Kuwasilisha podikasti kwa kutumia mipasho ya RSS

Ikiwa wewe ni mtayarishi wa podikasti zinazoegemea sauti unayesambaza podikasti yako kwa kutumia mipasho ya RSS, unaweza kupakia mipasho yako ya RSS kwenye YouTube. Pata maelezo zaidi kuhusu jinsi kuwasilisha mipasho ya RSS hufanyika hapa chini. Kisha, upate maelezo kuhusu jinsi ya kuchapisha mipasho yako ya RSS kwenye YouTube.

Kumbuka: Kipengele cha Uingizaji wa data ya RSS kinapatikana katika nchi au maeneo mahususi.

Jinsi ya Kupakia Podikasti za Sauti kwenye YouTube ukitumia Mipasho ya RSS

Kupata maelezo kuhusu jinsi ya kupakia podikasti kwenye YouTube ukitumia mipasho ya RSS

Unapowasilisha mipasho yako ya RSS kwenye YouTube, YouTube itatayarisha video kwa kila kipindi cha podikasti unachochagua kupakia. YouTube itatumia sanaa ya kipindi cha podikasti yako ili kutayarisha video ya picha tuli na kuipakia kwenye chaneli kwa niaba yako. Kipindi kipya kitakapowekwa kwenye mipasho yako ya RSS, kitapakiwa kiotomatiki kwenye chaneli yako na tutawaarifu wafuatiliaji wako wanaotimiza masharti.

YouTube:

• Haitasambaza podikasti yako kwenye mifumo mingine. Podikasti yako itapatikana kwenye YouTube na YouTube Music pekee.
• Haitawaarifu wafuatiliaji vipindi vya awali vitakapowekwa kwenye chaneli yako kupitia mipasho ya RSS.
• Haitasasisha kiotomatiki maelezo ya kipindi yaliyowekwa kwenye mipasho yako ya RSS. Pata maelezo kuhusu jinsi ya kubadilisha maelezo ya podikasti.
• Haitasasisha kiotomatiki faili za sauti zilizopakiwa upya kwenye mipasho yako ya RSS. Pata maelezo kuhusu jinsi ya kupakia vipindi upya.
• Haitaruhusu herufi zisizo sahihi kwenye mada au maelezo ya podikasti na vipindi, kama vile “>”,“<" au HTML yoyote.

Mbinu bora

Ili utii Sheria na Masharti ya YouTube, maudhui ya podikasti unayopakia kwenye YouTube hayapaswi kuwa na matangazo. Ikiwa podikasti yako inajumuisha matangazo yanayolipiwa (kama vile matangazo yanayosomwa na mtangazaji), udhamini au maudhui yaliyoidhinishwa, unapaswa kutufahamisha na kutii sera zote zinazotumika.

Ili ubainishe matangazo yanayolipiwa, unaweza:

• Kuchagua kisanduku cha matangazo yanayolipiwa kwenye ukurasa wa maelezo ya podikasti yako au
• Kusasisha mipangilio ya video kwenye ukurasa wa maelezo ya video.

Unapowasilisha kwa mara ya kwanza mipasho yako ya RSS kwenye YouTube, vipindi utakavyochagua vitapakiwa kama video za faragha. Wakati wa kuweka mipangilio, tunapendekeza usubiri hadi vipindi vyote vipakiwe kabla ya kuchapisha podikasti yako hadharani kama tahadhari endapo kutakuwa na matatizo yoyote.

Baada ya vipindi vyako kupakiwa, vinjari kichupo cha video yako ili kuangalia ikiwa kuna matatizo ya uchumaji wa mapato au ukiukaji wa hakimiliki. Hatua hii husaidia kuzuia madai au maonyo kwenye maudhui yako.

Maswali Yanayoulizwa Sana

Je, ninaweza kuwasilisha mipasho ya RSS ikiwa tayari nina podikasti kwenye YouTube?

Ndiyo. Ili uanze kuwasilisha vipindi kupitia mipasho ya RSS,

1. Fungua Studio ya YouTube kisha uchague Maudhui Podikasti.
2. Wekelea kiashiria kwenye podikasti ambayo ungependa kuibadilisha kisha ubofye Maelezo .
3. Kwenye ukurasa wa maelezo ya Podikasti chini ya “Mipangilio ya RSS,” bofya Unganisha kwenye mipasho ya RSS.

Ili uepuke kupakia vipindi vinavyojirudia, tunapendekeza upakie vipindi baada ya kipindi cha hivi karibuni zaidi kilichopo tayari kwenye YouTube. Unaweza kuweka tarehe hii unapowasilisha mipasho yako ya RSS katika Studio.

Ili upate maelezo kuhusu jinsi ya kuunganisha mipasho yako ya RSS na chaneli yako, tembelea makala yetu ya Kituo cha Usaidizi.

Nikipakia faili mpya ya sauti ya kipindi katika mipasho yangu ya RSS, je, itasasishwa kiotomatiki kwenye YouTube?

Hapana. Sauti ya video ya RSS iliyoingizwa ni kama video yoyote kwenye YouTube na haiwezi kusasishwa baada ya kuchapishwa. Ikiwa unahitaji kupakia toleo jipya la kipindi,

1. Fungua Studio ya YouTube kisha uchague Maudhui Podikasti.
2. Wekelea kiashiria kwenye podikasti ambayo ungependa kubadilisha kisha uchague Video .
3. Wekelea kiashiria kwenye video ambayo ungependa kuingiza upya na ubofye kwenye menyu .
4. Chagua Pakia upya kwenye mipasho ya RSS.

Hatua hii itatayarisha video mpya ya kipindi chako. Video ya zamani itawekwa kuwa ya faragha ili uendelee kuona data kama vile mara ambazo video imetazamwa na maoni.

Je, ninathibitishaje umiliki wa mipasho yangu ya RSS?

Ili uthibitishe umiliki, angalia anwani ya barua pepe iliyo kwenye mipasho yako ya RSS. Weka namba ya kuthibitisha kwenye barua pepe kisha ubofye Thibitisha.

Ikiwa hufahamu anwani ya barua pepe iliyo kwenye mipasho yako ya RSS, wasiliana na mtoa huduma za upangishaji.

Je, ninawezaje kubadilisha uonekanaji chaguomsingi wa vipindi kwenye mipasho yangu?

Baada ya kuchapisha podikasti yako kwenye YouTube, vipindi vyote hupatikana kwa umma. Unaweza kubadilisha mipangilio hii kwenye ukurasa wa maelezo ya Podikasti.

1. Kwenye Studio ya YouTube, nenda kwenye Maudhui Podikasti.
2. Wekelea kiashiria kwenye podikasti ambayo ungependa kuibadilisha kisha ubofye Maelezo .
3. Chini ya “Uonekanaji chaguomsingi wa video ya RSS”, teua kwenye chaguo za uonekanaji: Faragha, Haijaorodheshwa au Umma.
4. Bofya Hifadhi.

Baada ya kusasisha mipangilio ya uonekanaji wa podikasti yako, chaguo unaloteua litatumiwa kwenye upakiaji wote mpya wa podikasti hiyo.

Je, video zilizo kwenye mipasho yangu ya RSS hupangwa vipi kwenye YouTube?

Kwenye ukurasa wa orodha ya kucheza, video zilizopakiwa kutoka kwenye RSS hupangwa kulingana na tarehe ya kuchapishwa kwenye mipasho ya RSS. Iwapo hakuna tarehe ya kutolewa, tutapanga vipindi kulingana na tarehe ya kuchapishwa kwenye YouTube. Tarehe ya kuchapishwa haithibitishwi na YouTube.

Je, ni tarehe ya kipindi kipi mtazamaji huona kwenye YouTube?

YouTube itaonyesha tarehe ya kuchapishwa kwa kipindi (kutoka katika mipasho yako ya RSS) kwenye baadhi ya mifumo na tarehe ya kuchapishwa kwenye YouTube katika mifumo mingine. Tarehe ya kuchapishwa haithibitishwi na YouTube. Ikiwa hakuna tarehe ya kuchapishwa inayopatikana, tutaonyesha vipindi kulingana na tarehe ya kuchapishwa. Kubadilisha tarehe ya kuchapishwa katika Studio ya YouTube hakubadilishi tarehe kwenye mipasho yako ya RSS.

Kwa nini vipindi vya zamani kutoka kwenye mpasho wangu wa RSS viko juu ya kichupo cha Video zangu?

Kichupo cha Video katika kituo chako hupangwa kulingana na tarehe ya kupakiwa kwa video kwenye YouTube. Katika siku zijazo, kichupo cha Video kitazingatia tarehe ya kuchapishwa kwa RSS wakati wa kupanga video katika mpangilio.

Je, ninaweza kupakia vipindi zaidi baada ya kuunganisha mipasho yangu ya RSS katika podikasti kwenye YouTube?

Ndiyo. Unaweza kupakia vipindi zaidi kwenye mipasho yako ya RSS katika ukurasa wa maelezo ya Podikasti.

1. Kwenye Studio ya YouTube, nenda kwenye Maudhui Podikasti.
2. Wekelea kiashiria kwenye podikasti ambayo ungependa kuibadilisha kisha ubofye Maelezo .
3. Katika sehemu ya chini ya ukurasa wa maelezo ya Podikasti, bofya Onyesha zaidi.
4. Chini ya “Vipindi vya kupakia,” chagua vipindi ambavyo ungependa kupakia.
5. Kagua maelezo ya uonekanaji na ubofye Hifadhi.

Vipindi vyote vitapakiwa vikiwa na uonekanaji chaguomsingi wa video. Unaweza kubadilisha uonekanaji wa video wa podikasti zilizopakiwa kwenye mipasho yako ya RSS katika ukurasa wa maelezo ya Podikasti.

Nini kitafanyika nikifuta kipindi kwenye podikasti yangu katika YouTube?

Video itapakiwa upya kwenye YouTube isipokuwa uondoe kipindi hicho kwenye mipasho yako ya RSS. Iwapo unataka kuficha video hii kwenye podikasti yako, badilisha mipangilio ya uonekanaji wa video iwe 'ya faragha'. Kufuta video kwenye podikasti yako katika YouTube kutafuta tu kipindi kwenye mipasho RSS na kamwe hatutabadilisha mipasho yako ya RSS.