Hirugarrenei trebakuntza-lanak egiteko baimena eman

YouTube Studio-ren Eduki-kudeatzailea darabilten bazkideentzat soilik daude erabilgarri eginbide horiek.

Azken belaunaldiko AA generatiboko teknologia garatzearren AAko enpresekin elkarlanean jardun nahi duen eskubideen jabe bat bazara, baliteke hirugarrenei trebakuntza-lanak egiteko baimena emateko aukera izatea. Administratzaile-funtzioa duten YouTube Studio-ren eduki-kudeatzailearen erabiltzaileek hirugarrenen trebakuntza-lanen ezarpena aktibatzeko aukera dute.

Hirugarrenen trebakuntza-lanen ezarpena aktibatu aurretik, ziurtatu ondo ulertzen duzula Zure edukia eta hirugarrenen trebakuntza-lanak ataleko informazioa.

Nola aplikatzen dira ezarpenak eduki-jabe motaren arabera?

Jabetza eta kudeaketa duten kanalak:

• Lotutako kanal guztietako edukiari aplikatzen zaio hirugarrenen trebakuntza-lanen ezarpena.
• Studio-ren Eduki-kudeatzailea erabilita kontrolatzen da ezarpena (ikusi urratsak behean).

Kanal afiliatuak:

• YouTube Studio-ko kanalaren ezarpenetan kontrolatzen da hirugarrenen trebakuntza-lanen ezarpena.

Content ID erabiltzeko baimena duten eskubideen jabeak:

• Erreklamatutako bideo guztietan aplikatzen da hirugarrenen trebakuntza-lanen ezarpena.

Hirugarrenen trebakuntza-lanen ezarpena aktibatu edo desaktibatu

Modu lehenetsian, hirugarrenen trebakuntza-lanen ezarpena desaktibatuta dago. YouTube-ko zure edukia hirugarrenen trebakuntza-lanetarako erabiltzea nahi ez baduzu, ez duzu beste ezer egin behar. YouTube-ren Zerbitzu-baldintzek debekatu egiten dute edukia baimenik gabe erabiltzea; adibidez, baimenik gabeko deskargak eta datu-erauzketa.

Studio-ren Eduki-kudeatzailea erabilita hirugarrenen trebakuntza-lanen ezarpena aktibatzeko:

1. Hasi saioa Studio-ren eduki-kudeatzailean.
2. Ezkerreko menuan, hautatu Ezarpenak .
3. Hautatu Kanala Ezarpen aurreratuak egin behera "Hirugarrenen trebakuntza-lanak" ezarpeneraino.
4. Markatu Eman nire edukiarekin AAko ereduak trebatzeko baimena hirugarren enpresei aukeraren ondoko koadroa.
   • Oharra: koadroa markatzen ez bada, hirugarren enpresek ezingo dituzte trebatu AAko ereduak zure edukiarekin.
5. Hautatu zein hirugarren enpresei eman nahi diezun baimena, edo eman baimena hirugarren enpresa guztiei.
   • Hautatutako enpresak soilik: goitibeherako menuan hautatu dituzun enpresei soilik emango diezu baimena.
   • Hirugarren enpresa guztiak: hirugarren enpresa guztiei emango diezu baimena.
6. Sakatu Gorde.

Oharra: edonoiz alda ditzakezu hirugarrenen trebakuntza-lanen ezarpenak. Baliteke zazpi egunerainoko atzerapena egotea interfaze publikoan aldaketak islatzeko (YouTube Data APIa).