Alle kompetisies wat op YouTube laat loop word of wat YouTube gebruik, is aan die onderstaande reëls onderworpe. Daarbenewens kan jou kompetisie nie laat loop of uitgevoer word op ’n manier wat teenstrydig is met ons privaatheidsbeleid nie. Die inhoud kan ook nie teenstrydig wees met YouTube se diensbepalings of gemeenskapsriglyne nie.
YouTube laat nie toe dat kompetisies deur advertensie-eenhede laat loop word nie. As die kompetisie by die onderstaande reëls hou, kan jy kompetisies deur jou inhoud op die platform gebruik.
I. Algemene beperkings en vereistes:
- Jy's alleen verantwoordelik vir jou kompetisie.
- Jou kompetisie op YouTube moet aan alle relevante federale, deelstaat- en plaaslike wette, reëls en regulasies voldoen, insluitend VSA-sanksies.
- Jou kompetisie kan nie enige derdepartyregte skend of die skending van enige derdepartyregte of deelname aan enige onwettige aktiwiteite aanmoedig nie.
- Jy kan die kyker nie vra om alle regte vir die eienaarskap van hul inskrywing aan jou te gee of aan jou oor te dra nie.
- Dit moet gratis wees om by jou kompetisie in te skryf (moenie vergeet om jou plaaslike loterywette na te gaan nie!)
- Jy en enige derde party mag nie maatstawwe op die YouTube-diens manipuleer om ware kykerbetrokkenheid by die YouTube-diens verkeerd voor te stel nie. Hierdie maatstawwe sluit aantal kykers, opduime, afduime of intekenare in.
- Jy kan YouTube nie met jou kompetisie assosieer of affilieer sonder YouTube se skriftelike vooraftoestemming nie. Hierdie reël verbied, onder ander voorbeelde, dat jy enigiets uitdruklik verklaar of doen wat suggereer dat YouTube op enige manier betrokke is by jou kompetisie of dit onderskryf het.
II. Jou amptelike kompetisiereëls:
- Jy moet ’n stel “Amptelike reëls” hê wat:
a. skakels na die YouTube-gemeenskapsriglyne insluit en aandui dat inskrywings wat nie daaraan voldoen nie, gediskwalifiseer sal word.
b. alle openbaarmakings uiteensit wat vereis word deur alle toepaslike federale, deelstaat- en plaaslike wette, reëls en regulasies, insluitend VSA-sanksies.
c. volledig voldoen aan en ooreenstem met die YouTube-diensbepalings. - Jou kompetisie moet uitgevoer en alle pryse toegeken word soos uiteengesit in jou Amptelike reëls.
- Jy is verantwoordelik vir jou reëls en alle aspekte van jou kompetisie-administrasie.
- Jou reëls moet duidelik verklaar dat YouTube nie ’n borg van jou kompetisie is nie en van kykers vereis om YouTube vry te stel van enige aanspreeklikheid in verband met jou kompetisie.
- Jy moet ’n privaatheidkennisgewing by jou amptelike reëls insluit wat aan die wet voldoen. Hierdie kennisgewing verduidelik hoe jy enige persoonlike data wat jy insamel vir die kompetisie sal gebruik en hoe jy daardie gebruik sal nakom.
Vrywaring: Ons is nie jou prokureurs nie en die inligting wat hier gebied word, is nie regsadvies nie. Ons gee dit vir inligtingsdoeleindes en stel voor dat jy advies in jou jurisdiksie kry oor hoe om ’n kompetisie wettig te laat loop.