Magdagdag at mag-edit ng audio

Pagkatapos mong gumawa ng proyekto, pahusayin ang iyong mga video gamit ang mga tool sa pag-edit ng YouTube Create Bigyan ang iyong mga video ng soundtrack na may musika mula sa Audio Library ng YouTube, o magdagdag ng narration na may mga voiceover at sound effect.

Available ang YouTube Create sa mga Android phone na mayroong hindi bababa sa 4G RAM. Posibleng maging available ang app na ito sa iba pang device sa hinaharap.

Magdagdag ng musika at mga sound effect

Sa YouTube Create, puwede kang magdagdag ng royalty-free na musika sa iyong mga video para pagandahin ang iyong gawa.

Para magdagdag ng musika sa isang proyekto,

1. Mag-tap ng Tunog  sa toolbar.
2. Gamitin ang mga tab sa itaas ng page para mag-filter para sa musika mula sa Audio Library, mga sound effect, o musikang naka-save sa iyong device. 
3. Maghanap ng kanta, o mag-browse ayon sa genre.
4. I-tap ang  para i-preview o  para magdagdag ng kanta o tunog sa iyong video.

Mag-record ng voiceover

Bigyang-buhay ang iyong mga video gamit ang mga voiceover na narration. Para magdagdag ng voiceover sa iyong video,

1. Magbukas ng proyekto at i-tap ang Voiceover  sa toolbar.
2. Pindutin nang matagal ang  para magdagdag ng voiceover. Ulitin para magdagdag ng isa pang voiceover sa parehong video.
3. I-tap ang Tapos na para idagdag ang recording sa iyong video.

I-edit ang audio

Gamitin ang mga tool sa audio ng YouTube Create para mabawasan ang ingay at malinis ang audio sa iyong mga video. Para i-edit ang audio,

1. Magbukas ng proyekto at mag-tap para pumili ng layer ng audio na gusto mong i-edit.
2. Gamitin ang toolbar para i-edit ang iyong recording ng audio:
   • I-split : I-cut ang tagal ng iyong layer ng audio.
   • Volume : Gamitin ang slider para baguhin ang volume ng piniling audio
   • Fade : Gamitin ang mga slider para magtakda ng mga timestamp para sa iyong audio para mag-fade in at mag-fade out sa video mo
   • Maghanap ng mga beat : Gamitin ang mga beat marker para mag-edit sa madaling paraan ng layer ng kanta sa iyong video
   • Palilinis ng audio : Alisin ang mga hindi gustong ingay at pagandahin ang kalidad ng iyong boses sa recording mo.
   • Mag-delete : I-tap ang  para alisin ang audio clip sa iyong video.
3. I-tap ang Tapos na para i-save ang mga pagbabago.

Tandaan: Hindi puwedeng lumampas ang mga audio track sa haba ng iyong video. Puwede mong i-tap at i-drag ang audio clip para i-trim ang haba ng recording.