Voeg onderskrifte by

As jy onderskrifte byvoeg, kan jy jou video's met 'n groter gehoor deel, insluitend dowe of hardhorende kykers en kykers wat 'n ander taal praat. Vind meer uit oor die redigering of verwydering van bestaande onderskrifte.

Skep onderskrifte

1. Meld aan by YouTube Studio.
2. Kies Onderskrifte op die linkerkieslys.
3. Klik die video wat jy wil wysig.
4. Klik VOEG TAAL BY en kies jou taal.
5. Klik onder onderskrifte VOEG BY.

Neem kennis: Jy kan ook onderskrifte byvoeg tydens die oplaai-proses.

Laai 'n lêer op

Onderskriftelêers bevat die teks van wat in die video gesê word. Dit bevat ook tydstempels vir wanneer elke teksreël vertoon moet word. Party lêers sluit ook posisie- en stylinligting in, wat veral nuttig is vir dowe of hardhorende kykers.

Maak voordat jy begin seker dat jou lêertipe op YouTube gesteun word.

1. Kies Laai lêer op.
2. Kies tussen Met tydsberekening of Sonder tydsberekening en kies dan Gaan voort.
3. Kies 'n lêer om op te laai.
4. Kies Stoor.

Outosinkroniseer

Jy kan onderskrifte skep deur hulle in te voer terwyl jy die video kyk. Jy moet met hierdie opsie die tydsberekening stel om met jou video te sinkroniseer.

Neem kennis: Transkripsieteks word outomaties met jou video gesinkroniseer. Die transkripsie moet in 'n taal wees wat deur ons spraakherkenningtegnologie gesteun word. Die transkripsie moet ook in dieselfde taal wees wat in die video gepraat word. Transkripsies word nie aanbeveel vir video's wat langer as 'n uur is of video’s met swak oudiogehalte nie.

1. Kies Outosinkroniseer.
2. Voer die woorde by jou video in of laai 'n transkripsielêer op. 
3. Kies REDIGEER en klik dan STOOR EN MAAK TOE.

Om die tydsberekening te stel kan 'n paar minute duur. Terwyl jy wag, sal jy teruggebring word na die videosnitlys. Sodra dit gereed is, sal jou transkripsie outomaties op jou video gepubliseer word.

Tik handmatig in

Jy kan kies om 'n transkripsie van jou onderskrifte in te tik of te plak. Met hierdie opsie sal jou onderskrifte se tydsberekening outomaties gestel word.

1. Kies Tik handmatig in. 
2. Speel die video en voer jou onderskrifte in. Moenie vergeet om teks soos [applous] of [donderweer] by te voeg nie sodat kykers weet wat in die video aangaan. Jy kan ook die video onderbreek terwyl jy tik. 
3. Kies PUBLISEER.

Outovertaal

YouTube kan spraakherkenningtegnologie gebruik om outomatiese onderskrifte vir jou video’s te skep. As outomatiese onderskrifte beskikbaar is, sal hulle outomaties op die video gepubliseer word. Vind uit hoe om outomatiese onderskrifte te gebruik.

Neem kennis: Outomatiese onderskrifte sal slegs in die video se verstektaal wees.

Kyk hoe om onderskrifte by te voeg

Kyk die volgende video van die YouTube Creators-kanaal oor hoe om onderskrifte by te voeg.

How to Add Captions While Uploading & Editing Your Videos