Pagkatapos mong i-edit ang iyong video, pagandahin ang iyong mga video sa pamamagitan ng pagdaragdag ng mga caption. Gawing accessible ang iyong mga video para sa mga manonood gamit ang tool para sa mga caption. Alamin kung paano awtomatikong mag-transcribe o mag-edit ng mga caption para sa iyong video.
Magdagdag ng mga caption sa iyong mga video
Ang YouTube Create ay bumubuo ng mga caption sa pag-tap lang ng isang button. Para magdagdag ng mga caption sa isang video,
- Magbukas ng proyekto at i-tap ang Mga Caption sa toolbar.
- Mula sa Toolbar, piliin ang gusto mong i-transcribe:
- Ang lahat ng video ay nagdaragdag ng mga caption para sa anumang speech na na-detect sa orihinal na video recording
- Ang voiceover ay nagdaragdag lang ng mga caption sa mga voiceover na na-record sa app
- Mula sa menu ng “Wika,” piliin ang wikang ginamit sa iyong voiceover.
- I-tap ang Bumuo.
Mag-edit ng mga caption
Kung mali ang mga transcription ng caption, gamitin ang tool sa pag-edit para i-update ang mga caption na ipinapakita sa iyong mga manonood. Mula sa isang bukas na proyekto sa tool sa pag-edit,
- Piliin ang layer ng caption na nabuo para sa iyong video.
- I-tap ang I-edit .
- Mula sa transcript, mag-tap sa hindi wastong salita.
- Mag-type para i-update ang text.
Mag-format ng mga caption
Puwede mong gawing tugma ang iyong mga caption sa tema ng video mo sa pamamagitan ng pag-format ng text ng caption. Mula sa isang bukas na proyekto sa tool sa pag-edit,
- Piliin ang layer ng caption sa iyong video.
- I-tap ang Istilo .
- Mag-browse sa mga tab para baguhin ang laki, font, kulay, background, format, outline, o shadow.
- I-tap ang Tapos na para i-save ang mga pagbabago.