ຫຼັງຈາກທີ່ທ່ານແກ້ໄຂວິດີໂອຂອງທ່ານແລ້ວ, ໃຫ້ປັບປຸງວິດີໂອຂອງທ່ານໃຫ້ດີຂຶ້ນໂດຍການເພີ່ມຄຳບັນຍາຍ. ຊ່ວຍໃຫ້ຜູ້ຊົມສາມາດເຂົ້າເຖິງວິດີໂອຂອງທ່ານໄດ້ດ້ວຍເຄື່ອງມືຄຳບັນຍາຍ. ສຶກສາວິທີຖອດຂໍ້ຄວາມຈາກສຽງ ຫຼື ແກ້ໄຂຄຳບັນຍາຍສຳລັບວິດີໂອຂອງທ່ານໂດຍອັດຕະໂນມັດ.
ໝາຍເຫດ: YouTube Create ບໍ່ສາມາດສ້າງຄຳບັນຍາຍສຳລັບຄລິບທີ່ຍາວເກີນ 60 ວິນາທີໄດ້.
YouTube Create ສາມາດໃຊ້ໄດ້ຢູ່ໂທລະສັບ Android ທີ່ມີ RAM ຢ່າງໜ້ອຍ 4GB. ແນວໃດກໍຕາມ, ແອັບນີ້ອາດພ້ອມໃຫ້ນຳໃຊ້ຢູ່ອຸປະກອນອື່ນໆໃນອະນາຄົດ.
ເພີ່ມຄຳບັນຍາຍໃສ່ວິດີໂອຂອງທ່ານ
YouTube Create ສາມາດສ້າງຄຳບັນຍາຍໄດ້ດ້ວຍພຽງການແຕະປຸ່ມ. ເພື່ອເພີ່ມຄຳບັນຍາຍໃສ່ວິດີໂອ,
- ເປີດໂປຣເຈັກ ແລ້ວແຕະ ຄຳບັນຍາຍ
ພາຍໃນແຖບເຄື່ອງມື.
- ຈາກແຖບເຄື່ອງມື, ໃຫ້ເລືອກສິ່ງທີ່ທ່ານຕ້ອງການຖອດຂໍ້ຄວາມຈາກສຽງດັ່ງຕໍ່ໄປນີ້:
- ວິດີໂອທັງໝົດ ເພີ່ມຄຳບັນຍາຍສຳລັບຄຳເວົ້າໃດກໍຕາມທີ່ກວດພົບໃນການບັນທຶກວິດີໂອຕົ້ນສະບັບ
- ສຽງພາກ ເພີ່ມຄຳບັນຍາຍໃຫ້ກັບສຽງພາກທີ່ບັນທຶກໄວ້ໃນແອັບເທົ່ານັ້ນ
- ຈາກເມນູ “ພາສາ”, ໃຫ້ເລືອກພາສາທີ່ໃຊ້ໃນສຽງພາກຂອງທ່ານ.
- ແຕະ ສ້າງ.
ແກ້ໄຂຄຳບັນຍາຍ
ຫາກການຖອດຂໍ້ຄວາມຈາກສຽງຄຳບັນຍາຍບໍ່ຖືກຕ້ອງ, ໃຫ້ໃຊ້ເຄື່ອງມືແກ້ໄຂເພື່ອອັບເດດຄຳບັນຍາຍທີ່ສະແດງຕໍ່ຜູ້ຊົມຂອງທ່ານ. ຈາກໂປຣເຈັກທີ່ເປີດຢູ່ໃນເຄື່ອງມືແກ້ໄຂ,
- ເລືອກຊັ້ນຂໍ້ມູນຄຳບັນຍາຍທີ່ສ້າງຂຶ້ນສຳລັບວິດີໂອຂອງທ່ານ.
- ແຕະ ແກ້ໄຂ
.
- ຈາກພາກສ່ວນຖອດຂໍ້ຄວາມຈາກສຽງ, ໃຫ້ແຕະຄຳທີ່ບໍ່ຖືກຕ້ອງ.
- ພິມເພື່ອອັບເດດຂໍ້ຄວາມ.
.ຈັດຮູບແບບຄຳບັນຍາຍ
ທ່ານສາມາດເຮັດໃຫ້ຄຳບັນຍາຍຂອງທ່ານກົງກັບຮູບແບບສີສັນຂອງວິດີໂອຂອງທ່ານໄດ້ໂດຍການຈັດຮູບແບບຂໍ້ຄວາມຄຳບັນຍາຍ. ຈາກໂປຣເຈັກທີ່ເປີດຢູ່ໃນເຄື່ອງມືແກ້ໄຂ,
- ເລືອກຊັ້ນຂໍ້ມູນຄຳບັນຍາຍໃນວິດີໂອຂອງທ່ານ.
- ແຕະ ຮູບແບບ
.
- ເລືອກເບິ່ງແຖບເພື່ອປ່ຽນຂະໜາດ, ຟອນ, ສີ, ພື້ນຫຼັງ, ຮູບແບບ, ເສັ້ນຂອບ ຫຼື ເງົາ.
- ແຕະ ແລ້ວໆ ເພື່ອບັນທຶກການປ່ຽນແປງ.