Kuanzisha au kudhibiti mradi kwa kutumia YouTube Create

Ni rahisi kutayarisha video ndefu na Video Fupi kwa kutumia YouTube Create. Pakua programu na upate maelezo kuhusu jinsi ya kuanzisha mradi mpya.

NEW: YouTube Create App

YouTube Create inapatikana kwenye simu za Android (zilizo na angalau RAM ya GB 4) na iPhone XR pamoja na miundo mipya zaidi inayotumia iOS 17 au matoleo mapya zaidi katika nchi zote zilizoorodheshwa hapa. Programu hii inaweza kupatikana katika nchi au maeneo zaidi siku zijazo.

Kuanzisha mradi mpya

1. Fungua programu ya YouTube Create kisha uingie katika akaunti yako ya YouTube.
2. Kwenye skrini ya kwanza, gusa Ongeza ili uanzishe mradi mpya.
3. Kwenye matunzio, chagua picha, video au maudhui uliyopakia hapo awali ili uweke kwenye mradi wako.
   • Kumbuka: Gusa Kishale cha kilicho karibu na Matunzio katika sehemu ya juu ya skrini ili upakie maudhui kutoka kwenye programu nyingine katika kifaa chako. Unaweza kuweka picha au video nyingi kwenye mradi mmoja.
4. Gusa Pakia ili uweke picha na video kwenye mradi wako.

Ukishaanzisha mradi wako, tumia zana za kuhariri ili uboreshe video yako.

Kutafuta, kudhibiti au kufuta mradi uliopo

1. Fungua programu ya YouTube Create kisha uingie katika akaunti yako.
2. Katika ukurasa wako wa Miradi ya Hivi Karibuni, gusa Menyu  iliyo karibu na mradi ambao ungependa kudhibiti. Iwapo huoni mradi kwenye orodha, ingia kwa kutumia akaunti nyingine.
3. Chagua kitendo kwenye chaguo:
   • Badilisha jina: Upe mradi wako jina jipya
   • Toa nakala: Toa nakala ya mradi wako
   • Futa: Futa mradi
4. Thibitisha mabadiliko ukiombwa.

Unaweza pia kugusa Ongeza kwenye orodha yako ya miradi ili uanzishe mradi mpya.