmək istədiyiniz videoya klikləyin.
4. DİL ƏLAVƏ EDİN üzərinə klikləyin və dili seçin.
5. Subtitrlar bölməsində ƏLAVƏ EDİN üzərinə klikləyin.

Qeyd: Yükləmə prosesi müddətində subtitr və altyazıları da yükləyə bilərsiniz.

Fayl yükləyin

Subtitr və altyazı fayllarında videoda deyilənlərin mətni var. O, həmçinin hər bir mətn sətrinin görünməli olduğu vaxt qeydlərini də əks etdirir. Bəzi fayllarda eşitmə məhdudiyyətli şəxslərə yararlı olacaq pozisiya və üslub haqqında məlumat var.

Başlamazdan əvvəl fayl növünün YouTube-da dəstəkləndiyinə əmin olun.

1. Faylı yükləyin seçimini edin.
2. Zamanlama ilə və ya Zamanlama olmadan arasından birini seçin, sonra isə Davam edin seçimini edin.
3. Yükləmək üçün fayl seçin.
4. Yadda saxlayın seçimini edin.

Avto-sinxronizasiya

Videonu izlədikcə subtitr və altyazıları daxil etməklə də yarada bilərsiniz. Videonuzu bu seçimlə sinxronlaşdırmaq üçün zamanlamanı ayarlamalısınız.

Qeyd: Transkript mətni videonuza avtomatik sinxronlaşdırılacaq. Transkript nitqin tanınması texnologiyamız tərəfindən dəstəklənən dildə olmalıdır. Transkript, həmçinin videoda danışılan dil ilə eyni dildə olmalıdır. Bir saatdan uzun olan və ya aşağı audio keyfiyyətə sahib videolar üçün transkriptlər tövsiyə olunmur.

1. Avto-sinxronizasiyanı seçin.
2. Sözləri videoya daxil edin və ya transkript faylını yükləyin. 
3. REDAKTƏ EDİN seçimini edin, sonra isə YADDA SAXLAYIN VƏ BAĞLAYIN üzərinə klikləyin.

Zamanlamanın ayarlanması bir neçə dəqiqə çəkə bilər. Gözlədiyiniz zaman video trek siyahısına geri qayıdacaqsınız. Hazır olduqda, transkripsiya videonuzda avtomatik yayımlanacaq.

Manual olaraq yazın

Altyazı və ya subtitrlərin transkriptini yazmağı və ya əlavə etməyi seçə bilərsiniz. Bu seçimlə subtitr və altyazı zamanlamaları avtomatik ayarlanacaq.

1. Manual olaraq yazın seçimini edin. 
2. Videonu oxudub altyazı və ya subtitrləri daxil edin. [applause] və ya [thunder] kimi mətn əlavə etməyi unutmayın ki, izləyicilər videoda nədən bəhs edildiyini bilsinlər. Yazarkən dayandıra da bilərsiniz. 
3. YAYIMLAYIN seçimini edin.

Avtomatik tərcümə

YouTube videolarınız üçün avtomatik altyazı yaratmaq üçün nitqin tanınması texnologiyasından istifadə edə bilər. Avtomatik altyazılar varsa, onlar avtomatik olaraq videoda dərc olunacaq. Avtomatik altyazılardan istifadə etmək qaydasını öyrənin.

Qeyd: Avtomatik altyazılar videonun yalnız defolt dilində olacaq.

Subtitr və altyazılar əlavə etmək qaydasını izləyin

YouTube Yaradıcıları kanalının təqdim etdiyi subtitr və altyazılar əlavə etmək qaydası barədə aşağıdakı videoya baxın.

How to Add Captions While Uploading & Editing Your Videos