ທ່ານສາມາດຖ່າຍທອດສົດສຽງດ້ວຍສຽງຮອບທິດທາງ 5.1 ລົງໃນ YouTube ໄປຫາຜູ້ຊົມ ດ້ວຍອຸປະກອນທີ່ເຂົ້າກັນໄດ້. ສຽງຮອບທິດທາງ 5.1 ໃຊ້ຊ່ອງສັນຍານແບນວິດແບບເຕັມຮູບແບບ 5 ຊ່ອງ, ເຊິ່ງຮວມມີ:
- ຊ້າຍໜ້າ
- ທາງກາງ
- ຂວາໜ້າ
- ຊ້າຍຮອບທິດທາງ
- ຂວາຮອບທິດທາງ
ນອກເໜືອຈາກຊ່ອງສັນຍານ 5 ຊ່ອງນີ້ແລ້ວ, ຍັງມີຊ່ອງເອັບເຟັກຄວາມຖີ່ຕ່ຳ 1 ຊ່ອງ ເຊິ່ງອອກແບບມາເພື່ອຊັບວູບເຟີນຳ.
ເພື່ອສະຕຣີມສຽງດ້ວຍສຽງຮອບທິດທາງ 5.1 ໄປໃສ່ຊ່ອງຖ່າຍທອດສົດຂອງ YouTube, ທ່ານຕ້ອງສ້າງເນື້ອຫາສຽງຮອບທິດທາງ 5.1 ທີ່ເຂົ້າກັນໄດ້ ແລະ ໃຊ້ເຄື່ອງເຂົ້າລະຫັດທີ່ເຂົ້າກັນໄດ້.
ກະລຸນາຮັບຊາບວ່າລະບົບຮອງຮັບສະເພາະການນຳເຂົ້າຂໍ້ມູນສື່ມັນຕິມີເດຍທີ່ມີສຽງແບບໂມໂນ, ສະເຕຣິໂອ ແລະ ສຽງຮອບທິດທາງ 5.1 ເທົ່ານັ້ນ. ການຕັ້ງຄ່າຊ່ອງສຽງແບບອື່ນອາດເຮັດໃຫ້ການແປງສຽງເປັນສະເຕຣິໂອບໍ່ໜ້າເຊື່ອຖື.
ຕັ້ງຄ່າການສະຕຣີມດ້ວຍສຽງຮອບທິດທາງ 5.1 ໃນຫ້ອງຄວບຄຸມການຖ່າຍທອດສົດຂອງ YouTube
ທ່ານສາມາດໃຊ້ທັງໂປຣໂຕຄໍການນຳເຂົ້າຂໍ້ມູນສື່ມັນຕິມີເດຍ RTMP ແລະ HLS ເພື່ອສົ່ງສະຕຣີມພ້ອມສຽງ 5.1. ເພື່ອໃຫ້ລະບົບກວດຫາອິນພຸດສຽງຮອບທິດທາງ 5.1 ແລະ ສ້າງສຽງຮອບທິດທາງ 5.1 ໂດຍອັດຕະໂນມັດ, ທ່ານຕ້ອງສ້າງລະຫັດສະຕຣີມໂດຍ ບໍ່ເລືອກ ການຕັ້ງຄ່າ “ເປີດໃຊ້ຄວາມລະອຽດແບບກຳນົດເອງ” ໃນຫ້ອງຄວບຄຸມການຖ່າຍທອດສົດ.
- ເຂົ້າໄປຫ້ອງຄວບຄຸມການຖ່າຍທອດສົດໂດຍເຂົ້າໄປທີ່ YouTube Studio, ຈາກນັ້ນຄລິກສ້າງ
ຖ່າຍທອດສົດ.
- ຄລິກເມນູແບບເລື່ອນລົງຢູ່ທາງລຸ່ມລະຫັດສະຕຣີມ ແລ້ວເລືອກສ້າງລະຫັດສະຕຣີມໃໝ່.
- ໃສ່ຊື່ສຳລັບລະຫັດສະຕຣີມ, ໂປຣໂຕຄໍການສະຕຣີມ ແລະ ບໍ່ເລືອກ ກ່ອງ “ເປີດໃຊ້ການຕັ້ງຄ່າແບບກຳນົດເອງ” ຢູ່ທາງລຸ່ມຄວາມລະອຽດຂອງສະຕຣີມ.
- ຄລິກສ້າງເພື່ອບັນທຶກ.
ການຕັ້ງຄ່າເຄື່ອງເຂົ້າລະຫັດ
ປະຕິບັດຕາມຂໍ້ແນະນຳສຳລັບ ການຕັ້ງຄ່າເຄື່ອງເຂົ້າລະຫັດທົ່ວໄປ. ການຕັ້ງຄ່າສະເພາະສຳລັບສຽງຮອບທິດທາງ 5.1 ບາງສ່ວນມີດັ່ງນີ້:
- codec ສຽງ: ລະບົບຮອງຮັບສຽງຮອບທິດທາງ 5.1 ສຳລັບ AAC ໃນໂປຣໂຕຄໍການນຳເຂົ້າຂໍ້ມູນສື່ມັນຕິມີເດຍ RTMP ເທົ່ານັ້ນ; ສຳລັບ ການນຳເຂົ້າຂໍ້ມູນສື່ມັນຕິມີເດຍ HLS, ລະບົບຈະຮອງຮັບ AAC, AC3 ແລະ EAC3 ສຳລັບສຽງຮອບທິດທາງ 5.1.
- ອັດຕາການສຸ່ມຕົວຢ່າງສຽງ: 48 KHz ສຳລັບສຽງຮອບທິດທາງ 5.1.
- ບິດເຣດຂອງສຽງ: 384 Kbps ສຳລັບສຽງຮອບທິດທາງ 5.1.
ເຄື່ອງເຂົ້າລະຫັດທີ່ເຂົ້າກັນໄດ້
ເຄື່ອງເຂົ້າລະຫັດຕໍ່ໄປນີ້ເປັນເຄື່ອງເຂົ້າລະຫັດທີ່ຮູ້ວ່າເຂົ້າກັນໄດ້ສຳລັບສະຕຣີມສຽງຮອບທິດທາງ 5.1 ໄປໃສ່ຊ່ອງຖ່າຍທອດສົດຂອງ YouTube. ເຄື່ອງເຂົ້າລະຫັດອື່ນໆຈະຖືກເພີ່ມເຂົ້າເມື່ອພວກມັນຖືກທົດສອບແລ້ວ.
ເຄື່ອງເຂົ້າລະຫັດຊອບແວ
ເຄື່ອງເຂົ້າລະຫັດຮາດແວ