Hinihikayat namin ang makabago at responsableng paggamit ng mga creator ng mga tool sa pag-edit o pagbuo ng content. Sa parehong pagkakataon, kinikilala naming gusto ng mga manonood na malaman kung totoo ang pinapanood o pinapakinggan nila.
Para tulungang bigyan ng kaalaman ang mga manonood tungkol sa content na pinapanood nila, nire-require namin ang mga creator na ihayag ang content na may malaking bahaging binago o synthetic na binuo na mukhang makatotohanan.
Dapat ihayag ng mga creator ang content na:
- Pinalalabas na sinabi o ginawa ng isang tunay na tao ang isang bagay na hindi naman talaga niya sinabi o ginawa
- Binabago ang footage ng isang tunay na event o lugar
- Bumubuo ng mukhang makatotohanang eksena na hindi naman talaga nangyari
Posibleng kasama rito ang content na buo o bahagyang binago o ginawa gamit ang mga tool sa paggawa o pag-edit ng audio, video, o larawan.
Ihayag ang paggamit ng setting ng 'binagong content' sa YouTube Studio
Para ihayag ang content na may malaking bahaging binago o synthetic na binuo, available ang setting ng 'binagong content' sa mga creator na gumagamit ng YouTube Studio sa computer. Palalawakin namin ang setting na ito sa iba pang device at YouTube app sa hinaharap.
Pagkatapos piliin ng creator ang field na ito at pagkatapos niyang mag-upload ng content, may label na lalabas sa na-expand na paglalarawan ng video niya. Lalabas ang label na ito para sa mga manonood na gumagamit ng YouTube app sa telepono o tablet sa ngayon, pero makikita ito sa iba pang device sa hinaharap.
Hindi kailangang magsagawa ng mga karagdagang hakbang sa paghahayag ng mga creator na gumagawa ng YouTube Short gamit ang Dream Track o Dream Screen, na mga tool sa generative artificial intelligence (AI) ng YouTube. Awtomatikong ihahayag ng tool ang paggamit ng AI para sa mga creator. Para sa iba pang AI tool, kailangang ihayag ng mga creator ang paggamit nila sa proseso ng pag-upload.
Mga halimbawa ng binagong content o synthetic content
Kasama sa sumusunod na listahan ang mga halimbawa ng binago o synthetic content. Puwedeng kasama sa binago o synthetic content ang content na buo o bahagyang binago o ginawa gamit ang anumang tool sa paggawa o pag-edit ng audio, video, o larawan. Nagre-require ng paghahayag ang mga makatotohanang content at malaking pagbabago, habang hindi nagre-require nito ang mga hindi makatotohanan o maliit na pag-edit. Tandaang hindi ito kumpletong listahan.
Hindi nagre-require ng paghahayag ng mga creator | Nagre-require ng paghahayag ng mga creator |
|
|
|
|
|
|
|
|
Mga halimbawa ng content na hindi kailangang ihayag ng mga creator
- Hindi makatotohanan
- Isang taong nakasakay sa unicorn sa mundo ng pantasya
- Gumamit ng green screen para ipakita ang isang taong lumulutang sa kalawakan
- Maliit
- Pag-adjust sa kulay o mga filter ng liwanag
- Mga filter ng mga espesyal na effect, tulad ng pagdaragdag ng pag-blur sa background o mga vintage na effect
- Tulong sa paggawa, tulad ng paggamit ng mga generative AI tool para gumawa ng o pahusayin ang outline, script, thumbnail, pamagat, o infographic ng video
- Paggawa ng caption
- Pag-sharpen, pag-upscale, o pag-aayos ng video, at pag-aayos ng boses o audio
- Pagbuo ng ideya
Tandaang hindi kumpleto ang listahan sa itaas.
- Synthetic na pagbuo ng musika (kasama ang musikang nabuo gamit ang Creator Music)
- Pag-clone ng boses ng ibang tao para gamitin ito para sa voiceover
- Synthetic na pagbuo ng karagdagang footage ng tunay na lugar, tulad ng video ng surfer sa Maui para sa pampromosyong video ng paglalakbay
- Synthetic na pagbuo ng makatotohanang video ng laban sa pagitan ng dalawang tunay na propesyonal na tennis player
- Pagpapalabas na may ibinigay na payo ang isang tao na hindi niya talaga ibinigay
- Digital na pagbabago ng audio para gumawa ng tunog na parang pumiyok ang sikat na mang-aawit sa kanyang live na pagkanta
- Pagpapakita ng makatotohanang paglalarawan ng bagyo o iba pang event sa lagay ng panahon na paparating sa tunay na lungsod na hindi talaga nangyari
- Pagpapalabas na hindi tumanggap ng mga may sakit o sugatang pasyente ang mga manggagawa sa ospital
- Pagpapakita ng pampublikong personalidad na may ninanakaw na hindi niya ninakaw o umaaming may ninanakaw pero hindi niya talaga ginawa ang pag-aming iyon
- Pagpapalabas na inaresto o ikinulong ang isang totoong tao
Tandaang hindi kumpleto ang listahan sa itaas.
Ihayag ang binago o synthetic content
Nire-require namin ang mga creator na ihayag ang content na may malaking bahaging binago o synthetic na binuo na mukhang makatotohanan. Puwedeng gawin ng mga creator ang paghahayag na ito sa proseso ng pag-upload.
YouTube Studio sa computer
- Pumunta sa YouTube Studio.
- Sundin ang mga hakbang para mag-upload ng content.
- Sa seksyon ng mga Detalye, sa ilalim ng "Binagong content," piliin ang Oo para sagutin ang mga tanong sa paghahayag.
- Magpatuloy para pumili ng iba pang detalye ng video.
Kung gagawa ang creator ng YouTube Short na gumagamit ng isa sa mga generative artificial intelligence (AI) na effect ng YouTube (gaya ng Dream Track o Dream Screen ng YouTube), kasalukuyang walang karagdagang hakbang na kakailanganin para maghayag. Awtomatikong ihahayag ng tool ang paggamit ng AI para sa mga creator.
Para tulungan ang mga creator, posibleng proactive naming piliin ang paghahayag sa ngalan nila kung ihahayag nila ang paggamit ng binago o synethic content sa pamagat o paglalarawan ng kanilang video.
Ano ang mangyayari pagkatapos maghayag ng mga creator
Kung pipiliin ng mga creator ang "Oo" para isaad na binago o synthetic ang kanilang content, magdaragdag kami ng label sa field ng paglalarawan ng kanilang video. Ipapakita ang mga label na ito para sa mga nanonood ng mga video sa YouTube sa mobile device o tablet sa ngayon.
Label sa field ng na-expand na paglalarawan
Pagdaragdag ng label para sa sensitibong content
Napakahalaga ng mataas na kalidad at napapanahong impormasyon tungkol sa halalan, mga kasalukuyang salungatan, mga sakuna, pananalapi, o kalusugan. Puwedeng lubos na makaapekto ang ganitong uri ng impormasyon sa kapakanan, seguridad sa pananalapi, o kaligtasan ng mga tao at komunidad. Para sa content tungkol sa mga sensitibong paksa tulad ng mga ito, posibleng may lumabas na mas madaling makitang label sa video player para sa karagdagang transparency.
Iba pang epekto ng paghahayag
Kapag inihayag ang content bilang binago o synthetic, hindi malilimitahan ang audience ng isang video o hindi nito maaapektuhan ang pagiging kwalipikado nito na kumita ng pera.
Mga panganib ng hindi paghahayag
Puwede itong makapanlinlang kung iisipin ng mga manonood na totoo ang isang video, pero malaking bahagi talaga nito ang binago o synthetic na binuo para magmukhang makatotohanan.
Kapag hindi inihayag ang content, sa ilang pagkakataon, posibleng umaksyon ang YouTube para mabawasan ang panganib ng pinsala sa mga manonood sa pamamagitan ng proactive na paglalapat ng label na walang opsyon ang mga creator na alisin. Bukod rito, posibleng maparusahan ng YouTube ang mga creator na patuloy na pipiliing hindi ihayag ang impormasyong ito, kasama ang pag-aalis ng content o pagsuspinde mula sa Partner Program ng YouTube.
Tandaan, inilalapat namin ang aming Mga Alituntunin ng Komunidad sa lahat ng content sa YouTube, binago man ito o synthetic.