Kynntu þér sérsniðna vídeóstrauminn í YouTube Create

YouTube Create-forritið er með nýjan, sérsniðinn vídeóstraum með vídeóum sem búin eru til með gervigreind. Honum er ætlað að veita innblástur með því að leggja áherslu á vídeó sem þú getur endurblandað á einfaldan hátt. Ef þú birtir endurblandað vídeó á YouTube verður tengill í því sem vísar á upprunalega efnið á YouTube.

Mikilvægt: Allt efni á YouTube, þar á meðal efni búið til með gervigreind í YouTube Create, þarf að fylgja reglum netsamfélagsins. Merki eru notuð til að gera áhorfendum ljóst að efnið sem þeir eru að horfa á sé búið til með gervigreind. Nánar um upplýsingagjöf og persónuverndarstefnu okkar varðandi gervigreindarskapað efni.

Athugaðu: Þú verður að vera 18 ára eða eldri til að hafa aðgang að straumnum og nota endurblöndunareiginleika í straumnum. Eiginleikinn er sem stendur í boði í snjalltækjum í Ástralíu, Brasilíu, Kanada, Indlandi, Nýja-Sjálandi og Bandaríkjunum.

Horfðu á vídeó í straumnum

Í straumnum finnurðu vídeó búin til með gervigreind sem eru sérsniðin fyrir þig. Þú getur séð áhorf og fjölda læka fyrir hvert vídeó.

1. Opnaðu YouTube Create-forritið.
2. Á síðunni Heim geturðu skoðað strauminn með vídeóum sem búin eru til með gervigreind.
3. Ýttu á vídeó til að opna strauminn.
4. Strjúktu upp eða niður til að finna meira efni.

Endurblöndun vídeós í straumnum

Þú getur notað endurblöndunareiginleikann til að breyta vídeói í straumnum með nýjum skapandi möguleikum. Þú getur til dæmis valið að breyta persónum eða umhverfi vídeós.

1. Ýttu á Endurblöndun á vídeói í straumnum.
2. Sláðu inn skipun til að lýsa því hvernig þú vilt breyta vídeóinu.
   • (Valfrjálst) Ýttu á til að láta allt að þrjár viðmiðunarmyndir fylgja með.
3. Ýttu á Áfram til að búa vídeóið til.

Þú getur líka notað endurblöndunareiginleika til að breyta vídeóum úr Shorts-straumnum í YouTube-forritinu. Nánar um gerð YouTube Shorts með endurblönduðu efni.

Athugaðu: Vídeó með leyfisbundinni eða gjaldfrjálsri tónlist eru útilokuð úr straumnum. Þú getur bætt þinni eigin tónlist eða talsetningu við með því að nota myndvinnsluverkfæri YouTube Create þegar þú hefur búið til endurblandað vídeó.

Algengar spurningar

Verða endurblönduð vídeó úr straumnum með upplýsingagjöf um gervigreind?

Vídeó sem búin eru til með endurblöndun í YouTube Create og birt á YouTube munu sjálfkrafa upplýsa um notkun gervigreindar. Nánar um upplýsingagjöf vegna notkunar á breyttu efni eða efni sem myndað er með gervigreind.

Telst áhorf úr straumnum með á rásinni minni?

Eins og er teljast áhorf á vídeó úr straumnum ekki með í heildarfjölda áhorfa á rásina þína á YouTube.

Hvernig takmarka ég notkun á mínu efni í straumnum?

Shorts sem þú býrð til eru sjálfkrafa tiltæk í endurblöndun á YouTube. Þú getur afþakkað að Shorts-vídeóin þín séu tiltæk í vídeóendurblöndun sem útilokar þá vídeóin úr straumnum. Samstarfsaðilar með aðgang að Efnisstjórnun YouTube Studio geta afþakkað að bæði hljóð og mynd séu notuð við endurblöndun.

Þú getur takmarkað endurblöndun með því að fylgja eftirfarandi leiðbeiningum:

1. Skráðu þig inn í YouTube Studio.
2. Smelltu á Efni í vinstri valmyndinni.
3. Smelltu á vídeótitil eða smámynd.
4. Flettu smelltu á Sýna meira.
5. Flettu til að finna „endurblöndun Shorts“ og veldu hvort þú vilt heimila endurblöndun.
6. Smelltu á Vista.

Einnig er hægt að fjöldabreyta stillingum í „endurblöndun Shorts“ og þegar þú hleður upp úr tölvu.

Hvað gerist þegar efnið sem ég endurblanda sætir takmörkunum eða því er breytt eða eytt?

Ef upprunalega vídeóið er fjarlægt eða takmarkað á YouTube hverfur það úr straumnum. Öllum endurblöndunum sem þegar hefur verið hlaðið upp á YouTube verður líka eytt.

Hvernig tilkynni ég vídeó sem gæti verið óviðeigandi?

Til að tilkynna óviðeigandi efni skaltu ýta á þriggja punkta valmyndina efst til hægri í vídeói.