Paano humiling ng kapalit na PIN

Ipinapaliwanag ng artikulong ito kung paano i-verify ang mga detalye ng iyong address sa mga pagbabayad at humingi ng pamalit na PIN para sa Google AdSense account mo.

Karaniwang inihahatid ang mga PIN sa loob ng 2-4 na linggo pagkatapos maipadala, pero puwedeng mag-iba-iba ang mga delivery time depende sa iyong lokasyon. Kung hindi mo natanggap ang iyong PIN pagkalipas ng 3 linggo, puwede kang mag-request ng kapalit na PIN.

Hakbang 1. Tingnan ang iyong address sa mga pagbabayad

Sundin ang mga hakbang na ito para tingnan kung matatanggap mo ang iyong mailer ng PIN:

1. Kumpirmahing tumpak, up-to-date, at tumutugma sa bansa/teritoryong pinili mo noong nag-sign up ka para sa AdSense ang mga detalye ng iyong address. Huwag gumamit ng address sa bansa/teritoryong iba sa bansa/teritoryo ng iyong account.
2. Kumpirmahing nakakatanggap ang iyong address ng karaniwang mail sa pamamagitan ng iyong lokal na serbisyo ng mail. Para sa higit pang detalye, pumunta sa: Ano ang valid na address sa mga pagbabayad?
   Tip: Pinakamainam na ilagay ang iyong address sa mga pagbabayad sa mga lokal na character ng wika.
3. Sa karamihan ng mga lokasyon, inihahatid ng lokal na postal service ang mga PIN. Alamin sa iyong lokal na mail service provider o post office kung hindi ipinapasa sa ibang address ang mail mo. Tingnan din kung may hawak silang anumang mail para sa iyo. Kung minsan, posibleng maantala ang mga PIN sa post office.

Kung kailangan, puwede mong baguhin ang iyong address sa mga pagbabayad.

Tandaan: Mga admin user ng mga pagbabayad lang ang puwedeng mag-update ng address sa mga pagbabayad.

Hakbang 2. Humiling ng kapalit na PIN

1. Mag-sign in sa iyong AdSense account.
2. I-click ang Mga Pagbabayad, pagkatapos ay Pagsusuri sa pag-verify.
3. I-click ang Ipadala ulit ang PIN.
   • Kung humingi ka ng PIN wala pang 3 linggo ang nakakalipas, may mensaheng nagsasaad na nag-request ka na ng PIN. Puwede ka lang humingi ng bagong PIN kada 3 linggo.
   • Kung mahigit 3 linggo na, may lalabas na dialog box na magbibigay-daan sa iyo na i-verify at i-update ang address sa mga pagbabayad mo bago i-click ang Ipadala Ulit. May mensaheng magkukumpirmang magpapadala kami ng pamalit na PIN sa iyong address sa mga pagbabayad.

Mga Paalala:

• Kung maunang dumating ang iyong orihinal na PIN, puwede mo itong gamitin; magiging duplicate ng orihinal ang kapalit na PIN.
• Kung na-request mo na ang iyong ika-4 na mail ng pamalit na PIN at hindi mo pa rin ito natatanggap pagkalipas ng 3 linggo, pumunta sa aming troubleshooter ng PIN.