ຂໍ້ມູນການຮຽກເກັບເງິນ ແລະ ການຈ່າຍເງິນສຳລັບສະມາຊິກຊ່ອງ

ເມື່ອທ່ານເປັນສະມາຊິກຊ່ອງ, ທ່ານຈະໄດ້ຮັບສິດເຂົ້າເຖິງສິດທິປະໂຫຍດສະເພາະສະມາຊິກຈາກຊ່ອງ ແລະ ຈ່າຍເງິນເປັນປະຈຳແບບລາຍເດືອນໄດ້.

ອ່ານຂໍ້ມູນຂ້າງລຸ່ມເພື່ອສຶກສາເພີ່ມເຕີມກ່ຽວກັບວິທີການຮຽກເກັບເງິນ ແລະ ການຈ່າຍເງິນສຳລັບການເປັນສະມາຊິກຊ່ອງ. ກະລຸນາຮັບຊາບວ່າການເປັນສະມາຊິກອາດມີລາຄາແຕກຕ່າງກັນໂດຍຂຶ້ນຢູ່ກັບປະເທດຂອງທ່ານ ແລະ ແພລດຟອມທີ່ທ່ານໃຊ້.

ວິທີຮຽກເກັບເງິນ

ສຳລັບສະມາຊິກຊ່ອງຄົນໃໝ່ ແລະ ສະມາຊິກຊ່ອງຄົນປັດຈຸບັນ

ເມື່ອທ່ານມີການເປັນສະມາຊິກຊ່ອງແບບເສຍເງິນທີ່ເຄື່ອນໄຫວຢູ່, ລະບົບຈະຮຽກເກັບເງິນຈາກທ່ານໂດຍອັດຕະໂນມັດເມື່ອເລີ່ມຮອບບິນລາຍເດືອນແຕ່ລະຮອບ.

ສຳລັບສະມາຊິກຊ່ອງທີ່ປ່ຽນລະດັບການເປັນສະມາຊິກ

ເມື່ອທ່ານອັບເກຣດເປັນລະດັບການເປັນສະມາຊິກທີ່ສູງຂຶ້ນ:

• ທ່ານຈະໄດ້ຮັບສິດເຂົ້າເຖິງໃນລະດັບທີ່ອັບເກຣດທັນທີເມື່ອຊື້.
• ລະບົບຈະຮຽກເກັບເງິນຈາກທ່ານສະເພາະສ່ວນຕ່າງຂອງລະດັບໃນລາຄາທີ່ປັບແລ້ວສຳລັບວັນທີ່ເຫຼືອຢູ່ໃນຮອບບິນປັດຈຸບັນຂອງທ່ານ.
  • ຕົວຢ່າງ: ຫາກກ່ອນໜ້ານີ້ທ່ານຈ່າຍຄ່າລະດັບການເປັນສະມາຊິກໃນລາຄາ $4.99 ແລ້ວອັບເກຣດເປັນ $9.99 ໂດຍທີ່ຍັງມີໄລຍະເວລາເຫຼືອອີກເຄິ່ງເດືອນກ່ອນການຈ່າຍເງິນຮອບຖັດໄປຂອງທ່ານ, ລະບົບຈະຮຽກເກັບເງິນຈາກທ່ານ ($9.99-$4.99) X (0.5)= $2.50.
• ການອັບເກຣດລະດັບຈະບໍ່ມີຜົນຕໍ່ວັນທີໃບບິນລາຍເດືອນຂອງທ່ານ.
• ເມື່ອຮອດວັນທີໃບບິນເທື່ອຕໍ່ໄປຂອງທ່ານ, ລະບົບຈະຮຽກເກັບເງິນຈາກທ່ານໃນລາຄາໃໝ່ທີ່ສູງຂຶ້ນ.
• ຫາກຜູ້ສ້າງມີປ້າຍ, ປ້າຍຂອງທ່ານຈະຍັງຄົງສະແດງການສະໜັບສະໜູນໃດໆທີ່ເຄີຍມີສ່ວນຮ່ວມ.

ເມື່ອທ່ານດາວເກຣດເປັນລະດັບການເປັນສະມາຊິກທີ່ຕ່ຳລົງ:

• ທ່ານຈະມີສິດເຂົ້າເຖິງລະດັບເກົ່າຂອງທ່ານຈົນຮອດວັນທີໃບບິນເທື່ອຕໍ່ໄປຂອງທ່ານ.
• ການດາວເກຣດລະດັບຈະບໍ່ມີຜົນຕໍ່ວັນທີໃບບິນລາຍເດືອນຂອງທ່ານ.
• ເມື່ອຮອດວັນທີໃບບິນເທື່ອຕໍ່ໄປຂອງທ່ານ, ລະບົບຈະຮຽກເກັບເງິນຈາກທ່ານໃນລາຄາໃໝ່ທີ່ຕ່ຳລົງ.
• ຫາກຜູ້ສ້າງມີປ້າຍ, ປ້າຍຂອງທ່ານຈະຍັງຄົງສະແດງການສະໜັບສະໜູນໃດໆທີ່ເຄີຍມີສ່ວນຮ່ວມ.

ສຳລັບການເປັນສະມາຊິກຊ່ອງທີ່ຍົກເລີກໄປແລ້ວ

ເມື່ອທ່ານຍົກເລີກການເປັນສະມາຊິກຊ່ອງແບບເສຍເງິນ, ລະບົບຈະບໍ່ຮຽກເກັບເງິນຈາກທ່ານອີກ ເວັ້ນແຕ່ວ່າທ່ານຈະເປີດນຳໃຊ້ການເປັນສະມາຊິກນັ້ນຄືນໃໝ່. ໂດຍທ່ານຈະໄດ້ຮັບສິດທິປະໂຫຍດສະມາຊິກຕໍ່ໄປຈົນກວ່າຈະສິ້ນສຸດໄລຍະຮອບບິນນັ້ນ.

ສຳລັບການເປັນສະມາຊິກທີ່ເປີດນຳໃຊ້ຄືນໃໝ່

ທ່ານສາມາດເປີດນຳໃຊ້ການເປັນສະມາຊິກຂອງທ່ານຄືນໃໝ່ໄດ້ທຸກເວລາ. ຫາກທ່ານເປີດນຳໃຊ້ຄືນໃໝ່ໃນລະຫວ່າງຮອບບິນດຽວກັນກັບຮອບທີ່ທ່ານໄດ້ຍົກເລີກ, ລະບົບຈະບໍ່ຮຽກເກັບເງິນຈາກທ່ານຈົນກວ່າຮອບບິນປັດຈຸບັນຈະສິ້ນສຸດລົງ.

ຄຳຖາມທີ່ຖາມເລື້ອຍໆກ່ຽວກັບການຈ່າຍເງິນ

ຂ້ອຍຈະອັບເດດຂໍ້ມູນການຈ່າຍເງິນຂອງຂ້ອຍແນວໃດ?

ທ່ານສາມາດ ປ່ຽນບັດເຄຣດິດ ທີ່ໃຊ້ສຳລັບການເປັນສະມາຊິກຊ່ອງແບບເສຍເງິນໄດ້ໃນພາກສ່ວນ ການສະໝັກໃຊ້ຂອງຂ້ອຍ ຂອງບັນຊີ Google ຂອງທ່ານ. ກະລຸນາຮັບຊາບວ່າທ່ານອາດຈະຕ້ອງ ເພີ່ມບັດໃໝ່ ໃສ່ບັນຊີ Google ຂອງທ່ານກ່ອນ.

ນອກຈາກນີ້, ທ່ານຍັງສາມາດເບິ່ງວັນທີໃບບິນເທື່ອຕໍ່ໄປຂອງທ່ານ ແລະ ຈັດການການເປັນສະມາຊິກຂອງທ່ານໄດ້ຢູ່ youtube.com/paid_memberships ນຳ.

ຂ້ອຍໄດ້ຮັບຂໍ້ຄວາມສະແດງຂໍ້ຜິດພາດເມື່ອຂ້ອຍພະຍາຍາມມອບແພັກເກດການເປັນສະມາຊິກທີ່ເປັນຂອງຂວັນ. ຂ້ອຍຈະແກ້ໄຂບັນຫານີ້ໄດ້ແນວໃດ?

ຫາກທ່ານໄດ້ຮັບຂໍ້ຄວາມສະແດງຂໍ້ຜິດພາດທີ່ລະບຸວ່າ, “ພວກເຮົາບໍ່ສາມາດຢັ້ງຢືນປະເທດຂອງທ່ານໄດ້” ສະແດງວ່າພວກເຮົາຈຳເປັນຕ້ອງຢັ້ງຢືນປະເທດຂອງທ່ານກ່ອນຈຶ່ງຈະສາມາດສະແດງຕົວເລືອກການໃຫ້ຂອງຂວັນຂອງທ່ານໄດ້. ເພື່ອແກ້ໄຂບັນຫານີ້, ໃຫ້ລອງເຊື່ອມຕໍ່ເຄືອຂ່າຍອື່ນ ຫຼື ໃຊ້ອຸປະກອນອື່ນ.

ໝາຍເຫດ: ຫາກທ່ານກຳລັງໃຊ້ VPN ຫຼື ບໍລິການພຣັອກຊີ, ກະລຸນາເບິ່ງຂໍ້ມູນກ່ຽວກັບວິທີປິດໃຊ້ບໍລິການໃນເວັບໄຊຂອງບໍລິການ.

ການຮຽກເກັບເງິນທີ່ເກີດຂຶ້ນເລື້ອຍໆໃນອິນເດຍ

ເນື່ອງຈາກ ຂໍ້ກຳນົດ eMandate ຂອງທະນາຄານກາງປະເທດອິນເດຍ, ທ່ານອາດຈະຕ້ອງຢັ້ງຢືນ ຫຼື ລະບຸລາຍລະອຽດການຈ່າຍເງິນຂອງທ່ານຄືນໃໝ່ເພື່ອຮັກສາສິດເຂົ້າເຖິງການເປັນສະມາຊິກທີ່ເກີດຂຶ້ນເລື້ອຍໆຂອງທ່ານ. ເພື່ອດຳເນີນການດັ່ງກ່າວ, ໃຫ້ປະຕິບັດຕາມຄຳແນະນຳໃນແອັບ YouTube ຫຼື ຢູ່ youtube.com. ກະລຸນາຮັບຊາບວ່າທະນາຄານຂອງທ່ານອາດບໍ່ຮອງຮັບການຈ່າຍເງິນທີ່ເກີດຂຶ້ນເລື້ອຍໆໃນຕອນນີ້. ກວດສອບລາຍຊື່ຂອງທະນາຄານທີ່ຮອງຮັບການຈ່າຍເງິນທີ່ເກີດຂຶ້ນເລື້ອຍໆ ຫຼື ສຶກສາເພີ່ມເຕີມ.

ການເປັນສະມາຊິກຊ່ອງທີ່ຢຸດຊົ່ວຄາວມີຜົນຕໍ່ການຈ່າຍເງິນຂອງຂ້ອຍແນວໃດ?

“ໂໝດຢຸດຊົ່ວຄາວ” ແມ່ນຫຍັງ?

ໃນບາງເທື່ອ, ການເປັນສະມາຊິກຊ່ອງຈະຢູ່ໃນ “ໂໝດຢຸດຊົ່ວຄາວ”. ເຊິ່ງສິ່ງນີ້ອາດເກີດຂຶ້ນໄດ້ຫາກຊ່ອງມີການປ່ຽນເຄືອຂ່າຍຫຼາຍຊ່ອງ, ກຳນົດສະຖານະຊ່ອງເປັນສ້າງມາສຳລັບເດັກນ້ອຍ ຫຼື ບໍ່ສາມາດສ້າງລາຍໄດ້. ເມື່ອ “ໂໝດຢຸດຊົ່ວຄາວ” ເກີດຂຶ້ນ, ນັ້ນໝາຍຄວາມວ່າຊ່ອງບໍ່ສາມາດເຮັດສິ່ງຕໍ່ໄປນີ້ໄດ້:

• ສ້າງລາຍໄດ້ດ້ວຍການເປັນສະມາຊິກ - ເຊິ່ງໂດຍປົກກະຕິແລ້ວສິ່ງນີ້ຈະເກີດຂຶ້ນພຽງຊົ່ວຄາວ.
• ມອບສິດທິປະໂຫຍດ ແລະ ຜົນປະໂຫຍດອື່ນໆ.

ແລ້ວຈະເກີດຫຍັງຂຶ້ນກັບການຈ່າຍເງິນຂອງຂ້ອຍ?

ຫາກທ່ານເປັນສະມາຊິກແບບເສຍເງິນທີ່ເຄື່ອນໄຫວຢູ່ຂອງຊ່ອງທີ່ຢູ່ໃນ “ໂໝດຢຸດຊົ່ວຄາວ”, ການຈ່າຍເງິນຕາມຮອບແບບລາຍເດືອນ, ຮອບບິນ ແລະ ສິດເຂົ້າເຖິງການເປັນສະມາຊິກຂອງທ່ານກໍຈະຖືກຢຸດໄວ້ຊົ່ວຄາວເຊັ່ນກັນ.

ຫາກຊ່ອງຖືກ “ຢຸດຊົ່ວຄາວ” ແລະ ມີການ “ຍົກເລີກການຢຸດຊົ່ວຄາວ” ພາຍໃນຮອບບິນຂອງທ່ານ, ການຮຽກເກັບເງິນຂອງທ່ານກໍຈະບໍ່ມີການປ່ຽນແປງ. ທ່ານພຽງແຕ່ຕ້ອງຈ່າຍຄ່າບໍລິການຕາມຮອບແບບລາຍເດືອນຕາມປົກກະຕິຂອງທ່ານ.

ຫາກທ່ານລົງທະບຽນການເປັນສະມາຊິກຊ່ອງຢູ່ iOS ຫຼື Android, ການຈ່າຍເງິນຕາມຮອບແບບລາຍເດືອນຂອງທ່ານອາດຈະຖືກຍົກເລີກຫາກຊ່ອງຢູ່ໃນໂໝດຢຸດຊົ່ວຄາວຫຼັງຈາກໄລຍະຮອບບິນຂອງທ່ານສິ້ນສຸດລົງ. ຫາກສິ່ງນີ້ເກີດຂຶ້ນ, ທ່ານຈະໄດ້ຮັບແຈ້ງວ່າການເປັນສະມາຊິກຂອງທ່ານຖືກຍົກເລີກແລ້ວ ແລະ ທ່ານສາມາດສະໝັກເປັນສະມາຊິກອີກຄັ້ງໄດ້ຫາກ ຫຼື ເມື່ອການເປັນສະມາຊິກຂອງຊ່ອງມີການຍົກເລີກການຢຸດຊົ່ວຄາວແລ້ວ.

ການເປັນສະມາຊິກໃນຊ່ອງສາມາດຢຸດຊົ່ວຄາວໄດ້ເປັນເວລາສູງສຸດ 120 ມື້; ຫຼັງຈາກນັ້ນ, ລະບົບຈະຍົກເລີກການເປັນສະມາຊິກ ແລະ ການຈ່າຍເງິນຕາມຮອບແບບລາຍເດືອນຂອງສະມາຊິກ.

ຈະເກີດຫຍັງຂຶ້ນຫາກຊ່ອງສິ້ນສຸດໂຄງການການເປັນສະມາຊິກ? 

ຫາກຊ່ອງສິ້ນສຸດການດຳເນີນການ ຫຼື ເສຍສິດເຂົ້າເຖິງຄຸນສົມບັດການເປັນສະມາຊິກ, ລະບົບຈະຍົກເລີກການຈ່າຍເງິນຕາມຮອບບິນແບບລາຍເດືອນສຳລັບການເປັນສະມາຊິກທັງໝົດ, ຮວມທັງສິດເຂົ້າເຖິງສິດທິປະໂຫຍດສະມາຊິກທັງໝົດໃນທັນທີ. ຜູ້ຊົມທີ່ເປັນສະມາຊິກໃນເວລາທີ່ຊ່ອງສິ້ນສຸດການດຳເນີນການຈະໄດ້ຮັບອີເມວແຈ້ງພ້ອມກັບຂໍ້ມູນກ່ຽວກັບວິທີຮ້ອງຂໍການຄືນເງິນ.

ຄຳຖາມທີ່ຖາມເລື້ອຍໆກ່ຽວກັບການຄືນເງິນ ແລະ ລາຍໄດ້ຂອງຜູ້ສ້າງ

ຂ້ອຍສາມາດຂໍຮັບການຄືນເງິນສຳລັບການເປັນສະມາຊິກຊ່ອງໄດ້ບໍ?

ທ່ານສາມາດຍົກເລີກການເປັນສະມາຊິກຊ່ອງແບບເສຍເງິນຂອງທ່ານໄດ້ທຸກເວລາ. ເມື່ອທ່ານຍົກເລີກແລ້ວ, ລະບົບຈະບໍ່ຮຽກເກັບເງິນຈາກທ່ານອີກ. ທ່ານສາມາດໃຊ້ປ້າຍ ແລະ ມີສິດເຂົ້າເຖິງສິດທິປະໂຫຍດຈາກຜູ້ສ້າງໄດ້ຈົນກວ່າຈະສິ້ນສຸດຮອບບິນ. ກະລຸນາຮັບຊາບວ່າທ່ານຈະບໍ່ໄດ້ຮັບການຄືນເງິນສຳລັບຊ່ວງເວລາຕັ້ງແຕ່ທີ່ທ່ານຍົກເລີກຈົນເຖິງວັນທີທີ່ສິ້ນສຸດການເປັນສະມາຊິກຊ່ອງຂອງທ່ານຢ່າງເປັນທາງການ.

ຫາກທ່ານສັງເກດເຫັນການຮຽກເກັບເງິນສຳລັບການເປັນສະມາຊິກຊ່ອງໂດຍບໍ່ໄດ້ຮັບອະນຸຍາດໃນບັນຊີຂອງທ່ານ, ກະລຸນາ ລາຍງານການຮຽກເກັບເງິນທີ່ບໍ່ໄດ້ຮັບອະນຸຍາດ.

ຫາກສິດທິປະໂຫຍດຈາກຜູ້ສ້າງ ຫຼື ຄຸນສົມບັດອື່ນໆຂອງການເປັນສະມາຊິກຊ່ອງແບບເສຍເງິນມີຂໍ້ບົກພ່ອງ, ນຳໃຊ້ບໍ່ໄດ້ ຫຼື ບໍ່ເຮັດວຽກຕາມທີ່ລະບຸໄວ້, ທ່ານສາມາດ ຕິດຕໍ່ທີມງານຊ່ວຍເຫຼືອຂອງພວກເຮົາ ເພື່ອຮ້ອງຂໍການຄືນເງິນໄດ້ທຸກເວລາ. ພວກເຮົາຈະບໍ່ຄືນເງິນ ຫຼື ເຄຣດິດໃນສ່ວນຂອງໄລຍະຮອບບິນທີ່ຜ່ານໄປແລ້ວ.

ຫາກທ່ານເປັນສະມາຊິກທີ່ລົງທະບຽນຜ່ານ Apple, ທ່ານຈະຕ້ອງ ຕິດຕໍ່ທີມຊ່ວຍເຫຼືອຂອງ Apple ເພື່ອຮ້ອງຂໍການຄືນເງິນສໍາລັບການເປັນສະມາຊິກຊ່ອງແບບເສຍເງິນຂອງທ່ານ. ເຊິ່ງຈະເປັນໄປຕາມນະໂຍບາຍການຄືນເງິນຂອງ Apple.

ຜູ້ສ້າງຈະໄດ້ຮັບລາຍໄດ້ຈາກການເປັນສະມາຊິກຊ່ອງຫຼາຍໜ້ອຍປານໃດ?

ຜູ້ສ້າງຈະໄດ້ຮັບ 70% ຂອງລາຍໄດ້ຈາກການເປັນສະມາຊິກຊ່ອງທີ່ຮັບຮູ້ໂດຍ Google ຫຼັງຈາກຫັກອາກອນການຂາຍໃນປະເທດ ແລະ ຄ່າບໍລິການອື່ນໆແລ້ວ (ໂດຍຂຶ້ນຢູ່ກັບປະເທດ/ພາກພື້ນ ແລະ ແພລດຟອມຂອງຜູ້ໃຊ້). ປັດຈຸບັນ YouTube ເປັນຜູ້ຮັບຜິດຊອບຄ່າບໍລິການຂັ້ນຕອນການຈ່າຍເງິນທັງໝົດ (ຮວມທັງຄ່າບໍລິການບັດເຄຣດິດ).