Kudhibiti maoni

Unaweza kuwaalika wadhibiti ili wasaidie kudhibiti maoni kwenye video na chaneli yako. Mtu yeyote aliye na chaneli ya YouTube anaweza kuwa mdhibiti.

Maoni kwenye YouTube: Kujibu, Kuchuja na Kudhibiti

Zana za kudhibiti maoni

Kuna njia kadhaa za kufikia zana za kudhibiti maoni kwenye programu ya YouTube ya vifaa vya mkononi.

Jinsi ya Kudhibiti na Kuchuja Maoni

Kudhibiti kwenye mipangilio ya maoni

Ikiwa wewe ni mmiliki wa chaneli au mdhibiti, nenda kwenye video yoyote kisha uguse Maoni Mipangilio . Hapo, unaweza kudhibiti mipangilio ya maoni ya chaneli, ikiwa ni pamoja na:

Kitendo	Mmiliki wa chaneli	Mdhibiti mkuu	Mdhibiti wa kawaida
Mipangilio ya maoni ya video	Ndiyo	Ndiyo	Hapana
Kuweka, kufuta au kunakili maneno yote yaliyozuiwa	Ndiyo	Ndiyo	Hapana
Kuwasha au kuzima kipengele cha kuzuia viungo	Ndiyo	Ndiyo	Hapana

Kudhibiti maoni kwenye ukurasa wa kutazama

Ikiwa wewe ni mmiliki au mdhibiti wa chaneli, gusa Zaidi kando ya maoni kwenye video ili uangalie chaguo za udhibiti. Hapo, unaweza kudhibiti maoni mahususi, ikiwa ni pamoja na:

Kitendo	Mmiliki wa chaneli	Mdhibiti mkuu	Mdhibiti wa kawaida
Kubandika au kubandua maoni	Ndiyo	Hapana	Hapana
Kufuta au kuzuia maoni	Ndiyo – Kufuta	Ndiyo – Kuzuilia	Ndiyo – Kuzuilia
Kuripoti maoni	Ndiyo	Ndiyo	Ndiyo
Kuwaongeza au kuwaondoa wadhibiti wakuu	Ndiyo	Hapana	Hapana
Kuwaongeza au kuwaondoa wadhibiti wa kawaida	Ndiyo	Ndiyo	Hapana
Kuongeza au kuondoa watumiaji walioidhinishwa	Ndiyo	Ndiyo	Hapana
Kuongeza au kuondoa watumiaji waliofichwa	Ndiyo	Ndiyo	Ndiyo

Kuchukua hatua kwenye maoni yaliyozuiliwa

Kwenye kichupo cha “Yaliyozuiliwa”, unaweza kuchukua hatua zifuatazo. Unaweza pia kupata chaguo hizi kwenye kichupo cha “Yaliyochapishwa” kwa kubofya Zaidi .

• Kuidhinisha: Chagua Idhinisha ili uruhusu maoni yaonekane kwa umma.
• Kuondoa: Chagua Ondoa ili uondoe maoni.
• Kuripoti taka au matumizi mabaya: Chagua Ripoti ili uripoti taka au matumizi mabaya kwenye maoni. Pata maelezo zaidi kuhusu maoni taka.
• Kumficha mtumiaji: Chagua Ficha ili umfiche mtumiaji asionekane kwenye chaneli.​ Pata maelezo zaidi kuhusu kuficha maoni ya watu mahususi.
• Kuidhinisha kila wakati: Chaguo hili linapatikana tu kwenye kichupo cha “Yaliyochapishwa”. Ili uruhusu maoni yote ya baadaye kutoka kwa mtazamaji fulani yaidhinishwe kiotomatiki na yaonekane kwa umma, chagua Zaidi Idhinisha kila wakati maoni kutoka kwa mtumiaji huyu.

Maswali Yanayoulizwa Sana

Je, mdhibiti wa maoni anaweza kufanya mambo gani?

Hatua anazoweza kuchukua mdhibiti wa maoni hutegemea iwapo ni mdhibiti wa kawaida au mdhibiti mkuu. Wadhibiti wakuu wana chaguo zaidi zinazopatikana kuliko wadhibiti wa kawaida. Wadhibiti wa aina zote mbili wanaweza kuzuilia maoni ili uyakague.

Wadhibiti hawawezi kufikia chaneli yako kwenye Studio ya YouTube. Maoni yatazuiliwa ili uyakague kwenye foleni yako ya “Yaliyozuiliwa”. Watazamaji wengine hawataona maoni hayo isipokuwa ukiyaidhinisha.

Udhibiti wa maoni hufanya kazi kwa njia tofauti kwenye gumzo la moja kwa moja. Pata maelezo kuhusu jinsi ya kukabidhi wadhibiti kwenye gumzo za moja kwa moja.

Ninawezaje kumwondoa mdhibiti wa maoni?

Unaweza kuwasimamia wadhibiti wako kwa kufuata hatua zilizo hapo juu za kumweka mdhibiti wa maoni, kisha uteue chaguo la kumwondoa.

Nini kitatokea nikitia alama kuwa maoni ni taka?

Maoni hayo yatafichwa kabisa kwenye chaneli yako. YouTube inaweza pia kukagua maoni husika na tabia ya mtoa maoni ya kuhusishwa na taka.