Bæta við og breyta hljóði

Þegar þú hefur búið til verkefni skaltu bæta vídeóin þín með breytingarverkfærum YouTube Create. Bættu hljóði við vídeóin með tónlist úr hljóðsafni YouTube eða bættu við talsetningu og hljóðbrellum.

YouTube Create er í boði í Android-símum sem hafa að minnsta kosti 4 GB vinnsluminni. Þetta forrit verður hugsanlega í boði í öðrum tækjum í framtíðinni.

Bæta við tónlist og hljóðbrellum

Með YouTube Create geturðu bætt gjaldfrjálsri tónlist við vídeóin þín til að bæta þau.

Til að bæta tónlist við verkefni:

1. Ýttu á Hljóð  á tækjastikunni.
2. Notaðu flipana efst á síðunni sem síu fyrir tónlist úr hljóðsafninu, hljóðbrellur eða tónlist sem vistuð er á tækinu þínu. 
3. Leitaðu að lagi eða skoðaðu eftir tónlistartegund.
4. Ýttu á  til að forskoða eða  til að bæta lagi eða hljóði við vídeóið þitt.

Taka upp talsetningu

Gæddu vídeóin lífi með talsetningu. Til að bæta talsetningu við vídeó:

1. Opnaðu verkefni og ýttu á Talsetning  á tækjastikunni.
2. Haltu inni  til að bæta talsetningu við. Endurtaktu til að bæta annarri talsetningu við sama vídeó.
3. Ýttu á Búið til að bæta upptökunni við vídeóið.

Breyta hljóði

Notaðu hljóðverkfæri YouTube Create til að minnka hávaða og hreinsa hljóð á vídeóunum þínum. Til að breyta hljóði:

1. Opnaðu verkefni og ýttu til að velja hljóðrás sem þú vilt breyta.
2. Notaðu tækjastikuna til að breyta hljóðupptökunni:
   • Skipta : Styttu hljóðrásina
   • Hljóðstyrkur : Notaðu sleðann til að breyta hljóðstyrk á völdu hljóði
   • Skýrast eða dofna : Notaðu sleðana til að stilla það hvenær hljóðið skýrist eða dofnar smám saman á vídeóinu
   • Finna slög : Notaðu slagmerki til að breyta hljóðrásinni á auðveldan hátt í vídeóinu
   • Hljóðhreinsun : Fjarlægðu óvelkomin hljóð og auktu á raddgæðin í upptöku.
   • Eyða : Ýttu á  til að fjarlægja hljóðbútinn af vídeóinu.
3. Ýttu á Búið til að vista breytingar.

Athugaðu: Hljóðrásir geta ekki verið lengri en vídeóið. Þú getur ýtt á og dregið hljóðbútinn til að klippa lengd upptökunnar til.