YouTube Create ಮೂಲಕ ದೀರ್ಘಾವಧಿಯ ವೀಡಿಯೊಗಳು ಮತ್ತು Shorts ರಚಿಸುವುದು ಸುಲಭ. ಆ್ಯಪ್ ಅನ್ನು ಡೌನ್ಲೋಡ್ ಮಾಡಿ ಹಾಗೂ ಹೊಸ ಪ್ರಾಜೆಕ್ಟ್ ಅನ್ನು ರಚಿಸುವುದು ಹೇಗೆಂದು ತಿಳಿಯಿರಿ.
YouTube Create ಕನಿಷ್ಠ 4G RAM ಹೊಂದಿರುವ Android ಫೋನ್ಗಳಲ್ಲಿ ಲಭ್ಯವಿದೆ. ಭವಿಷ್ಯದಲ್ಲಿ ಈ ಆ್ಯಪ್ ಇತರ ಸಾಧನಗಳಲ್ಲಿ ಲಭ್ಯವಾಗಬಹುದು.
ಹೊಸ ಪ್ರಾಜೆಕ್ಟ್ ಅನ್ನು ರಚಿಸುವುದು
- YouTube Create ಆ್ಯಪ್ ಅನ್ನು ತೆರೆಯಿರಿ ಮತ್ತು ನಿಮ್ಮ YouTube ಖಾತೆಗೆ ಸೈನ್ ಇನ್ ಮಾಡಿ.
- ಹೋಮ್ ಸ್ಕ್ರೀನ್ನಲ್ಲಿ, ಹೊಸ ಪ್ರಾಜೆಕ್ಟ್ ಅನ್ನು ಪ್ರಾರಂಭಿಸಲು ಪ್ಲಸ್ ಎಂಬುದನ್ನು ಟ್ಯಾಪ್ ಮಾಡಿ.
- ಗ್ಯಾಲರಿಯಿಂದ, ನಿಮ್ಮ ಪ್ರಾಜೆಕ್ಟ್ಗೆ ಸೇರಿಸಲು ಫೋಟೋಗಳು, ವೀಡಿಯೊಗಳು ಅಥವಾ ಈ ಹಿಂದೆ ಇಂಪೋರ್ಟ್ ಮಾಡಿಕೊಂಡ ಮಾಧ್ಯಮವನ್ನು ಆಯ್ಕೆಮಾಡಿ.
- ಗಮನಿಸಿ: ನಿಮ್ಮ ಸಾಧನದಲ್ಲಿರುವ ಇತರ ಆ್ಯಪ್ಗಳಿಂದ ಮಾಧ್ಯಮವನ್ನು ಇಂಪೋರ್ಟ್ ಮಾಡಿಕೊಳ್ಳಲು, ಸ್ಕ್ರೀನ್ನ ಮೇಲ್ಭಾಗದಲ್ಲಿ ಗ್ಯಾಲರಿಯ ಪಕ್ಕದಲ್ಲಿರುವ ಬಾಣದ ಗುರುತನ್ನು ಟ್ಯಾಪ್ ಮಾಡಿ. ನೀವು ಒಂದೇ ಪ್ರಾಜೆಕ್ಟ್ಗೆ ಹಲವು ಚಿತ್ರಗಳು ಅಥವಾ ವೀಡಿಯೊಗಳನ್ನು ಸೇರಿಸಬಹುದು.
- ನಿಮ್ಮ ಪ್ರಾಜೆಕ್ಟ್ಗೆ ಫೋಟೋಗಳು ಮತ್ತು ವೀಡಿಯೊಗಳನ್ನು ಸೇರಿಸಲು ಇಂಪೋರ್ಟ್ ಮಾಡಿಕೊಳ್ಳಿ ಎಂಬುದನ್ನು ಟ್ಯಾಪ್ ಮಾಡಿ.
ನೀವು ನಿಮ್ಮ ಪ್ರಾಜೆಕ್ಟ್ ಅನ್ನು ರಚಿಸಿದ ನಂತರ, ನಿಮ್ಮ ವೀಡಿಯೊವನ್ನು ವರ್ಧಿಸಲು ಎಡಿಟಿಂಗ್ ಟೂಲ್ಗಳನ್ನು ಬಳಸಿ.
ಅಸ್ತಿತ್ವದಲ್ಲಿರುವ ಪ್ರಾಜೆಕ್ಟ್ ಅನ್ನು ಹುಡುಕುವುದು, ನಿರ್ವಹಿಸುವುದು ಅಥವಾ ಅಳಿಸುವುದು
- YouTube Create ಆ್ಯಪ್ ಅನ್ನು ತೆರೆಯಿರಿ ಮತ್ತು ನಿಮ್ಮ ಖಾತೆಗೆ ಸೈನ್ ಇನ್ ಮಾಡಿ.
- ನಿಮ್ಮ ಇತ್ತೀಚಿನ ಪ್ರಾಜೆಕ್ಟ್ಗಳು ಎಂಬ ಪುಟದಲ್ಲಿ, ನೀವು ನಿರ್ವಹಿಸಲು ಬಯಸುವ ಪ್ರಾಜೆಕ್ಟ್ನ ಪಕ್ಕದಲ್ಲಿರುವ ಮೆನುವನ್ನು ಟ್ಯಾಪ್ ಮಾಡಿ. ಪಟ್ಟಿಯಲ್ಲಿ ನಿಮಗೆ ಪ್ರಾಜೆಕ್ಟ್ ಕಾಣಿಸದಿದ್ದರೆ, ಬೇರೆ ಖಾತೆಯ ಮೂಲಕ ಸೈನ್ ಇನ್ ಮಾಡಿ.
- ಆಯ್ಕೆಗಳಿಂದ ಒಂದು ಕ್ರಿಯೆಯನ್ನು ಆಯ್ಕೆಮಾಡಿ:
- ಮರುಹೆಸರಿಸಿ: ನಿಮ್ಮ ಪ್ರಾಜೆಕ್ಟ್ಗೆ ಹೊಸ ಶೀರ್ಷಿಕೆಯನ್ನು ನೀಡಿ
- ನಕಲು ಮಾಡಿ: ನಿಮ್ಮ ಪ್ರಾಜೆಕ್ಟ್ನ ಒಂದು ಪ್ರತಿಯನ್ನು ರಚಿಸಿ
- ಅಳಿಸಿ: ಪ್ರಾಜೆಕ್ಟ್ ಅನ್ನು ಅಳಿಸಿ
- ಪ್ರಾಂಪ್ಟ್ ಮಾಡಿದಾಗ ಬದಲಾವಣೆಗಳನ್ನು ದೃಢೀಕರಿಸಿ.
ಹೊಸ ಪ್ರಾಜೆಕ್ಟ್ ಅನ್ನು ರಚಿಸಲು, ನಿಮ್ಮ ಪ್ರಾಜೆಕ್ಟ್ ಪಟ್ಟಿಯಿಂದ ನೀವು ಪ್ಲಸ್ ಎಂಬುದನ್ನು ಸಹ ಟ್ಯಾಪ್ ಮಾಡಬಹುದು.