Kubadilisha au kuondoa manukuu

Badilisha manukuu

Unaweza kubadilisha maandishi na mihuri ya wakati ya manukuu yako. Unaweza pia kutumia huduma au programu za kubadilisha manukuu.

Kubadilisha maandishi ya manukuu

Kumbuka: Ikiwa unabadilisha manukuu yaliyotayarishwa kiotomatiki, faili mpya ya manukuu inayojumuisha mabadiliko uliyofanya itatayarishwa.

1. Ingia katika Studio ya YouTube.
2. Kwenye menyu ya kushoto, chagua Manukuu .
3. Bofya video ambayo ungependa kuhariri.
4. Kwa lugha ambayo ungependa kubadilisha, katika safu wima ya “Manukuu”, chagua Badilisha.
5. Kwa manukuu ya kiotomatiki, chagua Nakili kisha ubadilishe Endelea ili ubatilishe rasimu yako iliyopo.
6. Bofya ndani ya mstari wowote kwenye kidirisha cha faili ya manukuu kisha ubadilishe maandishi.
7. Ukishamaliza kufanya mabadiliko, bofya Chapisha.

Kubadilisha muda wa manukuu

Unaweza kubadilisha muda katika faili zako za manukuu moja kwa moja kwenye kihariri cha manukuu cha YouTube au kwa kupakua faili zako za manukuu.

Kutumia kihariri cha manukuu cha YouTube

1. Ingia katika Studio ya YouTube.
2. Kwenye menyu ya kushoto, chagua Manukuu .
3. Bofya video ambayo ungependa kuhariri.
4. Kwa lugha ambayo ungependa kubadilisha, katika safu wima ya “Manukuu”, chagua Badilisha .
5. Chagua mstari mahususi katika kidirisha cha faili ya manukuu:
   • Unaweza kurekebisha muda kwa kubadilisha visanduku viwili vya mihuri ya wakati vilivyo kando ya faili ya manukuu.
   Kumbuka: Iwapo huoni mihuri ya wakati, chagua Badilisha muda.
6. Ukishamaliza kufanya mabadiliko, bofya Chapisha.

Kupakua na kubadilisha faili za manukuu

Unaweza kubadilisha mihuri ya wakati kwa kupakua faili ya manukuu na kutumia programu ya kubadilisha maandishi dhahiri (.txt) kama vile TextEdit au Notepad ili ufanye mabadiliko.

1. Ingia katika Studio ya YouTube.
2. Kwenye menyu ya kushoto, chagua Manukuu .
3. Bofya video ambayo ungependa kuhariri.
4. Chini ya Manukuu, bofya Badilisha kando ya lugha ambayo ungependa kubadilisha.
5. Bofya Chaguo kisha uchague Pakua manukuu. Pata maelezo zaidi kuhusu aina za faili za manukuu.
6. Kivinjari chako kitapakua faili ya manukuu. Badilisha faili na uihifadhi.
7. Fuata maagizo ya kupakia manukuu kwenye video yako tena.

Kuondoa manukuu

Ili usimamishe manukuu yasionyeshwe kwenye video yako, unaweza kuyafuta kabisa kwenye video na Akaunti yako ya Google.

1. Ingia katika Studio ya YouTube.
2. Kwenye menyu ya kushoto, chagua Manukuu .
3. Kwa lugha ambayo ungependa kufuta, katika safu wima ya “Manukuu”, teua Chaguo Futa .
4. Utaombwa uthibitishe kuwa ungependa kufuta manukuu. Bofya Futa manukuu.

Kumbuka: Baada ya kufuta manukuu ya kiotomatiki kwenye video, huwezi kuyawasha tena. Hata ukuondoa manukuu, bado yanaweza kutumiwa kutoa majibu yanayofaa ya video kwa watazamaji wako. Watazamaji wanaweza kuona majibu ya video wakati wametafuta jibu la swali mahususi. Majibu hutolewa kwenye manukuu yako au manukuu yaliyotayarishwa kiotomatiki, hivyo watazamaji wanaweza kuamua kwa haraka ikiwa video yako inawafaa.