Kupata uanachama wa Premium Lite kwenye YouTube

Premium Lite ni uanachama mpya wa YouTube Premium wenye bei nafuu unaokuwezesha kutazama video nyingi za YouTube na YouTube Kids bila matangazo, nje ya mtandao na katika hali ya chinichini bila kukatizwa sana. 

Maeneo ambako uanachama wa Premium Lite unapatikana

Unaweza kupata hapa orodha ya maeneo ambako uanachama wa Premium Lite unapatikana.

Huenda tukaongeza idadi ya watumiaji katika siku zijazo.

Learn more about Premium Lite on YouTube

Kujisajili kwenye Premium Lite katika YouTube

Ili ujisajili kwenye Premium Lite katika YouTube, bofya kitufe kilicho hapa chini.

JIUNGE NA PREMIUM LITE

Kulinganisha uanachama wa YouTube Premium

Premium Lite kwenye YouTube inatofautiana na Premium kwa njia zifuatazo:

 

Vipengele	Premium	Premium Lite
Video za YouTube bila matangazo	Bila matangazo	Video nyingi bila matangazo* Michezo ya video, Mitindo, Urembo, habari na zaidi
Kupakua na kucheza chinichini		Video nyingi* Inapatikana kwenye maudhui mengi yasiyo ya muziki, isipokuwa katika Video Fupi.
Muziki na video za muziki bila matangazo		-
Vipengele vya ziada:  Ruka mbele, endelea kutazama, kuweka kwenye foleni na zaidi		-

Ukiwa na Premium Lite, hutaona matangazo kwenye video kama vile michezo ya video, video kuhusu mitindo, urembo, habari na nyinginezo. Hata hivyo, matangazo bado yanaweza kuonekana kwenye maudhui ya muziki, Video Fupi na wakati unatafuta au kuvinjari. 

Premium Lite pia inatoa uchezaji wa chinichini na upakuaji wa video nyingi. Kipengele cha uchezaji wa chinichini kinakuwezesha ucheze video kwenye kifaa chako cha mkononi huku ukitumia programu nyingine au wakati umezima skrini yako. Kipengele cha kupakua kinakuwezesha upakue video na orodha ili utazame nje ya mtandao wakati hujaunganishwa kwenye Intaneti. Vipengele hivi havipatikani kwenye Video Fupi wala katika maudhui ya muziki, kama vile video halisi au rasmi za muziki, Video za Picha, nyimbo za watoto, pamoja na maudhui yaliyotayarishwa na mtumiaji ambayo yanajumuisha maudhui kutoka kwa washirika wetu wa muziki (kwa mfano: matoleo mengine ya nyimbo, video za kudansi au blogu ya video yenye wimbo maarufu chinichini).

Premium Lite haijumuishi YouTube Music Premium au vipengele vya ziada kama vile endelea kutazama, Ruka mbele, kuweka kwenye foleni au sauti na video za ubora wa juu na zaidi. Pata maelezo zaidi kuhusu manufaa ya Premium kwenye YouTube.

 

Ili ufahamu bei ya uanachama wako wa Premium Lite, nenda kwenye youtube.com/premiumlite.

Kukatisha Uanachama wako wa Premium Lite

Ili ukatishe uanachama wako:

1. Nenda kwenye youtube.com/paid_memberships.
2. Bofya Dhibiti uanachama.
3. Bofya Zima.
4. Bofya Endelea ili ukatishe.
5. Chagua sababu yako ya kukatisha kisha ubofye Endelea.
6. Bofya Ndiyo, katisha.

Ili upate maelezo zaidi kuhusu kukatisha uanachama wako wa Premium Lite.

Kusasisha uanachama wako wa Premium Lite

Ili usasishe uanachama wako:

1. Nenda kwenye youtube.com/paid_memberships.
2. Bofya Pata maelezo zaidi chini ya Premium.
3. Bofya Pata YouTube Premium.
4. Chagua kifurushi chako kipya cha Premium.
5. Bofya Thibitisha.